Read wanga OLWIMBO OLUKHULUNDU 6 Bible Online

OLWIMBO OLUKHULUNDU 6 - wanga bible

OLWIMBO OLUKHULUNDU 6

¹Iwe ouli owelikondo lilayi okhushila abakhasi bandi boosi, omuheelwawo atsile heena? Aloondeele heena omuheelwawo, kho khukhoonyane okhumukhaba?

²Omuheelwa wanje atsiile mumukundakwe, ewemisaala chietsindesi tsieshiuya chili. Yayanga ebiayobie mumukunda, nakhung'asia halala amataanye.

³Isie endi owa omuheelwa wanje naye yesi khandi nowanje, yayanga ebiayobie mumataanye.

⁴Omuheelwa wanje, oli owelikondo lilayi shinga litookho lia Tiriza, khandi wakasa shinga litookho lia Yerusalemu, owokhurisia shinga abelihe abali netsipendera.

⁵Shiukhania tsimonitsio urusiekhwo, shichila tsingoyasia. Liswilio lili shinga eshiayo shietsimbusi etsikholomokhanga khubikulu bia Giliadi.

⁶Ameenoko namalafu shinga eshiayo shiamakondi akosiibwe, koosi kaloosibwe kabili kabili ne libulaho elibula eliashie ta.

⁷Tsindamatsio tsing'inang'inanga inyuma weshitambayashio shiokhumurwe.

⁸Lekha omuruchi abe nabakhasi amakhumi kasasaba, nende abakhasi ababikha amakhumi munane nende abakhaana ababuukha abalanyala okhubalwa tawe!

⁹Nebutswa ndaheela mulala yenyene, naye yanjamisinjia shinga olwa lihusi lichamisinjia. Niye omukhaana omuteelwa mubaana banyina, omwana wa nyinamwana yaheela okhushila abandi boosi. Abakhasi boosi bamulolanga mana bamwitsoomia; Abakhaye bomuruchi nende abakhasibe ababiikha bembanga tsinyimbo nibamwitsoomia.

¹⁰Niwiina oyo, ouhenganga shinga eshialo nibushietsanga? Nowelikondo lilayi khandi yakhanga shinga eliuba noho omwesi, ne arisinjia shinga abelihe abali neipendera.

¹¹Ndatsile mumukunda kwemilusi, okhulola ebiraache ebitendemu ebiomwibanda, okhulola emiseituni nichiba nichisebuushe, noho amakomamanga nikaba nikamulishe.

¹²Neshili okhumanyilisia, wakhola okhuba nobuha bwobuheeli shinga omwilusi welikaari liokhutsia mwihe.

¹³Kalukha, kalukha iwe omukhaana wa Shulamu, kalukha kalukha khukhuhenjekhwo. Nishiina eshichilanga nimwenya okhundola shinga olwa eshiina hakari wa abemikanda chibili?