Read wanga OBUBALI 33 Bible Online

OBUBALI 33 - wanga bible

OBUBALI 33

¹Kano niko ameera aka habundu aha Abaisiraeli bakhomanga tsikambi olwa barula mushialo shia Misiri, mu buli tsimbia tsiabwe nibemililwe nende Musa nende Haroni.

²Musa yahandika eliira lia buli habundu aha bakhomanga ikambi buli eshise shinga OMWAMI Nyasaye yalachilisinjia.

³Abaisiraeli barula Ramesesi Mumisiri mumwesi kwambeli khunyanga yekhumi nakharano, inyanga eyalonda khwisabo liambeli elia Pasaka; Abaisiraeli nibatererewe nende OMWAMI Nyasaye barula mwitookho lia Ramesesi, Abamisiri nibabalolanga olwa bali nibayabilanga abekulanda babwe abasiani aba OMWAMI Nyasaye yali niyerirenje.

⁴OMWAMI Nyasaye yakhola ako khulwa okhumanyisia mbu ali nobunyali okhushila abanyasaye ba Abamisiri.

⁵Abandu aba Isiraeli nibarula Ramesesi ne nibakhupa ikambi Sukotsi.

⁶Mana nibarula Sukotsi nibakhupa ikambi Tsima, eyili khundulo weshitsiimi.

⁷Ne nibarula Etsamu mana nibakalukha Pi-hahirotsi eyili ebukwe wa Balizefoni, ne nibakhupa ikambi imbeli wa Migidoli.

⁸Ne nibarulaho imbeli wa Halurotsi mana nibabirila hakari weinyanza inzakhanyu nibenjila mushitsiimi shia Shuri khandi nibachenda oluchendo lwetsinyanga tsitaru mushitsiimi shia Etsamu nende okhukhoma ikambi Mara.

⁹Ne nibarula Mara, nibatsia Elimu, aha bakhoma ikambi, shichila tsialiho tsisebele ekhumi natsibili nende emisaala chiamashindu amakhumi musafu.

¹⁰Mana nibarula Elimu ne nibakhupa ikambi hambi neinyanza inzakhanyu.

¹¹Mana nibarula hanyanza inzakhanyu ne nibakhupa ikambi mushitsiimi shia Sini,

¹²Mana nibarula mushitsiimi shia Sini ne nibakhupa ikambi Dofuka.

¹³Mana nibarulaho Defuka ne nibakhupa ikambi Alushi.

¹⁴Mana nibarula Alushi, ne nibakhupa ikambi Refidimu ah amaatsi kali nikabula akokhunywa.

¹⁵Mana nibarula Refidimu ne nibakhupa ikambi mushitsiimi shia Sinai.

¹⁶Mana nibarula mushitsiimi shia Sinai ne nibakhupa ikambi Kibirotsi-hatava.

¹⁷Mana nibarulaho ne nibakhupa ikambi Hezerotsi.

¹⁸Mana nibarula Hazerotsi ne nibakhupa ikambi Ritsima.

¹⁹Mana nibarula Ritsima nibakhupa ikambi Rimoni-Perezi.

²⁰Mana nibarula Rimoni-Perezi nibakhupa ikambi Libuna.

²¹Mana nibarula Libuna, ne nibakhupa ikambi Risa.

²²Mana nibarula Risa ne nibakhupa ikambi Kehelatsa.

²³Mana nibarula khushikulu shia Sheferi.

²⁴Mana nibarula Kehelatsa nibakhupa ikambi khushikulu shia Shefari nibakhupa ikambi Harada.

²⁵Mana nibarula Harada nibakhupa ikambi Makhelotsi.

²⁶Mana nibarula Makhelotsi nibakhupa ikambi Tihatsi.

²⁷Mana nibarula Tahatsi nibakhupa ikambi Tera.

²⁸Mana nibarula Tera nibakhupa ikambi Mitsika.

²⁹Mana nibarula Mitsika nibakhupa ikambi Hashimona.

