Read west central oromo Seera Uumamaa 18 Bible Online

Seera Uumamaa 18 - west central oromo bible

Seera Uumamaa 18

¹Abrahaam yeroo saafaa balbala dunkaana isaa dura taa'ee utuu jiruu, Waaqayyo qilxuu Mamree biraa isatti in mul'ate.

²Abrahaam ol ilaalee namoonni sadii isa dura dhaabachuu isaanii arge; akkuma isaan argeen balbala dunkaanichaa duraa ka'ee, isaan simachuudhaaf itti fiigee, hamma lafa ga'utti in qoomma'e*;

³isa tokkoonis, ?Gooftaa koo, ani si duratti faara tolaadhaan ilaalameera yoon ta'e, ana garbicha kee bira hin darbin!

⁴Mee, bishaan xinnoo isiniif haa fidanii, miilla dhiqadhaatii muka kana jalatti aara galfadhaa!

⁵?Tole? jettanii gara ana garbicha keessaniitti erga gortanii, dadhabbii akka baataniif buddeena cabaa tokko isiniif nan fida; isa booddee darbuu in dandeessu? jedhe; isaanis, ?Akkuma jette godhi!? jedhan.[82]

⁶Yommus Abrahaam ariitiidhaan gara dunkaana isa Saaraan keessa jirtuu dhaqee, ?Dafiitii daakuu ba'eessa qodaa safaraa sadii sukkuumii bixxillee tolchi!? jedhe.

⁷Ofii immoo gara lafa saawwan jiraniitti fiigee, dibicha ba'eessa foon isaa laafu tokko fuudhee dargaggeessa tokkotti kenne; innis harka ho'ee in qopheesse.

⁸Abrahaamis itittuu fi aannan, foon dibichaa isa qopheessise sanas geessee isaaniif dhi'eesse; isaanis in nyaatan; inni garuu dhaabatee mukicha jalatti isaaniif in ergama ture.

⁹Yeroo sanatti isaan, ?Saaraan haati manaa kee eessa jirti?? jedhanii isa gaafatan; innis, ?Achi dunkaana keessa jirti? jedhee deebiseef.

¹⁰Gooftichis, ?Bara eger yowwana deebi'ee gara kee nan dhufa, Saaraan haati manaa kee ilma godhattee na eegdi? jedhe; Saaraanis karaa balbala dunkaana isa dugda Abrahaam duubaan jiru in dhaggeeffatti turte*.[83]

¹¹Abrahaamii fi Saaraan lafa guuraniiru, garaa-dhukkubbiin dubartiitti dhufus Saaraa irraa citeera.

¹²Kanaaf Saaraan garaa ishee keessatti seeqxee, ?Ergan dulloomee dadhabe, abbaa manaa koo bira ga'uu iyyuu nan hawwaa ree? Abbaan manaa koos lafa guureera mitii ree?? jette*.

¹³Waaqayyo immoo Abrahaamiin, ?Maaliif Saaraan, ?Ergan lafa guuree booddee, amma ani dhuguman dhala godhadhaa?? jettee kolfite?

¹⁴Wanti dinqisiisaan Waaqayyo gochuu dadhabu jiraa ree? Bara eger yowwana deebi'ee gara kee nan dhufa, Saaraanis ilma godhattee na eegdi? jedhe*.

¹⁵Saaraan garuu sababii sodaatteef, ?Ani hin kolfine? jettee gante; inni immoo, ?Lakkii, kolfiteetta? jedhe.[84]

¹⁶Namoonni sadan sun yeroo achii ka'an, ija isaanii Sodoom irra buufatan; Abrahaam immoo isaan geggeessuudhaaf takka wajjin adeeme.

¹⁷Yommus Waaqayyo yaada isaatti, ?Wantan gochuuf jedhu Abrahaamin nan dhoksaa ree*?

