Read wanga TSITSABULI 83 Bible Online

TSITSABULI 83 - wanga bible

TSITSABULI 83

¹Iwe Nyasaye, shiolaholeela tawe, shiolaholeela kata okhubuna butswa tsi tawe.

²Lola, abasukubo bakholile induli, nabo abakhusila bachinjile emirwe chiabwe.

³Barechekhanga mabiswi okhukhoba abandubo nibaloosia halala okhuyinga abaahulebo.

⁴Baboolanga bari, “Chende khusasie lihanga liabwe, kho mbu eliira lia Isiraeli liibililwe emiyika chiosi.”

⁵Boosi bafuchilisania nomwoyo mulala khubuloosie obwo, bakhola indakano boosi okhukhusera iwe;

⁶Abandu ba Edomu nende aba Ishimaeli, Abamoabu nende aba Hagari,

⁷aba Gebali, Amoni nende Amaleki, nende Abafilisiti nende aba Tiro.

⁸Abasiria boosi babonjile omukhono, nibo abasiani bamaani abolwibulo lwa Loti.

⁹Obakholele aka wakholela Abamidiani, nende khu Sisera nende Yabini khumwalo kwa Kishoni.

¹⁰Wabamulula Endori ne emibili chiabwe nichibolela khwiloba.

¹¹Okholele abemilisi babwe akawakholela Orebu nende Zeebu, ohule abaruchi babwe boosi shinga olwa wahula Zeba nende Zalimuna.

¹²Ababoola mbu, “Abeene khulebukulila eshialo shia Nyasaye okhuba eshiefwe.”

¹³Iwe Nyasaye wanje, obasalaasie shinga olufu lutumuulwa neshimbalakusi.

¹⁴Shinga omulilo okusamba omutsuru, kata shinga tsimemu tsihafia eshikulu omulilo.

¹⁵Balondachilile nende imbumbuyekayo nobariisia neshimbalukusishio.

¹⁶Iwe OMWAMI Nyasaye, obafimbie omurwe, mana barie obunyalibwo.

¹⁷Bafimbwe omurwe nobakoyasia inziayo, bafwe mushifimbwa murwe shiabwe.

¹⁸Obakhole bamanye mbu iwe wenyene niwe OMWAMI Nyasaye, Omukhongo muno khushialo shiosi.