Read wanga EZEKIELI 2 Bible Online

EZEKIELI 2 - wanga bible

EZEKIELI 2

¹Naye niyamboolela ari, “Mwana womundu, sinjila shilunji, ndenya okhuboola ninawe.”

²Olwa yaboola ninasi, roho owa OMWAMI Nyasaye yanzinjilamwo niyasinjisia. Mana nembulila

³niyamboolela ari, “Mwana womundu, ekhuruma khubandu ba Isiraeli, lihanga liabandu abakhayi, abakhaya okhumbulila. Shinga olwa abakuuka babwe banzonoonela, nolwa banzonoonelanga bario okhuula olwa leelo.

⁴Nabamakosi amomu khandi shibambelesinjia oluyali ta. Ekhurumanga mbu otsie khubo, nawe obaboolele ori, ‘Kano niko aka OMWAMI Nyasaye omwene mahe aboola.’

⁵Kata nibaba nibahulila, noho nibalahulila ta, balamanya mbu omulakusi abeele mubo.

⁶Nebutswa iwe omwana womundu, olabaria bo kata okhuria amakhuwa kabwe ta. Kata ebisisia nende amahwa nibikhubotokhana, noho nomenya hakari wamakatia, olaria ta. Khandi olatechesibwakhwo nokhufwana khwabwe ta, okhuba nabandu abakhayi.

⁷Iwe obaboolele akekhurumile, kata nibaba nibahulila noho nikhaya okhuhulila, okhuba bo nabandu abakhayi.

⁸“Nebutswa iwe mwana womundu, rechelesia akekhuboolela. Shiolaba omukhayi shinga bo ta. Yasama omunwakwo olie shiekhuhelesia.”

⁹Olwa ndahenga, ndalola omukhono nikwinyiila okhumbelesia eshitabu eshikanye eshilimwo amahandiko.

¹⁰Mana nashibambula imbeli wanje. Nashio shiali nishihandiikwe khwikulu nende mukari washio. Nako amakhuwa kalimwo kali kokhwikhuula, okhulila nende ebilaka munwa.