Read wanga ABAKOLOSAI 4 Bible Online

ABAKOLOSAI 4 - wanga bible

ABAKOLOSAI 4

¹Nenywe abami mubakholelenje abasumba benywe akali amalayi khandi akali habwene. Nimwitsulilanga mbu inywe mwesi khandi muli nende Omwami wenywe mwikulu.

²Mube abalumilifu mubusaayi, khandi mube meeso olwa musayaanga, nimukhupanga orio khu Nyasaye.

³Halala nende yako mukhusayilekhwo fwesi, kho kachile Nyasaye akhwikulile omuliango okwokhuyaala oburumebwe khukelibiso lia Kristo. Okhuba niko akachila isie nindi mumbohe.

⁴Saaye mbu kho embe ounyala okhuboola, shinga kakhoyele, oburume habulafu.

⁵Mube abachesi munjila eyamuchendelangamwo khubalali abasuubili, nimwikhoonyelanga obulayi obwiyangu obuliho.

⁶Okhuboola khwenywe khubetsenje okhwokhuchamisia khandi okhulayi, mana mumanye shinga mukhoyile okhuhaana likalusia eliahabwene khubuli shiamundu.

⁷ Omwana wefwe omuheelwa Tikiko, ouli omukhalabani Omusubilwa khandi omukhabani washianje mumulimo okwa Omwami, yakhamuboolele amakhuwa kanje koosi.

⁸Nishio eshichila nimuruma khwinywe, kachile abe oumutinyilisia emioyo chienywe khulwa okhumuboolela shinga olwa fwesi khutsiilililanga.

⁹Yetsanga nende Onesimo, omwana omuheelwa khandi omusuubilwa, ouli mulala khubeshisango shienywe. Nibamuboolele amakhuwa koosi akekholekhanga hano.

¹⁰Arisitariko, ouli mumbohe ninasi, arumanga amashiesio khwinywe, khandi kata Mariko yesi, omwana wabwe Baranaba. Mwamala okhuchetsiyibwa shinga olwa mukhoyile okhwinjisia Mariko naba niyakhetsa ewa muli.

¹¹Naye Yoshwa, oulangwa mbu Yusito, arumanga amashiesio yesi. Bataru bano nibo Abayahudi bonyene abekalukhasia abakholanga emilimo ninasi khulwa Obwami bwa Nyasaye, ne bali abobukhonyi obukali po khwisie.

¹²Amashesio karula khu Epafura, ouli mulala khandi khubeshisango shienywe khandi omusumba wa Kristo Yesu. Buli lwosi amusaayilanga inywe nobulumilifu muno, asabanga khu Nyasaye okhumukhola inywe muralile, shinga Abakristo abalamba abasuubiliile elala, abali abahulili abahabwene khukhwenya okhwa Nyasaye.

¹³Esie omwene endi omuterereri khubukhalabanibwe obutinyu khulwenywe nende khulwa abandu abali mu Laodikia nende khulwa abo abali Hierapoli.

¹⁴Luka, omusilishi wefwe omuheelwa, nende Demasi barumile amashiesio kabwe khwinywe.

¹⁵Haane amashiesio kanje amanji khubaana befwe abali Elaodikia nende khu Nimifa nende abeikanisa eyikhuung'aanilanga munzu mumwe.

¹⁶Nimumalile okhusooma ibarwa yino, mulole khandi mbu, isoomwe mwikanisa elili Elaodikia. Mwesi khandi mube abanyala okhusooma ibarwa eya abaana befwe Abalaodikia nibamurumile.

¹⁷Ne khandi muboolele Arikipo mbu, “Wirecheshe okhulola mbu omaliila omulimo okwa wahelesibwa mubukhalabani obwa Omwami.”

¹⁸Ehandikanga kano nomukhono kwanje omwene: amashiesio akarula khwisie Paulo, mulebilila mbu endi mumbohe tawe! Obukoosia bwa Nyasaye bube nineywe.