Read west central oromo Seera Uumamaa 15 Bible Online

Seera Uumamaa 15 - west central oromo bible

Seera Uumamaa 15

¹Kun erga ta'ee booddee, Waaqayyo mul'ata keessa gara Abraam dhufee, ?Yaa Abraam, hin sodaatin! Ani gaachana kee ti, gatiin kee baay'ee guddaa in ta'a? jedheen.

²Abraam garuu, ?Yaa Waaqayyo gooftaa, utuu ani dhala dhabee jiruu, maal anaaf kennuuf jirta? Namni mana koo dhaalus Elii'ezaar nama Damaasqoo kana? jedhe.

³Abraam ammas, ?Kunoo, ati dhala naaf hin laanne, hojjetaan mana kootii ana dhaaluuf jira? jedhe.

⁴Yommus dubbiin Waaqayyoo gara isaa dhufee, ?Namichi kun si hin dhaalu, ilma ofii keetii dhalchitutu si dhaala? jedheen.

⁵Abraamin alatti gad baasees, ?Gara bantiiwwan waaqaa ol ilaali, urjootas yoo lakkaa'uu dandeesse lakkaa'i!? jedheen; kana booddee immoo, ?Sanyiin kees akkasuma in ta'a!? jedheen*.

⁶Abraam Waaqayyotti amane, inni immoo qajeelummaatti in lakkaa'eef*.[73]

⁷Waaqayyo ergasii Abraamiin, ?Ani Waaqayyo biyya kana dhaala akka godhattuuf siif kennuuf, isa Ur biyya Kaldootaatii si baasee dha!? jedhe.

⁸Abraam garuu, ?Yaa Waaqayyo gooftaa, ani biyyicha dhaala koo godhachuuf akkan jiru maaliinan beeka?? jedhe.

⁹Waaqayyo immoo kana irratti, ?Goromsa waggaa sadii, reettii dhaltuu waggaa sadii, korbeessa hoolaa waggaa sadii, gugee horaa, gugee kan biraa sookkee tokkos anaaf fiddi!? jedheen.

¹⁰Abraamis isaan kana hundumaa gara Waaqayyootti fidee, iddoo lama lamatti kukkutee, walakkaa qixa walakkaa isa kaanii wal ilaalchisee kaa'e; gugeewwan garuu iddoo lama lamatti hin kukkunne.

¹¹Yeroo allaattiin raqaa raqicha irratti bubbu'an immoo, Abraam irraa in oofe.

¹²Utuu aduun gad lixaa jirtuu, hirribni ulfaataan Abraamin qabee, naasuun guddaan lafa itti dukkaneessus isatti in dhufe*.

¹³Waaqayyo yommus Abraamiin, ?Sanyiin kee biyya kan isaanii hin ta'in keessatti galaa ta'uuf, achittis garbummaatti hojjechuudhaaf, waggaa dhibba afur cunqurfamuuf akka jiran dhugaa isaa beeki*!

¹⁴Garuu ani saba isaan hojjetaniif sanatti adaba nan fida, booddees qabeenya guddaa fudhatanii achii in ba'u*.

¹⁵Waa'ee ofii keef immoo, ati dulloomtee bara quuftee nagaadhaan in boqotta, in awwaalamtas*.

¹⁶Yakki warra Amoorotaa amma iyyuu safara isaa guutee waan hin raawwataminiif, sanyiin kee immoo dhaloota afuraffaatti deebi'anii in dhufu? jedhe.[74]

¹⁷Aduun lixxee erga dukkanaa'ee immoo, kunoo qodaan ibiddaa aaru, gucci boba'aanis foon gargar hirame sana gidduu in darbe*.

¹⁸Waaqayyo gaafas Abraamii wajjin kakuutti galee, ?Ani biyya kana laga Gibxii jalqabee hamma laga guddichaa laga Efraaxiisitti sanyii keetiif nan kenna*!

¹⁹Kunis biyya Qenootaa, Qeniizotaa, Qadimonootaa,

²⁰kan Heetotaa, Pheriizotaa, Refaa'otaa,

²¹Amoorotaa, Kana'aanotaa, Girgaashotaa, kan Yibusootaas of keessaa qaba? jedhe.[75]