Read wanga OBUFWIMBULI 15 Bible Online

OBUFWIMBULI 15 - wanga bible

OBUFWIMBULI 15

¹Khandi ndalola eshilolelo shindi mwikulu eshikhongo khandi eshiamakana. Baliho abamalaika musafu abali nende amanyasio musafu, akokhumalilikha shichila oburuma bwa Nyasaye buhweela muyako.

²Mana nindola eshialolekha shinga inyanza eying'inang'ina shinga eshiho niyitsokasibwemwo omulilo. Khandi nindola abamalaika bandi abali nibahulile okusolo nende eshifwanani shiakwo, nende inukuta yeliira liakwo halubeka lweinyanza yeshiho nibatiilile amatungu aka Nyasaye mumikhono chiabwe.

³Bali nibembanga olwimbo lwa Musa omukhalabani wa Nyasaye, nende olwimbo olwa Eshimeme mbu; “E OMWAMI Nyasaye ounyala biosi, ebikholebio nebikhongo muno khandi nebiamakana! E Omuruchi owa Amahanga, tsinjilatsio netsinunjishi khandi etsiatoto.

⁴E Omwami, niwiina oulakhuria ta, kata oulakhwitsoomia ta? Shichila niwe wenyene omutakatifu. Amahanga koosi okhuula kalitsa nikakhwinamila, shichila ebikholebio ebia habwene bilolekhanga khubandu boosi.”

⁵Olunyuma lwa kano ndahenga nindola Ihekalu mwikulu niyo lisanduku liobuloli niyikulwe.

⁶Ne abamalaika musafu barula muhekalu eyo abali namanyasio musafu, bali nibefwalile tsingubo etsia ikitani, etsiang'inang'ina, nibeboyile emishipi echieyitsahabu khubilifu biabwe.

⁷Mana shilala khubilonje bine ebiobulamu nishihelesia abamalaika musafu abo ebikaye musafu ebieyitsahabu ebitsulemwo liruma elia Nyasaye oumenyangaho ebisoni nebisoni.

⁸Mana Ihekalu eyo yetsulamwo omwosi okwarula khuluyali nende obunyali bwa Nyasaye, kata shiyalikhwoho omundu owakhenjile muhekalu eyo ta, okhuula olwa amanyasio musafu ako akareelwa nabamalaika abo musafu kali nikoolile khushiakamo.