Read wanga YOSHWA 15 Bible Online

YOSHWA 15 - wanga bible

YOSHWA 15

¹Omaukunda okwa oluyia lwa Yuda lwakabilwa, okwolanga elubeka lwemulambo khundulo bwene weshitsiimi shia Zini; eshiali olwakho lweshialo shia Edomu.

²Olwakho lwemulambo luno lwarulanga ewa inyanza yomunyu yahwelanga emulambo wayo,

³nilutsia khunjila ya Akirabimu nohenjile elubeka lwemulambo okhuula khushitsiimi shia Zini. Lutsiililila nilutukulukha emulambo weshialo shia Kadeshibarinea nilubirira Hezironi nilutikulukha okhutsia Adari, nilukotokha niluhenjele Karaka.

⁴Mana lutsiililila okhuula Zimoni, niluloondoola khumuchela okuli khulwakho lwa Misiri okhuula khunyanza eya Hakari niho aha olwakho olwo lwolanga. Luno nilwo olwakho lwomukunda kwa Yuda elubeka lwemulambo.

⁵Nalwo olwakho lwebukwe lwali inyanza yomunyu, okhuula aha omwalo kwa Yorodani kutsushilanga munyanza ya Hakari. Olwakho lwelubeka lwemasaba nalwo lwachachilanga hano,

⁶mana lutsiililila okhuula Betsi Hogila ne lutsiililila okhuula elubeka lwemasaba lwelibanda liomwalo kwa Yorodani. Okhurulaho nilutikulukha okhuula khulwanda lwa Bohani, Bohani yali omusiani wa Rubeni;

⁷Okhurula khwibanda elia Amatinyu, olwakho olwo lwatsiililila nilutukulukha Debiri, nilukotola elubeka lwemasaba okhutsia Giligali eyihengane nende injila ya Adumini eyili emulambo welibanda elo. Lwatsiililila okhuula khumaatsi ka Erishemeshi, mana lutsiililila okhuula Enirogeli.

⁸Mana nilutikulukha okhubirila mwibanda lia Hinomu elili emulambo weshikulu eshia litookho lia Abayebusi lia Yerusalemu liali. Olwakho lwatsiililila nilutikulukha khubutenje bweshikulu elubeka lwa Mumbo weshikulu shia Hinomu hashihesi shielibanda lia Abarefahimu elubeka lwemasaba.

⁹Olwakho lwarula yaho niluula khumaatsi ka Mefutoa, nilutsiililila okhuula khumatookho akali hambi neshikulu shia Efuroni. Habwene yaho nilukotola niluhenjele khwitookho lia Baala, (elia bulalo lilangungwa mbu Kiriatsi Yearimu).

¹⁰Olwakho olwo lwabotokhanila okhurula Mumbo welitookho lia Baala nilutikulukha mushialo shiebikulu shia Edomu, ne nilutsiililila okhuula elubeka lwemasaba weshikulu shia Yearimu (nishio Chesaloni), nilukholomokha khu Betsishemeshi, nilubirira khwitookho lia Timuna.

¹¹Olwakho olwo nilutsiililila nilutikulukha okhuula khushikulu shili elubeka lwemasaba lwa Ekironi, nilukotola niluhenjile khwitookho lia Shikeroni nilubirira khushikulu shia Baala okhuula khwitookho lia Yamunia. Okwakho olwo lwahwela khunyanza ya hakari,

¹²eyali olwakho elubeka lwomumbo. Luno nilwo olwali olwakho olwa abandu boluyia lwa Yuda bemenyangamwo.

¹³Shinga olwa OMWAMI Nyasaye yali niyalachilisia Yoshwa, eshitonye shiomukunda kwa Yuda shiahelesibwa Kalebu omusiani wa Yefuna owomuluyia lwa Yuda. Kho Kalebu yahelesibwa litookho lia Heburoni, eliali olwambeli litookho lia Ariba owali kuukanyene Anaki.

¹⁴Abetsimbia tsia Sheshayi, Ahimani nende Talimayi abatsitnzibulo tsia Anakimu, bamenyanga mwitookho lia Heburoni mutsinyanga etsio. Kalebu yabalonda nabarusia mwitookho elo, mana nalibukula.

¹⁵Okhurulaho Kalebu natsia okhuseera litookho lia Debiri elialangungwa khale mbu Kiriatsi Sefa.

¹⁶Mana Kalebu nalaka ari, “Omusaatsa yesi ounyala okhuhula litookho lia Kiriati Sefa, ndalamufuchilila okhuteshia omukhaana wanje Akisa.”

¹⁷Otsinieli omwana wa Kenazi omusiani wabwe Kalebu, nahula litookho elo, kho Kalebu nahelesia omusiani oyo omukhaanawe Akisa okhuba omukhasiwe.

¹⁸Khunyanga eya yetsa okhutekha, Otsinieli yamuboolela ari, “Saba papawo akhuhelesie omukunda.” Omukhaana oyo niyekha hasi okhurula khusishiliye. Naye Kalebu namureeba ari, “Wenyanga shiina?”

