Read wanga TSITSABULI 95 Bible Online

TSITSABULI 95 - wanga bible

TSITSABULI 95

¹Yitse khwimbile OMWAMI Nyasaye! Khupile Nyasaye ouli olwanda lwobuhonia bwefwe tsingalakala.

²Chende khutsie imbeliwe nolwimbo lwokhupa orio, khumukhupile tsingalakala nikhumwitsoomia.

³Okhuba OMWAMI Nyasaye niye Nyasaye owoluyali, khandi omuruchi omukhongo okhushila abanyasaye bandi boosi.

⁴Arukanga eshialo shiosi, okhurula hasi mulusiba lweshialo okhuula ikulu khubutenje bwebikulu.

⁵Arukanga inyanza shichila niye owachiraho, nende eshialo eshia omwene yalonga.

⁶Yitse khusikame nikhumwinamila, khusikame imbeli ewa OMWAMI Nyasaye, omulonji wefwe.

⁷ Niye Nyasaye wefwe, nefu khuli abomulwayilolwe, khandi amakondi aka yemililanga. Recheresie inyanga yino, aboola ari,

⁸“Shimulatinyie emioyo chienywe shinga olwa abakuuka benywe bakhola Meriba khunyanga eyo olwa bali Masa mushitsiimi tawe.

⁹Olwa bandeema, kata olwa bali nibalola ebikhole bianje biamakana.

¹⁰Khulwa emiyika amakhumi kane, ndasinyishila olwibulo olwo, ne nemboola endi, ‘Nabandu abemioyo emishiamu, ne shibalondanga amalako kanje tawe.’

¹¹Ndabasinyishila mana ninditsuba nemboola endi, ‘Shibalinjilakhwo mushialo eshia ndakhamuhelesiliemwo obuhuluushi tawe’ ”