Read wanga OMWIBAALI 10 Bible Online

OMWIBAALI 10 - wanga bible

OMWIBAALI 10

¹Tsisi tsifwiile tsikholanga amafura keshing'ari okhuhunya obubolo, nabwo obuyingwa butiiti bwonooninjia obuchesi nende oluyali.

²Amapaaro komundu omuchesi kamuchoominjia okhukhola akobulunjishi nebutswa amapaaro komuyingwa kamuchoominjia okhukhola obumayaanu.

³Obuyingwa bwomuyingwa bulolekhanga, kata olwa achenda khunjila, yemanyisinjia khubuli mundu mbu nomuyingwa.

⁴Omuruchiwo niyakhakhutiilila liruma, olalekha okhukhola emilimochio ta, shichila okhwiyila kalaha khunyala okhuchila waleshelwa obwonoonibwo obukhongo.

⁵Buliho obubi bundi obwa ndalutsi mushialo, obukholungwa nabaruchi mbu,

⁶abandu abayingwa bahebungwa ebifumbi bioluyali, nebutswa abayinda bahebungwa ebifumbi bia hasi muno.

⁷Ndalola abasumba nibachendela khutsifarasi nabo abandu boluyali nibachenda khubilenje shinga abasumba.

⁸Omundu yesi ouyaba obuko anyala okhukwamwo; naye oulibulula lisisi anyalaokhulumwa neinzokha.

⁹Omundu yesi ouyaba amachina, anyala okhusalisibwa ninako, naye owasiaka ebirundu biemisaala anyala okhusalisibwa ninabio.

¹⁰Ihaywa yiyio niyiba ifuu, ne nolachiyiakala ta, okhuula wikhoonyele amaani amanji okhuchikholela emilimo. Nebutswa noba nobuchesi nonyalilwa mumilimochio obulayi.

¹¹Inzokha niyiba niyiranjilila okhukhuluma noshili okhuchihotselesia, oba obula inganga okhuchihotselesia.

¹²Amakhuwa kabandu abachesi baboolanga kabahelesinjia oluyali, nebutswa amakhuwa kabayingwa baboolanga kabasishinjia abeene.

¹³Abayingwa bachakanga nokhuboola obuyingwa mana bamalilisia namalalu kene.

¹⁴Abayingwa batsiilililanga okhwilakalakania. Ne abulaho oumanyile aka nakekholeshe olunyuma; khandi abulaho ounyala okhukhuboolela ifwe akakhekholeshe olunyuma.

¹⁵Omuyingwa akholanga emilimo mana chimuchonyia okhuula akhaywa okhumanya injila yokhukalukha ingowe.

¹⁶Lihanga niliba nomuruchi wamapaaro kolwana, nabo abemilisi balio nibaliitsanga amasabo okhuchaaka mumabwibwi, liba mumasila.

¹⁷Nebutswa lihanga liba neikhabi okhuba nomuruchi wa amapaaro keshikhulundu, ne abemilisi balio nibaliitsanga khushise shikhoyele, khulwa okhwimeeta amaani khandi nibalameela tawe.

¹⁸Noba omukara okhukaasia eshilama shieinzuyo, ifula yilanza okhukwamwo mana inzu yosi yikwe.

¹⁹Okhulia khukhukhola omusangafu, nayo idivai yikhukhola okhutsaatsahala nebutswa shionyala okhunyoola ebio biosi nobula amapesa tawe.

²⁰Shiolalaama omuruchi eshilaamo shiobubi ta, khandi shiolalaama omuyinda noli mushisikashio shiokhwiyalisia tawe. Linyonyi liakhahulila, noho eshilonje shiosi eshia amabaha shinyala okhutsia okhuboola amakhuwa ako.