Read wanga 1 TIMOTSEYO 2 Bible Online

1 TIMOTSEYO 2 - wanga bible

1 TIMOTSEYO 2

¹Okhushila koosi eranjilila okhutsuuba mbu, abakristo basaaye nibakhupila Nyasaye orio khulwa abandu boosi;

²khulwa abaruchi nende abo boosi abali mubwami, mbu khumenye obulamu bwomulembe khandi obwokhwisimilisia nikhuritsanga Nyasaye, khandi khube abebiima ebilayi khubashiefwe.

³Okhusaaya khweimbia yino nokhulayi khandi khuchamisinjia Nyasaye omuhonia wefwe,

⁴owikoombanga mbu, abandu boosi bamanye obwatoto mana bahonibwe.

⁵Aliho Nyasaye mulala, nende wanjila mulala hakari wa Nyasaye nende abandu, niye Yesu Kristo ouli omundu,

⁶owehana omwene okhuba omununuli khulwa abandu boosi. Shino nishio eshiali eshimanyilo khubise bia habwene mbu, Nyasaye yenyanga abandu boosi bahonibwe.

⁷Niko akachila Nyasaye niyaruma shinga omurume khandi omwechesia khuba Amahanga okhubaayalila oburume bwobusuubili khandi bwobwatoto, shiembehanga tawe, habula emboolanga akobwatoto.

⁸Mu buli mukhusaaya khwenywe mukanisa enzenya mbu, abasaatsa basaayenje, abasaatsa abehaana khu Nyasaye, bachinje emikhono chiabwe mukhusaaya, nibalalikhwo neliruma kata obuyingani tawe.

⁹Khandi enzenya mbu abakhasi betutuyie nibefwala tsingubo tsikhoyele; nibalesiayila liswi libasa ta, kata ebifwalo bietsahabu noho ebiuma ta, kata okhufwala ebifwalo biobukusi bweikulu tawe;

¹⁰nebutswa mukhole bakhole ebilayi, shinga olwa kakhoyeele abakhasi abamuritsanga Nyasaye.

¹¹Abakhasi bakhoyile okhweka mubuholelefu nende mubwitembelesi.

¹²Isie shiebasubulanga abakhasi okhwechesia kata okhwimilila abasaatsa tawe; bakhoyile okhuholela tsi.

¹³Okhuba Adamu yaranjilila okhulongwa, mana Hawa narakhwo.

¹⁴Ne shiyali Adamu owakatibwa ta; yali omukhasi owakatibwa nafunaka lilako lia Nyasaye.

¹⁵Nebutswa omukhasi alahonibwa khulwokhwibula abaana,[1] naba natsiililila okhwifwila mubusuubili, mubuheeli, nobutakatifu nende obwitembelesi.