Read wanga TSINJELO 5 Bible Online

TSINJELO 5 - wanga bible

TSINJELO 5

¹Mwana wanje, rechelesia obuchesi bwanje, reka eshirwishio khubumanyilisi bwanje.

²Kho mana otinye khubuchesi, nakwo omunwakwo kulinde obumanyi.

³Okhuba omunwa kwomukhasi omuheyi kuronyinjia obuushi, nako amakhuwake namarerele okhushila amafura.

⁴Nebutswa obumalilishibwe nomululu pia shinga indulandulwa, khandi omumemu shinga olukanga olwamema tsimbeka tsiombi.

⁵Ebilenjebie bikholomokhanga mulifwa, amakuluke katsitsanga emakombe.

⁶Shiachendanga shilunji khunjila yobulamu ta, tsinjilatsie nitsishiamu, nebutswa shiamanyanga tawe.

⁷Mwana wanje, bulano urecheresie, olalekhakhwo amakhuwa akekhuboolelanga tawe.

⁸Wihanye okhurula khumukhasi shinga oyo, khandi olasitakhwo ahambi nomuliango kweinzuye tawe!

⁹Nolakhola orio ta, kho oluyalilwo lulatsia khubandu bandi, nachio emiyikachio chilatsia khubandu ababula tsimbabasi.

¹⁰Abarende balabukula obuyindabwo bwosi, nalwo oluchesilwo lulahwela munzu yomurende.

¹¹Mubumalilishi bwobulamubwo wakhelilile, olwa inyamayo nende omubilikwo bilihwelelela.

¹²Nilwo lwolireeba ori, “Eshiachila nendoba okhwechesibwa nishiina? Eshiachila nenjaaya okhuhalabilwa nishiina?

¹³Shindarechelesia amebaalo kabeechesia banje ta, khandi shindareka eshirwi khubebaali banje tawe.

¹⁴Ne bulano endi ahambi okhusasishila elala, ehale nomukanda kwabandu.”

¹⁵Omukhasiwo ali shinga isebele yamaatsi amalafu, kho onywe amaatsi akeisebeleyo omwene.

¹⁶Eshichila shiina tsisebeletsio etsiamaatsi tsisalasibwe ehale, nachio emichela chiamaatsi chisalasibwe khumihanda?

¹⁷Amaatsi ako nakoko wenyene, ne olasangamwo nabandu bandi tawe.

¹⁸Isebeleyo yinyoole tsikhabi, nawe wikhoyele omukhasiwo owa wateshia noshili omubuukha.

¹⁹Nowelikondo lilayi khandi owokhuchamisia shinga eshitsusu. Obuheelibwe bukhuchamisie, khandi akhumeesie nobuheelibwe buli lwosi.

²⁰Mwana wanje, eshichila oheele omukhasi undi nishiina? Eshichila nochamisibwa nobuheeli bwomukhasi omutamba nishiina?

²¹OMWAMI Nyasaye alolanga buli shindu shiomundu akhola, khandi alolanga buli habundu ahomundu atsia.

²²Obwonooni bwabamayaanu, nomubero khubo abeene, batilungwa mulurimba lwobwonooni bwabwe abeene.

²³Bo bafwitsanga khulwa okhubula ebiima ebilayi, khandi basasikhanga khulwa obuyingwa bwabwe obunji.