Read wanga TSITSABULI 91 Bible Online

TSITSABULI 91 - wanga bible

TSITSABULI 91

¹Omundu yesi owilushilanga khu OMWAMI Nyasaye khulwa okhwihonokosia, owikhalanga mubulindi bwa Nyasaye Owobunyali Bwosi,

²aliboolela OMWAMI Nyasaye ari, “Niwe obwilushilo bwanje khandi olukoba lwanje, niwe Nyasaye wanje owandisikanga.”

³Naye alakhuhonokosia okhurula mumireko emimayanu, khandi okhurula mulumbe.

⁴Alakhufunikha netsimbahatsie, khandi hasi wetsimbahatsie olanyoola obuliindi obulayi, obwisiikwabwe bulaba ingaboyo nende eshikhumbashio.

⁵Shiolaria amarisia keshilo, noho kata okhuserwa khwabwangu khweshiteere tawe.

⁶Kata shiolaria olumbe lwitsanga mushiilima, noho kata amabi keranga mushiteere tawe.

⁷Abandu eshikhumila banyala okhukwa halubekawo nibafwile, kata abandu ebikhumila ekhumi banyala okhukhubotokhana nibafwile, nebutswa iwe amasila shikalakhulakhwo tawe.

⁸Olahenga nolola shinga olwa abamayanu bahebwa eshinyasio.

⁹Shichila wakhola OMWAMI Nyasaye okhuba obwilushilobwo, Omukhongo Muno okhuba omulindiwo,

¹⁰kho libulaho libi elilakhwitsakhwo kata induli eyikholwa ahambi khushimenyoshio tawe.

¹¹Nyasaye alahana abamalaikabe okhukhulinda nende okhukhwimilila munjendayo yosi.

¹²Balakhuchinga namakhono kabwe ikulu, nende okhukhulinda oleshe okhwisichirala eshilenjeshio khwichina.

¹³Olasenachila hasi tsitalanyi nende tsinzokha, olasenachila hasi tsitalanyi tsimbuukha nende tsinzokha tsiobufwisi obululu muno.

¹⁴Nyasaye aboola ari, “Ndalahonia abaheela isie, khandi ndalalinda abarumbulanga eliira lianje, nende okhufuchilila mbu nisie OMWAMI Nyasaye.

¹⁵Ne olwa bahabila, ndalabahulila, ndalaba ninabo nibali mumatinyu, khandi ndalabahonokosia nende okhubahelesia oluyali.

¹⁶Ndalabahelesia omurungo kwobulamu oburambi, nende okhubahonia.”