Read wanga YEREMIA 45 Bible Online

YEREMIA 45 - wanga bible

YEREMIA 45

¹Kano niko amakhuwa komulakusi Yeremia yaboola mumuyika kwakhane okwa Yehoyakimu omusiani wa Yosia yali omuruchi wa Yuda, naye Baruku omusiani wa Neria nakahandika mushitabu eshikanye.

²Yeremia yaboola mbu OMWAMI Nyasaye, Nyasaye wa Isiraeli arumbuule khu Baruku ari,

³“Iwe wekhuula noboola ori, isie endi mu shilaamo shiobubi, okhuba OMWAMI Nyasaye ameetile obutsunwi khumanyakhano kanje. Enjonyile okhushenya, ne shiendikhwo nobuhuluushi bwosi bwosi tawe.

⁴Nebutswa OMWAMI Nyasaye yarumile ekhuboolele mbu, lola, aka ndali nindasinjisia bulano ekafunaka, nako aka ndali nindasimikha bulano ekasiula, nolwa ndalakhola khushialo shiosi.

⁵Nawe wikhaabilanga amakhuwa amakhongo noho? Shiolakakhaaba tawe. Okhuba enzia okhureera obusasishi khubandu boosi, Isie OMWAMI Nyasaye nisie ouboolile, nebutswa iwe olahonokokha nobulamubwo buli aha otsia.”