Read wanga EZEKIELI 15 Bible Online

EZEKIELI 15 - wanga bible

EZEKIELI 15

¹Mana OMWAMI Nyasaye niyareeba ari,

²“Mwana womundu, omusaala kwomutsabibu kushilila shiina emisaala chindi chiosi echiomumutsuru?

³Omusaala okwo, mana kwakhakasibwakhwo eshindu shiosi shiosi? Abandu bakhakasiakhwo eshibambo shiokhubohakhwo eshindu shiosi?

⁴Omusaala okwo kukaasila butswa okhwashia omulilo. Ne lwomulilo kuba nikusambile tsimbeka tsiakwo tsiosi tsibili, nashio eshitonye shia hakari nishikwile elianda, mana kwakhakaasibwakhwo eshindu shiosi shiosi?

⁵Kata olwa kwali nikushili omulamba, nikulashiasambwa ta, shikwakhakaasibwekhwo eshindu shiosi shiosi ta. Kho bulaano nikwakhasambwa kwakwa amanda, kwakhanyala kurie okhukaasibwakhwo eshindu?

⁶Khulweshio, isie OMWAMI Nyasaye emboola mbu, shinga lwomusaala kwomutsabibu kuli mumisaala chindi chiomumutsuru, okwa ndalekha butswa mbu kubeho khulwa tsikhwi, nolwa ndakhebale endio abandu bamenyanga mwitookho lia Yerusalemu.

⁷Ndakhabahelesie eshinyasio, kata nibaba nibelukha okhurula khumulilo, omulilo okwo okhuula kwakhabamulule boosi pe. Olwa ndakhamuhelesie eshinyaasio eshio, nolwa mwakhamanye mbu, isie nisie OMWAMI Nyasaye.

⁸Khandi ndakhakwisie eshialo shiabwe likunda, okhuba shibali abesiikwa kwisie tawe. Nolwa isie OMWAMI Nyasaye emboola.”