Read wanga OBUFWIMBULI 4 Bible Online

OBUFWIMBULI 4 - wanga bible

OBUFWIMBULI 4

¹Olunyuma lwakano ndalola lilolelo lindi, ndalola omuliango kwomwikulu nikwikuushe. Ne ndahulila omwoyo shinga etarumbeta shinga okwa ndali nimbulile olwambeli nikumboolela kuri: “Itsa ikulu yino ne ndalakhumanyia akakhoyile okhwikholekha olunyumakhwo.”

²Lwangu Roho yali mwisie, ne nindola mwikulu eshifumbi eshioburuchi, omundu niyekhalekhwo.

³Obwenibwe bwang'inang'ina shinga amachina akobukusi, ne olulindi lwabotokhana eshifumbi shioburuchi olwafwana lichina liobukusi lia emaradi.

⁴Ebifumbi bioburuchi bindi amakhumi kabili nabine biabotokhana eshifumbi shioburuchi eshio. Ne khubuli eshifumbi shioburuchi, yalikhwo omukofu owali niyekhaale niyefwalile ebifwalo ebilafu nende olusimbi lweitsahabu.

⁵Tsimbenu nende omukukumo nende amayoosi akobukhana biarula mushifumbi eshioburuchi eshio. Imbeli weshifumbi eshioburuchi, tsialiho tsitaha musafu nitsiakhanga, nitsio tsiroho musafu tsia Nyasaye.

⁶Khandi imbeli weshifumbi shioburuchi eshio, yaliho inyanza eyang'inang'ina shinga eshiho. Ebilonje bine ebili mwoyo, ebiamakhono, tsimoni imbeli nende inyuma, biali nibibotokhane eshifumbi eshioburuchi eshio.

⁷Eshiambeli shiafwanana nende italanyi; eshiakhabili nishifwanana neisurusi; eshiakhataru shiali nobweni obufwanana nende obwomundu; ne eshiakhane shiafwnana nende indutsu niyipuluushe.

⁸Ne buli eshilonje khubilonje ebilimwoyo bine ebio, shiali netsimbaha tsisasaba nishitsuulekhwo tsimoni ikulu nende hasi. Eshilo neshiteere biatsiililila okhwimba nibiboola biri: “Omutakatifu, Omutakatifu, Omutakatifu, Niye OMWAMI Nyasaye Owobunyali Bwosi, Owalinjiho, Ouliho, khandi Owitsanga.”

⁹Ebilonje bine ebili mwoyo ebio biatsiililila okhwitsoomia, nibifumia nibimukhupila orio oyo owikhalanga khushifumbi shioburuchi inziayo. Olwa biakhola birio,

¹⁰abakofu amakhumi kabili nabane basikamanga imbeli ewa oyo owikhale khushifumbi eshioburuchi, nende okhumwinamila oyo oumenyanga inziayo, nibara tsisimbi tsiabwe imbeli weshifumbi shioburuchi nibaboola bari,

¹¹“Omwami wefwe, khandi Nyasaye wefwe, niwe oukhoyile okhuhebwa oluyali, ifuma nende okhukhupilwa orio khulwa obunyalibwo. Okhuba niwe owalonga ebindu biosi, ne khulwa okhwenyakhwo omwene bialongwa nende okhuhebwa obulamu.”