³⁰Mana nibarula Hashimona nibakhupa ikambi Moserotsi.

³¹Mana nibarula Moserotsi nibakhupa ikambi Benejakani.

³²Mana nibarula Benejakani nibakhupa ikambi Horihagidigadi.

³³Mana nibarula Horihagidigadi nibakhupa ikambi Yotibatsa.

³⁴Mana nibarula Yotibatsa nibakhupa ikambi Birona.

³⁵Mana nibarula Abirona nibakhupa ikambi Ezionigeberi.

³⁶Mana nibarula Ezionigeberi nibakhupa ikambi mushitsiimi shia Zini (nishio Kadeshi).

³⁷Mana nibarula Kadeshi nibakhupa ikambi hashikulu shia Hori khundulo weshialo shia Edomu.

³⁸Naye Haroni omwisaaliisi natikulukha khushikulu shia Hori shinga OMWAMI Nyasaye yamulaka, mana nafwilayo khunyanga yambeli eyomumwesi kwakharano okwomuyika okwa amakhumi kane, olunyuma olwa Abaisiraeli okhurula Misiri.

³⁹Haroni yali nemiyika eshikhumi nende amakhumi kabili nachitaru (123) olwa yafwila khushikulu shia Hori.

⁴⁰Naye Omukanani, omuruchi wa Aradi, owamenyanga Negebu elubeka lwemulambo lweshialo shia Kanani yahulila mbu Abaisiraeli betsanga.

⁴¹Mana Abaisiraeli nibarula hashikulu shia Hori nibakhupa ikambi Zalimona.

⁴²Mana nibarula Zalimona nibakhupa ikambi Punoni.

⁴³Mana nibarula Punoni nibakhupa ikambi Obotsi.

⁴⁴Mana nibarula Obotsi nibakhoma Iye-abarimu mushialo shia Moabu.

⁴⁵Mana nibarula Iyimu nibakhoma ikhambi Dibonigadi.

⁴⁶Mana nibarula Dibonigadi nibakhupa ikambi Alimoni-dibilatsaimu.

⁴⁷Mana nibarula Alimoni-dibilatsaimu nibakhupa ikambi mubikulu bia Abarimu, imbeli Nebo.

⁴⁸Mana nibarula mubikulu bia Abarimu nibakhupa ikambi mumikhololokhwe mwa Moabu halubeka lwomwalo kwa Yorodani Yeriko.

⁴⁹Bakhoma ikambi halubeka womwalo kwa Yorodani okhurula Betsi-yeshimotsi okhuula Abelishitimu mumukhololokhwe mwa Moabu.

⁵⁰Khandi OMWAMI Nyasaye naboolela Musa mumikhololokhwe mwa Moabu halubeka lwomwalo kwa Yorodani Yeriko,

⁵¹okhulachilisia Abaisiraeli ari, “Olwa mwambukha omwalo kwa Yorodani nimwinjila mushialo shia Kanani,

⁵²Kho okhuula mulonde nimuyinia abamenyanga mushialo eshio boosi. Musasie ebifwanani biabwe biabanyasaye ebieranywa okhurula khumachina nende khubibia, nende okhusasia habundu wabwe hosi ahabenamilanga.

⁵³Ne mubukule eshialo eshio shibe eshienywe nimumenyamwo, shichila emuhelesinjia shibe eshienywe.

⁵⁴Mukabane eshialo eshio mutsimbia nende ebilibwa bienywe khulwa okhupa ikha; mukabe omukunda omukhongo khuluyia olukhongo nakwo omututu khuluyia olututu.

⁵⁵Nebutswa nimulalonda abamenya mushialo eshio ta, abo abalatong'amwo balaba khwinywe shinga lihwa mushilenje shienywe shinga eshinyalila moni mutsimoni tsienywe. Nabo khandi balamulwana.

⁵⁶Nimulabalonda batsia tawe, emba ndamusasia shinga olwa nderechekha okhubasasia bo.”