Read wanga TSINZIKHUULO 5 Bible Online

TSINZIKHUULO 5 - wanga bible

TSINZIKHUULO 5

¹Iwe Omwami, yitsulila akakhukwiliile; rangaala olole akeshifimbwa murwe kefwe.

²Obulaame bwefwe bukholilwe okhuba bwabacheni; abareende bamenyanga mumataala keefwe.

³Khukalukhaane khwikholile ababisandu, khubula abasefwe ta, abanyinefwe nabakhasi abalekhwa

⁴Amaatsi akakhunywetsanga okhuula khuruunje, tsikhwi tsiakhwikhoonyelanga okhuula khukule.

⁵Khunichilisibungwa okhukhola emilimo shinga tsisishili, khuluyiliile, nebutswa shikhufuchiliilwe okhuhuluukha ta.

⁶Khwakwa mumakulu kaba Misiri nende aba Asiria, mbu kho khunyoole ebiokhulia ebikhuhela.

⁷Abakuuka beefwe bonoona, nebulaano bamala okhutsia, nebutswa khunyakhananga khulwa obumayanu bwabwe.

⁸Khurukuungwa nende abahaambe; shikhuli nende oukhununula okhurula mumakhono kabwe ta.

⁹Khunyoolanga ebiokhulia biefwe mubulubiiriri bwobulamu bwefwe okhuba abeeri bachenda chendanga mushitsiimi.

¹⁰Likhoba liemibili chiefwe limaliye ti shinga amayika, okhurulana nende obumemu obululu bweinzala.

¹¹Abakhasi bakwibwakhwo namaani mwitookho lia Zayuni, kata abakhaana abashisila bakwibwakhwo mumatookho ka Yuda.

¹²Abasiani bomuburuchi baboywa nibeeleesibwa khumakhono kabwe; abakhulundu shibaheebwa oluyali tawe.

¹³Abaraaka banichilisibwa okhusia imele, abaana abasiani nabo bacheenda nibataamaana netsiikhanya tsietsiikhwi.

¹⁴Abasaatsa abakofu baleshile okhwikhala khubiliibwa bielitookho, abasiani abaraaka baleshile okhwimba.

¹⁵Obutsaatsahafu bwomumioyo chiefwe bumalile okhwaakama, okhushina khwefwe khukaluukhasiibwe nikhukwa olwikhuulo.

¹⁶Oluyali lwa khwelayilangakhwo lukwiile okhurula khumurwe kwefwe. Khuli mushilaamo shiobubi, okhuba khumalile okhwonoona!

¹⁷Emioyo chieefwe neemilwale khulwa amakhuwa kano, tsimoni tsiefwe tsilolanga amaweliweli, khulwa okhubeela ebindu bino:

¹⁸Khulwa eshikulu shia Zayuni okhulekhwa nishikwa likuunda, amasimba kachendachendangamwo.

¹⁹Nebutswa iwe, OMWAMI Nyasaye, orukanga inziayo; oburuchibwo bumenyanga ebisoni nebisoni.

²⁰Okhwibililiile elala mbushiina? Okhwiibalile ifwe tsinyanga tsinyiinji tsino mbushiina?

²¹Iwe OMWAMI Nyasaye, okhukalusie, nefwe khulakhukalushila; okhukalusilie oluyali lwefwe olwalinji lwa tsinyanga tsialinji tsiakhale.

²²Noho wakhulobela elala, nende okhukhusinyishila okhubira eshichelo?