Read west central oromo Seera Uumamaa 22 Bible Online

Seera Uumamaa 22 - west central oromo bible

Seera Uumamaa 22

¹Kun erga ta'ee booddee, Waaqayyo qoree isa ilaaluudhaaf ?Abrahaam!? jedhee waame; Abrahaamis, ?Kunoo asan jira!? jedhee deebise*.

²Waaqayyos, ?Yisihaq ilma kee isa tokkicha isa jaallattu fuudhii biyya Moriiyaa dhaqi! Tulloota keessaa isa ani sitti argisiisu tokko irratti qalma gubamu godhii isa anaaf dhi'eessi!? jedhe.[100]

³Abrahaamis ganama barii ka'ee, qoraan qalmi ittiin gubamu falaxee, harree isaas fe'ee, dargaggoota isaa keessaa lama, Yisihaqin ilma isaas fudhatee, lafa Waaqayyo isatti hime dhaquudhaaf karaa irra bu'e.

⁴Gaafa guyyaa sadaffaa Abrahaam ol ilaalee, iddoo sana fagootti in arge.

⁵Yommus Abrahaam dargaggoota isaatiin, ?Isin harrichaa wajjin asuma turaa! Anii fi mucichi immoo achi garas dhaqnee in saganna; isa booddees gara keessanitti in deebina? jedhe.

⁶Akkasitti Abrahaam qoraan qalmi ittiin gubamu Yisihaq ilma isaa baachisee, ofii isaatii immoo ibiddaa fi haaduu harkatti baate; lamaanuus walii wajjin in adeeman.

⁷Takka erga adeemanii Yisihaq, Abrahaam abbaa isaatiin, ?Abbaye!? jedhe; innis, ?Maal jette ilma ko?? jedhe; Yisihaqis, ?Ibiddii fi qoraanoo kunoo ti, qalma gubamu sanaaf immoo hoolaan meerre ree?? jedhe.

⁸Abrahaam deebisee, ?Waaqayyo ofii isaatii qalma gubamuu fi hoolaa in arga yaa ilma ko? jedhe; isaan lamaanuus walii wajjin in adeeman.

⁹Isaanis gara iddoo isa Waaqayyo itti himee ture sanaa yommuu ga'an, Abrahaam achitti iddoo itti aarsaa dhi'eessu ijaaree, qoraanis tooraan irra naqe; Yisihaqin ilma isaa hidhee iddoo aarsaa irra qoraanicha gubbaa in ciibse.

¹⁰Abrahaam kana booddee ilma isaa qaluudhaaf hiixatee haaduu in fudhate.

¹¹Battala sanatti garuu ergamaan Waaqayyoo bantii waaqaa keessaa guddisee, ?Abrahaam! Abrahaam!? jedhe; innis, ?Kunoo asan jira!? jedhe.

¹²Ergamichis, ?Mucicha irratti harka kee ol hin fudhatin, waan tokkos isa hin godhin! Ati ilma kee isa tokkicha isaaf waan hin mararsiifatiniif, ati Waaqayyoon akka sodaattu ani amma beekeera? jedhe.

¹³Abrahaamis ol ilaalee, kunoo, dugda isaa duubaan korbeessa hoolaa gaanfa isaatiin arangamaa keessatti qabame tokko arge; achumaan dhaqee korbeessicha fuudhee, qooda ilma isaatii qalma gubamu isa in dhi'eesse.

¹⁴Abrahaamis maqaa iddoo sanaa, ?Yaahwee yir'ee? jedhee moggaase; [akkas jechuun, ?Waaqayyo in arga? jechuu dha]; namoonni amma iyyuu, waa'ee isaa yeroo dubbatan, ?Inni tulluu isa Waaqayyo irratti waa argamsiisuu dha? jedhu.

¹⁵Ergamaan Waaqayyoos bantii waaqaa keessaa si'a lammaffaa guddisee Abrahaamin waamee,

¹⁶?Waaqayyo, ?Ati kana waan gooteef, ilma kee isa tokkicha anaaf waan hin mararsiifatiniif, ani maqaa kootiin kakadheera*;

¹⁷ani eebba kootiin sin eebbisa, sanyii kees akka urjoota waaqaa, akka cirracha qarqara galaanaas guddisee nan baay'isa; sanyiin kees karra kellaa diinota isaa qabatee, mandaroota isaanii kan isaa in godhata*.

¹⁸Ati waan anaaf abboomamteef, sabni biyya lafaa irraa hundinuu sanyii keetiin in eebbifamu? jedhee dubbateera? jedhe*.

¹⁹Ergasii Abrahaam gara dargaggoota isaatti deebi'ee, isaanii wajjin ka'ee gara mandara Bersheebaa dhaqee mandaricha keessas in jiraate.[101]

²⁰Kana booddees dhaamsi Abrahaamiif in dhufe; innis, ?Kunoo! Miilkaanis immoo Naahor obboleessa keef ilmaan godhatte;

²¹warri isheen deesses, inni angafni Us, obboleessi isaa Buus, inni Aaramin dhalche immoo Qamu'el,

²²Kesed, Hazoo, Fiildaash, Yiidlaa fi Batu'el jedhamu? kan jedhu ture.

²³Batu'el Ribqaa dhalche; Miilkaan isaan kana saddeettan Naahor obboleessa Abrahaamiif godhatte*.

²⁴Naahor saajjatoo ?Ri'umaa? jedhamtu tokkos qaba ture; isheenis ijoollee ?Xebaa, Gaaham, Tahash, Ma'akaa? jedhaman deesseef.[102]