Read west central oromo Seera Uumamaa 11 Bible Online

Seera Uumamaa 11 - west central oromo bible

Seera Uumamaa 11

¹Bara sanatti namni lafa irraa guutummaatti, afaan tokkichaa fi haasaa tokkicha qaba ture;

²namoonni ba'a-biiftuutii yeroo godaananitti, biyya Shiinaaritti bakkee diriiraa argatanii achi qubatan.

³Isaan, ?Kottaa, suphee dhoofnee cimsinees ibiddaan in gubnaa!? waliin jedhan; qooda dhagaa xuuphiin, wal qabachiisuuf immoo leeleen isaaniif in hojjete;

⁴yommus, ?Kottaa, mandara riqaan isaa bantii waaqaa bira ga'u tokko ofii keenyaaf in ijaarannaa, nuyi guutummaa lafaa irra diidatti akka hin bittimmoofnetti ittiin maqaa in godhannaa!? jedhan.

⁵Waaqayyo yommus mandarichaa fi riqaa isaa isa ilmaan namaa ijaaran ilaaluudhaaf gad bu'e*;

⁶inni, ?Kunoo, isaan saba tokko, hundumti isaaniis afaan tokkicha dubbatu, kun wanta isaan hojjechuuf jiran keessaa isa jalqabaa ti; egaa wanta isaan hojjechuuf yaadaa qaban keessaa, tokko illee kan isaan bira ga'uu dadhaban hin jiru.

⁷Kottaa gad buunee, inni tokko afaan isa kaanii akka hin dhageenyetti, afaan isaanii duraa waliin in maknaa!? jedhe*.

⁸Achiis Waaqayyo guutummaa lafaa irra isaan bittimse; isaanis ijaarsa mandarichaa achumatti in dhiisan*.

⁹Waaqayyo achitti afaan guutummaa biyya lafaa waan waliin makeef, maqaan iddoo sanaa ?Baabel? jedhamee moggaafame; (?Baabel? jechuun ?Waliin makamaa? jechuu dha) achiis Waaqayyo guutummaa irra lafaa irra namoota in bittimse*.[58]

¹⁰Hiddi dhaloota sanyii Seem kanatti fufee in lakkaa'ama; Seem dhalatee waggaa dhibba tokkotti Arfaaksaadin dhalche; kunis bishaan badiisaa booddee waggaa lamatti ture*.

¹¹Arfaaksaad erga dhalatee booddee, Seem waggaa dhibba shan jiraatee, ilmaanii fi intaloota biraas in godhate.[59]

¹²Arfaaksaad dhalatee waggaa soddomii shanitti Shalaa dhalche;

¹³Shalaan erga dhalatee booddee, Arfaaksaad waggaa dhibba afurii fi sadii jiraatee, ilmaanii fi intaloota biraas in godhate.

¹⁴Shalaan dhalatee waggaa soddomatti Ebeerin dhalche;

¹⁵Ebeer erga dhalatee booddee, Shalaan waggaa dhibba afurii fi sadii jiraatee, ilmaanii fi intaloota biraas in godhate.

¹⁶Ebeer dhalatee waggaa soddomii afuritti Felegin dhalche;

¹⁷Feleg erga dhalatee booddee, Ebeer waggaa dhibba afurii fi soddoma jiraatee, ilmaanii fi intaloota biraas in godhate.

¹⁸Feleg dhalatee waggaa soddomatti Re'uu dhalche;

¹⁹Re'uun erga dhalatee booddee, Feleg waggaa dhibba lamaa fi sagal jiraatee, ilmaanii fi intaloota biraas in godhate.

²⁰Re'uun dhalatee waggaa soddomii lamatti Seruugin dhalche;

²¹Seruug erga dhalatee booddee, Re'uun waggaa dhibba lamaa fi torba jiraatee, ilmaanii fi intaloota biraas in godhate.

²²Seruug dhalatee waggaa soddomatti Naahorin dhalche;

²³Naahor erga dhalatee booddee, Seruug waggaa dhibba lama jiraatee, ilmaanii fi intaloota biraas in godhate.

²⁴Naahor dhalatee waggaa digdamii sagalitti Taaraa dhalche;

²⁵Taaraan erga dhalatee booddee, Naahor waggaa dhibbaa fi kudha sagal jiraatee, ilmaanii fi intaloota biraas in godhate.

²⁶Taaraan dhalatee waggaa torbaatamatti Abraam, Naahorii fi Kaaraan dhalche*.[60]

²⁷Hiddi dhaloota sanyii Taaraa kanatti fufee in lakkaa'ama; Taaraa isa Abraamin, Naahorin, Kaaraan dhalchee dha; Kaaraan immoo isa Looxin dhalchee dha.

²⁸Kaaraan biyya itti dhalate, Ur biyya Kaldootaatti abbaa isaa Taaraa dura in du'e.

²⁹Abraamii fi Naahor niitii in fuudhan; maqaan haadha manaa Abraam ?Saaraayi?, maqaan haadha manaa Naahor immoo ?Miilkaa? ture; Miilkaan intala Kaaraan; Kaaraan kun immoo abbaa Miilkaa fi Yiiskaa ture*.

³⁰Saaraayi dhabduu turte, mucaas hin godhanne*.[61]

³¹Taaraanis Abraamin ilma isaa, Looxin ilma ilma isaatii ilma Kaaraan, Saaraayin haadha manaa Abraam ilma isaatii fudhatee, walii wajjin Ur biyya Kaldootaatii ka'anii gara biyya Kana'aanitti qajeelan; garuu biyya ?Kaaraan? jedhamu yeroo dhufan achuma taa'an*.

³²Taaraan waggaa dhibba lamaa fi shan jiraatee, Kaaraanitti in du'e.[62]