Read wanga ABALAWI 12 Bible Online

ABALAWI 12 - wanga bible

ABALAWI 12

¹OMWAMI Nyasaye nalachilisia Musa mbu,

²aboolele Abaisiraeli ari, “Omukhasi naba nahela inda, ne niyebula omwana omusiani, omukhasi oyo aba owomusilo khulwa tsinyanga musafu, shinga olwa kabetsanga nali mutsinyangatsie.

³Ne khunyanga yomunane omwanawe omusiani oyo okhuula ashebwe.

⁴Omukhasi oyo okhuula amale tsinyanga amakhumi kataru natsitaru kho abe omusiiyikhu. Khulwa tsinyanga etsio tsiosi, shialatilakhwo khushindu shiosi shiosi eshitakatifu noho kata okhutsia habundu hatakatifu tawe, okhuula olwa tsinyanga tsiokhusiiywakhwe tsiba nitsihwele.

⁵Nebutswa naba niyebula omwana omukhaana, alaba owomusilo khulwa tsinyanga ekhumi natsine, shinga olwa kabetsanga nali mutsinyangatsie. Ne omukhasi oyo alamala tsinyanga amakhumi kasasaba natsisasaba kho mana abe omusiiyikhu.

⁶“Ne olwa tsinyangatsie tsiokhusiiywa tsiba nitsihwele; tsibe tsiomwana omusiani noho omukhaana, okhuula areerere omwisaaliisi likondi liomuyika mulala hamuliango weliheema litakatifu khulwa omusango omusambe. Khandi oreere likuuku noho lihusi khulwa omusango kwobwonooni.

⁷Omwisaaliisi yandeerere isie OMWAMI Nyasaye. Mana atise omukhasi oyo; ne omukhasi oyo alaba omusiiyikhu. Elio nilio lilako liomukhasi owibula omwana omusiani noho omukhaana akhoyile okhuloonda.

⁸“Ne omukhasi oyo naba nalanyala okhunyoola likondi, areere amahusi kabili noho amakuuku kabili, elala libe eliomusango omusambe nelindi eliomusango kwobwonooni. Mana omwisaaliisi atise omukhasi oyo, ne omukhasi oyo alaba omusiiyishe.”