Read wanga ISAYA 20 Bible Online

ISAYA 20 - wanga bible

ISAYA 20

¹Omuruchi Sarigoni wa Asiria yaruma omukhongowe welihe okhutsia okhuseera litookho lia Ashidodi, naye naliseera nende okhulibukula.

²Emiyika chitaru amakhuwa ako nikashili okhwikholekha, OMWAMI Nyasaye yali niyaboolela Isaya, omusiani wa Amozi ari, “Fwalula tsingubo tsiamakunia tsiofwalile etsio, khandi ofwalule ebilaaro bili mubilenjebio ebio.” Mana Isaya nakhola ario, ne nachenda ebilenje ebikhaya khandi nali shichula.

³Mana mumuyika tsana kwelitookho lia Ashidodi liabukulilwakhwo, OMWAMI Nyasaye yaboola ari, “Omukhalabani wanje Isaya wakhachenda shichula khandi nali ebilenje ebikhaya khulwemiyika chitaru. Eshio neshilolelo khu akalikholekha khushialo shia Misiri nende eshia Etsiopia.

⁴Omuruchi wa Asiria alatiila abandu ba Misiri nende ba Etsiopia nabakhola abahambebe boosi. Abaana nende abokofu balatiilwa nende okhuchenda eshiechenye khandi khubilenje ebikhaya, nibali shichula, khulwa okhufimbia eshialo shia Misiri omurwe.

⁵Mana abesikanga Etsiopia nende abeyitsialilanga Misiri balifwa omwoyo nende okhufimbwa omurwe.

⁶Khunyanga eyo, abandu abamenyanga khuluchinga lweinyanza baliboola bari, ‘Lole akekholeshe khubandu bakhwesikanga, khandi abakhwelushilanga mbu bakhuhonie okhurula khumuruchi wa Asiria! Kho nefu nakhwihonokokhe khurie?’ ”