Read wanga YONA 3 Bible Online

YONA 3 - wanga bible

YONA 3

¹OMWAMI Nyasaye yaboolela Yona olwakhabili ari,

²“Rula otsie mwitookho likhongo lia Ninewe, oboolele abandu balio amakhuwa kekhurumile okhubaboolela.”

³Kho Yona narula okhutsia Ninewe shinga olwa OMWAMI Nyasaye yali namuboolele. Litookho elo liali likhongo muno, elienya tsinyanga tsitaru okhuchendamwo liosi.

⁴Kho Yona yachaaka okhuchenda mwitookho elo. Ne olwa yali niyakhachenda oluchendo lweinyanga ndala, yarumbula obutinyu naboola ari, “Olunyuma lwetsinyanga amakhumi kane okhurula leelo luno, Ninewe lilamululwa liosi pe!”

⁵Abandu ba Ninewe basuubila aka Nyasaye yaboola okhuburira khu Yona. Boosi pe bafuchilisania okhwihonjia inzala nibasaaya. Khandi boosi pe okhurula khumutiiti okhuula khumukhongo, befwala tsingubo tsiamakunia okhumanyia mbu, bekalukhasiye.

⁶Olwa omuruchi welitookho elo yahulila amakhuwa ako, yasinjila khushifumbishie shioburuchi, niyefwalula tsingubotsie tsioluyali nende okhwifwala amakunia, ne niyekhala hasi mwikoshe.

⁷Mana narumana omulome okhukhupwa mwitookho omwo okuboola kuri, “Lilako lino lirula khumuruchi nende abemilisibe. Omundu yesi yesi kata omuruko, kube eshiayo noho okwomwituuli, shibilaliakhwo eshindu shiosi shiosi kata okhunywakhwo amaatsi tawe.

⁸Abandu boosi nende emiruko chiosi bafwale tsingubo etsia amakunia. Khandi bamuhaabile Nyasaye nomwoyo kwosi, nibekalukhasia okhulekha tsinjila tsiabwe tsiobwonooni nende amahababa ka bakholanga.

⁹Omanyilashi? Haundi Nyasaye alakalukhasia amapaaroke, natuutuyia oburumabwe, mana aleshe okhukhumulula.”

¹⁰Olwa Nyasaye yalola aka bakhola, shinga olwa bekalukhasia nibehanya okhurula khu tsinjila tsiabwe tsiobumayanu, yakalukhasia amaapaaroke akokhubahelesia eshinyasio, mana nalabamulula tawe.