Read wanga TSITSABULI 77 Bible Online

TSITSABULI 77 - wanga bible

TSITSABULI 77

¹Ehaaba nomwoyo omukhongo khu Nyasaye, ehaaba nomwoyo omukhongo kho mbu yarecheresie.

²Olwa emba mumatinyu, ndalahabila OMWAMI Nyasaye. Eshilo shiosi enjinganga amakhono kanje ikulu obulachonya ta, nebutswa omwoyo kwanje kuloba okhuhotselesibwa.

³Olwa embaarakhwo khu Nyasaye, ndihunamilanga, olwa eyililisia, omwoyo kwanje kufwililila.

⁴Nyasaye yakholanga okhufubia tsindoolo eshilo shiosi; ehendanga muno mbu kata embula eliokhuboola.

⁵Embaranga khuketsinyanga tsiakhale ninditsulila emiyika chiabira.

⁶Ehonga nendi mumapaaro eshilo shiosi, eyililisinjia nindireeba mumwoyo endi;

⁷“OMWAMI Nyasaye alakhuloba butswa ifwe buli lwosi noho? Shialichamisibwakhwo ninefwe khandi ta?

⁸Obuheelibwe oburalilu bwahwela elala noho? Shialitusia obusuubisiebwe khwifwe ta?

⁹Nyasaye wayebilila okhukhulolela eshisa noho? Muburuma yakhaba niyekalila eshisashie khwifwe noho?”

¹⁰Mana nemboola endi, “Eliisaalisinjia okhushila koosi lili mbu, Nyasaye Omukhongo Muno shiashili nobunyali tawe.”

¹¹OMWAMI Nyasaye ndaletsulila ebikholebio ebikhongo, toto ndaletsulila akamakana kawakhola khale.

¹²Ndalapara khukawakhola khale koosi neyililisia khubikholebio ebikhongo.

¹³Nyasaye buli shiashindu shiokholanga neshitakatifu abulaho omunyasaye omukhongo shinga iwe tawe.

¹⁴Niwe Nyasaye oukholanga akamakana wamanyisia amaaniko khubamahanga.

¹⁵Khulwa obunyalibwo wahonia abandubo, abolwibulo lwa Yakobo nende Yosefu.

¹⁶E Nyasaye, olwa tsinyanza tsiakhulola tsiaria, nolwa tsisiba tsietsinyanza tsiakhulola tsiatilwa neindenga.

¹⁷Amaleesi kakwisia okufula ne likulu nilikukuma natsio tsimbenu nitsihenukha tsimbeka tsiosi.

¹⁸Oluyoka lwokhukukumakhwo lwali mushimbalakusi obulafu bwetsimbenutsio bwalafia eshialo, nashio nishirenga nishitechela.

¹⁹Injilayo yali munyanza nomuhandakwo nikubira munyanza ikhongo nebutswa amakhuwako shikalolekha tawe.

²⁰Wemilila abandubo shinga omwayi wamakondi okhubirira mumakono ka Musa nende Haroni.