¹⁹Naye Akisa namukalusia ari, “Ndenyanga umbelesiekhwo amayabo akamatsi. Omukunda kwa umbelesiye kuli mushialo eshiumu.” Kho Kalebu namuhelesia amatikho kali emukulu nende emwalo welitookho lia Heburoni.

²⁰Kuno nikwo omukunda okwa abebilibwa bioluyia lwa Yuda bakabwa okhuba obulame bwabwe.

²¹Amatookho kabwe akali khundulo bwene elubeka lwemulambo, ahambi khulwakho lwa Edomu kali Kabuzeeli, Ederi, Yaguri,

²²Kina, Dimona, Adada,

²³Kadeshi, Hazori, Itsinani,

²⁴Zifu Telemu, Bealotsi,

²⁵Hazori-hadata, Keriotsi-hezeroni, nilio Hazori,

²⁶Amamu, Sheema Molada

²⁷Hazari-gada, Heshimoni, Betsipeleti

²⁸Hazarishuali, Beerisheba, Biziotsia,

²⁹Baala, Iimu, Ezemu,

³⁰Elitoladi, Khesili, Horima,

³¹Zikilagi, Madumana, Sanusana,

³²Lebaotsi, Shilihimu, Aini nende Rimoni; Amatookho koosi kali amakhumi kabili nashienda halala nende amatala akakabotokhane.

³³Amatookho akali hasi webikulu kali; Eshitaoli, Zora, Ashina,

³⁴Zanoa, Enganimu, Tapua, Enamu,

³⁵Yarimutsi, Adulamu, Soko, Azeka,

³⁶Shaaraimu, Aditsaimu, Gedera nende Gederotsaimu. Koosi kali amatookho ekhumi nakane nende amatala akakabotokhane.

³⁷Amatookho kandi kali; Zenani, Hadasha, Migidaligadi,

³⁸Dilean, Mizipa, Yokitseeli,

³⁹Lakishi, Bozikatsi, Egiloni

⁴⁰Kaboni, Lahimamu, Kitilishi

⁴¹Gederotsi, Betsidagoni, Naama nende Mekeda. Koosi kali amatookho ekhumi nakasasaba halala nende amatala kabotokhane.

⁴²Amatookho kandi kali; Libuna, Etseri, Ashani

⁴³Ifuta, Ashina, Nezibu,

⁴⁴Keila, Akizibu nende Maresha. Koosi kali amatookho shienda halala nende amatala aka kabotokhane.

⁴⁵Amatookho kandi kali; Ekironi halala nende amataala kalio nebisoma biako.

⁴⁶Amataala koosi halala nende ebisoma akali hambi nelitookho lia Ashidodi, okhurula khwitookho lia Ekironi okhuula khunyanza ya Hakari.

⁴⁷Kaliho khdnai aka Ashidodi nende Gaza halala namataala kabwe nende ebisoma biako okhuula khumuchela okuli khulwakho lwa Misiri nende khundulo khweinyanza ya Hakari.

⁴⁸Amatookho kali mushialo eshieshikulu kali; Shamiri, Yatiri, Soko,

⁴⁹Dana, Kiriatsi Sefa nilio Debiri

⁵⁰Anabu, Eshitemoa, Animu

⁵¹Gosheni, Holoni, nende Gilo. Koosi kali amatookho ekhumi nende elala halala nende amataala kako.

⁵²Amatookho akomulukongo lwamusaafu koosi khandi mubikulu kali Araba, Duma, Eshani,

⁵³Yanimu, Betsi Tapua, Afeka,

⁵⁴Humuta, Heburoni nende Ziori. Koosi kali amatookho shienda halala nende amataala akakabotokhane.

⁵⁵Amatookho khandi kali; Maoni, Garimeli, Zifu, Yuta,

⁵⁶Yezerili, Yokideamu; Zanoa

⁵⁷Kaini, Gibea nende Timuna. Kali amatookho ekhumi nende amataala akabotokhane.

⁵⁸Amatookho kandi kali; Halihuli, Betsizuri, Gedori,

⁵⁹Maaratsi Betsanotsi nende Elitekoni, kali amatookho kasasaba nende amataala akakabotokhane.

⁶⁰Amatookho kandi kali; Kiriatsi Baali nilio Kiriatsi Yearimu nende Raba. Kali amatookho kabili nende amataala akakabotokhane.

⁶¹Amatookho kandi akali mushitsiimi kali; Betsi Araba, Midini, Sekaka,

⁶²Nibishani, nelitookho liomunyu Engedi, koosi kali amatookho kasasaba halala namataala akakabotokhane.

⁶³Nebutswa abandu boluyia lwa Yuda shibanyalilwa okhulonda Abayebusi barule mu Yerusalemu tawe. Nakachila Abayebusi bashimenyile mu Yerusalemu naboluyia lwa Yuda okhuula olwa leelo.