Read wanga 1 ABAKORINZO 2 Bible Online

1 ABAKORINZO 2 - wanga bible

1 ABAKORINZO 2

¹Baana befwe, olwa ndeetsa mwinywe, okhuyaala akatoto akelibiso lia Nyasaye, shindayekhoonyela amakhuwa amanyushe noho akobuchesi bwahekulu tawe.

²Okhuba olwa ndali nishili ninenywe, ndachooma okhwibilila ebindu bindi biosi, okhurusiakhwo aka Yesu Kristo yenyene, ne okhushila muno akokhubambwakhwe khumusalaba.

³Kho olwa ndeetsa mwinywe, ndali omuteshele, khandi ndarenga omubili kwosi khulwa oburi obunji,

⁴mana amechesio kanje nende oburume bwanje shibiaboolwa nobusitsa bwobuchesi bwabandu ta, habula kali amakhuwa akokhulolesia obunyali obwa Roho wa Nyasaye.

⁵Kho bulano obusuubili bwenywe, shibwiletanga khubuchesi obwabandu ta, habula khubunyali obwa Nyasaye.

⁶Ne kata kario, eyaalanga oburume bwobuchesi khwabo abakhulile muroho. Nebutswa shibuli obuchesi bwomushialo muno kata obwa abobunyali barukanga eshialo shino abachooma mukhusikha tawe.

⁷Obuchesi obwa eyaalanga nobuchesi obwelibiso lia Nyasaye, obwebisa khubandu, nebutswa nobwa Nyasaye yali niyakaasia khale okhuba oluyali lwefwe kata eshialo nishishili okhulongwa.

⁸Abulaho kata mulala khubaruchi abeshialo shino owamanya obuchesi buno tawe. Nibakhabumanyile shibakhamubambile Omwami woluyali khumusalaba tawe.

⁹Ne kata kario, shinga Amahandiko kaboolanga mbu, “Akomundu yesi alashialolakhwo kata okhuhulilakhwo, akomundu yesi alashiayililisiakhwo mbu nakanyala okhwikhola ta, niko amakhuwa akatsana aka Nyasaye yarecheshela abo abamuheelanga.”

¹⁰Nebutswa nifwe aba Nyasaye yafwimbulila libisolie okhubirira mu Rohowe. Roho akhabilisinjia buli shiashindu, kata shibe nishiebisa mu Nyasaye mukari.

¹¹Roho womundu ouli muye omwene yenyene niye ounyala okhumanya amakhuwa akomundu oyo koosi; ne munjila ndala eyo, Roho wa Nyasaye niye yenyene oumanyile amakhuwa ka Nyasaye koosi.

¹²Kho shikhwanyoola roho oweshialo shino ta, halali khwanyoola Roho wa Nyasaye yaruma, kho mbu akhukhole khumanye koosi aka Nyasaye yamalile okhukhuhelesia ifwe.

¹³Khulweshio, shikhuboolanga okhubirira mumakhuwa akechesibwa nobuchesi bwomundu ta, nebutswa khuboolanga okhubirira mumakhuwa akechesibwa nende Roho, olwa khwinoosia obwatoto bweshiroho khwabo abali nende Roho watsana oyo.

¹⁴Omundu yesi oulali nende Roho watsana oyo ta, shianyala okhunyoola ebihaanwa ebirulanga khu Roho wa Nyasaye tawe. Omundu shinga oyo shianyala okhubimanyilisia tawe, khuye nebiobusilu, shichila obulayi bwabio bumanyikhanga munjila yeshiroho yonyene.

¹⁵Kata kario, oyo yesi ouli nende Roho, anyala okhuchela obukhala bwa buli shiashindu, nebutswa naye shiyakhachelwa nende oundi yesi tawe.

¹⁶Shinga Amahandiko kaboolanga mbu, “Niwiina oumanyile amapaaro aka Omwami? Niwiina ounyala okhumuchelela?” Nebutswa ifwe khuli namayililisio aka Kristo.