Read wanga TSITSABULI 8 Bible Online

TSITSABULI 8 - wanga bible

TSITSABULI 8

¹Khumurereesi wetsinyimbo: Yimbilwa mumayosi kolwimbo lwelichesa. Itsabuli ya Daudi. Iwe OMWAMI Nyasaye, Nyasaye wefwe, eliiralio nelioluyali muno mushialo shiosi! Oluyalilwo luulanga mwikulu.

²Abaana abatoro nende tsindaana bakhwitsoomia, kho mbu oholelesie abasukubo nende abakhuyinganga.

³Nihenga khwikulu, lia wakaasia namakhonoko, kata khumwesi nende tsing'ining'ini ebia wasimikha mubwikhalo bwabio,

⁴kho omwana womundu nishiina kho mbu, omupaarekhwo, kata omundu namundu nishiina kho mbu, omuteebe?

⁵Nebutswa wali hambi okhumukhola okhuba shinga iwe Nyasaye, nomufwala olusimbi lwoluyali nende ifuma.

⁶Wamwahula okhuba omuruchi khubilonjebio biosi, nora ebindu biosi mubunyalibwe,

⁷amakondi nende tsing'ombe, kata tsisolo-nabulimo,

⁸amanyonyi halala nende tsinyeni tsiomumatsi, halala nende ebilonje bili munyanza biosi.

⁹Iwe OMWAMI Nyasaye, Nyasaye wefwe, obukhongobwo bulolekhanga mushialo shiosi.