Read wanga TSITSABULI 82 Bible Online

TSITSABULI 82 - wanga bible

TSITSABULI 82

¹Nyasaye ayaasia omuse kwomwikulu, hakari womukhung'ano kwabanyasaye ahaana obukhalachibwe naboola ari;

²“Mulakhola obukhalachi obulali bwahabwene ta okhuula lina? Mulakhola ebiela okhuula lina?

³Mukhalache eshiina shiabateshele nende ababisandu habwene, mukholelenje ababisandu nende abamanani akabakwanile okhukholelwa.

⁴Muhabine abamanani, nimubahonia okhurula mubunyali bwabandu abamayanu.

⁵“Babula obuchesi kata obumanyilisi, bachendanga mushiilima, ne omuse kweshialo kwosi kurenga.

⁶Isie emboola endi, ‘Inywe muli abanyasaye, mwesi muli abaana ba oyo ouli omukhongo muno.’

⁷Nebutswa mulifwa butswa shinga abandu nabandu, mulifwa butswa shinga abaruchi.”

⁸Iwe Nyasaye, buukha okhalachile eshialo eshiina, shichila amahanga koosi nakoko.