Read wanga ABALAWI 3 Bible Online

ABALAWI 3 - wanga bible

ABALAWI 3

¹“Omundu naba nahana eshiayo okhuba eshihaanwa shiomusango kwokhureera omulembe, okhuula shibe shieing'ombe ihunwa noho itwasi eyibulakhwo obulema bwosi bwosi.

²Omundu oyo atiile omukhonokwe khumurwe kweshihanwashie eshio, mana ashisinzile habwinjililo bweliheema lianje litakatifu. Abesaaliisi bahanye amalasile ako khutsimbeka tsiosi etsieshimalilo shiemisango.

³Ne okhurula khumusango kwokhureera omulembe okuli eshihaanwa eshikholilwe nomulilo, omundu oyo okhuula yandereere amasinya koosi akali khumala,

⁴akali khutsifuko nende akali khushitakhaliira.

⁵Mana abesaaliisi babisambile khushimalilo shiemisango halala nomusango omusambe okuli khumulilo. Isakakha yomusango okwo yinjamisinjia isie OMWAMI Nyasaye.

⁶“Ne naba niyahaanila isolo okhurula mubiayobie khulwa omusango kwokhureera omulembe, okhuula yibe isaatsa noho ikhasi eyibulakhwo obulema bwosi.

⁷Ne eshihanwashie nishiba eshielimiiku alileere imbeli wanje,

⁸mana atile omukhonokwe khumurwe walio, ne alisinzile imbeli weliheema elo. Nabo abesaaliisi bahanye amalasile kalio khutsimbeka tsiosi tsieshimalilo shiemisango tsimbeka tsiosi.

⁹Ne okhurula khumusango okwo, okhuula yandeerere amasinya, lisinya lieisembe liosi, nalitetile khulukokongwe nende amasinya koosi akafwimbanga khumala,

¹⁰tsifiko tsiombi, namasinya katsio koosi nende akali khushitakhaliira.

¹¹Ne Omwisaaliisi akusambile khushimalilo shiemisango okhuba eshiokhulia shisambiilwe isie khumulilo.

¹²Ne omundu naba nahaana imbusi khulwa omusango,

¹³alatiila omukhonokwe khumurwe kwayo nachisinza imbeli weliheema litakatifu. Nabo abesaaliisi okhuula bahanye amalasile kayo khutsimbeka tsiosi tsieshimalilo shiemisango.

¹⁴Mana okhurula khumusango okwo, yandereere shinga omusango kweshiokhulia, amasinya kafwimbanga khumala

¹⁵tsifuko tsiombi, namasinya akali khutsio, nende akali khushitakhaliira.

¹⁶Mana omwisaaliisi abisambile khushimalilo shiemisango shinga omusango okweshiokhulia shisambilwe nomulilo eshia isakakha indayi. Amasinya koosi nakanje.

¹⁷Omuisiraeli yesi yesi alaliakhwo amasinya kata amalasile mutsinzibulo tsienywe tsiosi buli habundu mubimenyo bienywe biosi tawe.”