Read wanga TSINJELO 19 Bible Online

TSINJELO 19 - wanga bible

TSINJELO 19

¹Omumanani ouchendanga mushilongoole nomulayi, okhushila omuyingwa ouboolanga akobumayanu.

²Shinobulayi omundu okhukhula nabula obumanyi tawe, naye ouyuyukhana okhuchenda akoranga injila.

³Obuyingwa bwomundu bumusasinjia omwene, ne achoomia lirumalie khu OMWAMI Nyasaye.

⁴Obuyinda bureeranga abeetsa abanji, nebutswa omumanani atong'anga nabula omwitsa.

⁵Omuloli omubeeyi shialachweya okhuhebwa eshinyasio ta, naye omubeeyi shialahonokokha eshinyasio tawe,

⁶Abandu abanji bekholanga abalayi khubahaani, khandi buli omundu ateemanga okhuba omwitsa womundu omuhaani.

⁷Omumanani asiirungwa kata nabekhobe, nabo abetsabe bamwilukhanga, kata nateema okhubaloondakhwo nabesaaya shiabanyoola tawe.

⁸Oyo ounyoola obuchesi yeheela omwene, naye oulindanga obumanyilisi ayindihalanga.

⁹Omuloli omubeeyi shialachweya okhuhebwa eshinyasio ta, naye omubeeyi alasikha.

¹⁰Shinobulayi omuyingwa okhumenya obulamu bwokhwisangasia ta, noho omusumba okhuruka abakhulundu tawe.

¹¹Abali nobuchesi shibatilungwa neliruma bwangu ta, khandi okhuleshela ababakholela amabi noluyali khubo.

¹²Liruma liomuruchi lili shinga okhuhoola khweitalanyi, nebutswa obukoosiabwe buli shinga liime khubunyasi.

¹³Omwana omuyingwa nobusasishi khusamwana, naye omukhasi wobusoolo ali shinga ifula yomutsichi.

¹⁴Inzu nende obuyinda nobulaame bwomundu anyoolanga okhurula khubebusibe, nebutswa omukhasi omulayi arulanga khu OMWAMI Nyasaye.

¹⁵Obukara bureeranga tsindoolo tsinyinji, naye omutofu alumungwa neinzala.

¹⁶Oulondanga amalako, alindanga obulamubwe omwene, nebutswa oyo oulechelesinjia amebaalo mubulamubwe alafwa.

¹⁷Omundu oukhoonyanga omumanani, ali shinga ouhosiye OMWAMI Nyasaye, naye Nyasaye alamurunga khulwa ebikholebie ebilayi.

¹⁸Kololosia omwanawo nashili omutiiti, nebutswa olamuhelesia eshinyasio eshinyala okhumusasia tawe.

¹⁹Omundu oweliruma elinji okhuula omwene yetuushe eshinyasio shialio, noba nomuhonokosia lulala, okhuula olamuhonokosia khandi.

²⁰Recheresia obwibaali, khandi ofuchilile okhuchetsiyibwa, kho onyoole obuchesi olunyuma.

²¹Omundu arechekhanga okhukhola amakhuwa amanji, nebutswa aka OMWAMI Nyasaye yenya niko akekholekhanga.

²²Eshienyekha khumundu nobuholo, nobulayi okhuba omumanani okhushila okhuba omubeeyi.

²³Okhuria OMWAMI Nyasaye khureeranga obulamu, naye oumuritsanga amenyanga mumulembe, khandi shialanyola amasila ta.

²⁴Omukara yeenanga omukhonokwe mushikaye shieshiokhulia, nebutswa shianyala kata okhukuyila khumunwakwe tawe.

²⁵Khupa omukokonyi, naye omuyingwa alanyoola oburecherefu, halabila owobumanyilisi naye alanyoola obumanyi.

²⁶Omwana oukholela samwana induli nende okhuloonda nyina hango, areeranga eshifimbwa murwe nende tsisoni.

²⁷Mwana wanje, nolekha amakhuwa akobuchesi, kho olakora okhurula khubumanyi.

²⁸Omuloli oulakhoya ta, alechelesinjia obukhalachi bwa habwene, naye omumayanu arechekhanga obumayanu.

²⁹Eshinyasio shirecheshelwe abakokonyi, nayo indabushi khulwa emikongo chiabayingwa.