Read wanga ISAYA 12 Bible Online

ISAYA 12 - wanga bible

ISAYA 12

¹Khunyanga eyo mwakhembe nimuboola muri, “Ekhwitsoomia iwe OMWAMI Nyasaye, okhuba kata niwali noburuma khwisie, oburumabwo bwahwele, ne bulaano uneminjia omwoyo.

²Toto, Nyasaye niye omuhonia wanje, ndalamwisikanga, ne shindalaria ta. OMWAMI Nyasaye niye amaani kanje khandi obunyali bwanje. Niye omuhonia wanje.”

³Mwakhatahe amaatsi nomwikhoyo, okhurula mumayabo kobuhonia.

⁴Khunyanga eyo mwakhembe nimuboola muri, “Khupile OMWAMI Nyasaye orio, rumbule eliiralie. Boolele amahanga koosi akebikholebie, rumbule mbu eliiralie lichingulilwe muno.

⁵Mwimbe nimwitsoomia OMWAMI Nyasaye, okhuba akholile amakhuwa amakhongo, leshe kano kamanyishe mushialo shiosi.

⁶Khupe tsingalakala nimwimba nomwikhoyo inywe abamenyani ba Zayuni, okhuba Omutakatifu wa Isiraeli nomukhongo hakari wenywe.”