Read wanga ISAYA 38 Bible Online

ISAYA 38 - wanga bible

ISAYA 38

¹Munyanga etsio, omuruchi Hezekia yalwala naba ahambi okhufwa. Ne omulakusi Isaya omusiani wa Amozi, niyetsa okhumulola namuboolela ari, “OMWAMI Nyasaye aboola ari, ‘Kasia obulayi amakhuwa keinzuyo, shichila shiolahona ta, habula olafwa.’ ”

²Mana omuruchi Hezekia nashiukhana nahenga khwisiisi, ne nasaaya OMWAMI Nyasaye naboola ari,

³“OMWAMI Nyasaye, witsulile mbu isie ndakhukhalabanila mubwisiikwa nende mubuhulili, khandi buli lwosi ndateema okhukhola akali amalayi imbeliwo.” Mana Hezekia nalila obululu.

⁴Ne OMWAMI Nyasaye nalachilisia omulakusi Isaya ari,

⁵“Kalukha oboolele Hezekia mbu, kano niko aka isie OMWAMI Nyasaye, Nyasaye wa kuukawo Daudi emboola; Embuliile amasaayoko nende okhuhabakhwo; khulweshio ndalakhumeeta emiyika chindi ekhumi nachirano.

⁶Ndalakhuhonia iwe nende litookho lia Yerusalemu okhurula mumakhono komuruchi wa Asiria, khandi ndalalilinda.”[6]

²¹Isaya yali naboolile ari, “Bukule libumbi liamakhuyu mubashe khumabureke, kho ahone.”

²²Naye omuruchi Hezekia yali nareebile ari, “Nishiina eshimanyisia mbu, ndalatsia muhekalu ya OMWAMI Nyasaye?” Omulakusi Isaya naboola ari, “Shino shilaba eshilolelo okhurula khu OMWAMI Nyasaye, mbu alakhola akakhusuubisiye ako. OMWAMI Nyasaye alakalusia inyuma eshiinikha shieliuba amakulu ekhumi khubiniinilo biomuruchi Ahazi yombakha,” Mana eshiinikha eshio nishisita inyuma amakulu ekhumi. Olwa Hezekia yali nahonile, yahandika olwimbo lwokhwitsoomia naboola ari, “Ndapaara mbu, mutsinyanga tsindayi tsiobulamu bwanje, ndali nikhoyile okhwinyokha; ndali nindakasilibwa okhutsia emakombe, mbu embeyo tsinyanga tsiobulamu bwanje tsiosi. Ndapaara mbu, shinendolekhwo OMWAMI Nyasaye, mushialo shiabali mwoyo tawe; kata shinendolekhwo omundu yesi, mu abali mwoyo mushialo tawe. Obulamu bwanje bwali nibubukuulwe, niburusiibwekhwo, shinga liheema liomwayi; shinga eshitasi eshikhalaakwe okhurula khungubo. Ndapaara mbu Nyasaye ayininjiaho(...)