¹⁸Abrahaam saba guddaa, saba jabaas in ta'a; sabni biyya lafaa irraa hundinuu sababii isaatiif in eebbifamu*.

¹⁹Ani Abrahaamin beekee fo'adheera; ammas ani Waaqayyo isan Abrahaamin abdachiise akkan raawwadhuufitti, inni ijoollee isaa, namoota mana isaas wanta qajeelaa, wanta dhugaa ta'es hojjechuudhaan karaa ana Waaqayyoo akka eeganiif, isaan abboomuun isa irra jira? jedhe*.

²⁰Waaqayyo kana booddee Abrahaamiin, ?Iyyanni warra Sodoomii fi Gomoraa irratti dhi'aate attam guddaa dha! Cubbuun isaaniis hammam baay'ee ulfaataa dha*!

²¹Ammas gad bu'e wanti isaan hojjetan hundinuu akka iyyata na bira ga'e sanaa ta'uu isaa nan ilaala!? jedhe.[85]

²²Namoonni lamaan gara Sodoomitti gara galanii in adeeman; Waaqayyo garuu achuma waan tureef, Abrahaam fuula isaa dura in dhaabate.

²³Inni gara Waaqayyootti dhi'aatee, ?Dhuguma nama qajeelaa nama jal'aa wajjin lafa irraa balleessuuf jettaa*?

²⁴Namoonni qajeelonni shantamni mandarattii keessa jiru ta'a; egaa iddoo sana in balleessitaa? Sababii namoonni qajeelonni shantamni achi keessa jiraniif jettee hin dhiiftuufii?

²⁵Abbaan firdii guutummaa biyya lafaa, firdii ta'u in kenna mitii ree? Kanaaf nama qajeelaa akka nama jal'aa gochuun, isa qajeelaas isa jal'aa wajjin ajjeesuun si irraa haa fagaatu!? jedhe*.[86]

²⁶Waaqayyo immoo deebisee, ?Mandarattii Sodoom keessatti namoota qajeelota shantama yoon argadhe, isaaniif jedhee guutummaa iddoo sanaaf nan dhiisa? jedhe*.

²⁷Yommus Abrahaam, ?Ani illee biyyoo dha, daaraa dhas, kana keessaa immoo ija jabaadheen gooftaa kootti dubbachaa jira.

²⁸Namoota qajeelota shantama keessaa shantu hir'ata ta'a; isaan shanan kanaaf jettee, mandarattii guutummaatti in balleessitaa ree?? jedhe. Gooftichis, ?Achi keessaa afurtamii shan iyyuu yoon argadhe, ani ishee hin balleessu? jedhe.[87]

²⁹Abrahaam ammas dubbii isaa itti fufee, ?Namoota afurtamatu achitti argama ta'a? jedheen. Gooftichis, ?Warra afurtama sanaaf jedhee nan dhiisa? jedhe.

³⁰Abrahaamis, ?Ammas deebi'ee dubbachuun koo gooftaa koo hin aarsin! Namoota soddomatu achitti argama ta'a? jedhe. Gooftichis, ?Achi keessaa soddoma iyyuu yoon argadhe nan dhiisa? jedhe.

³¹Abrahaamis, ?Kunoo! Takka ija jabaadhee gooftaa kootti nan dubbadha, namoota digdamatu achitti argama ta'a? jedhe. Gooftichis deebisee, ?Warra digdama sanaaf jedhee balleessuu nan dhiisa? jedhe.

³²Abrahaamis, ?Ammas al tokko duwwaa dabalee dubbachuun koo gooftaa koo hin aarsin! Namoota kudhantu achitti argama ta'a? jedhe. Gooftichis, ?Warra kurnan sanaaf jedhee balleessuu nan dhiisa? jedhe*.

³³Waaqayyos isa Abrahaamii wajjin dubbachaa ture raawwatee in adeeme; Abrahaam immoo iddoo isaatti in deebi'e.[88]