Read west central oromo Seera Uumamaa 29 Bible Online

Seera Uumamaa 29 - west central oromo bible

Seera Uumamaa 29

¹Yaaqoob karaa isaa itti fufee, gara biyya warra ba'a-biiftuu ga'e;

²achitti bakkee keessatti boolla bishaanii tokko arge; bushaayeen bishaan boolla sana keessaa buddiqfamu waan dhuganiif, kunoo, karri sadii bukkee boollichaa in cicciisu turan; dhagaan guddaan tokkos afaan boollichaa irra ture.

³Yeroo karri hundinuu achitti dacha'an, tiksoonni dhagicha afaan boollichaa irraa gara galchanii bushaayee in obaasu, booddees dhagicha iddoo isaatti deebisanii afaan boollichaa irra in kaa'u turan.

⁴Yaaqoob tiksoota sanaan, ?Obboloota ko, isin warra eessaa ti?? jedhe; isaan immoo, ?Nuyi warra Kaaraan? jedhan.

⁵Inni itti dabalee, ?Laabaan ilma Naahor beektuu?? jedhe; isaan immoo, ?Nuyi isa in beekna? jedhaniin.

⁶Innis, ?Qe'een isaa nagaa dhaa?? jedhe; isaanis, ?Nagaa dha, kunoo, Raahel intalli isaa iyyuu, bushaayee fiddee dhufuutti jirti? jedhaniin.

⁷Innis, ?Kunoo, amma iyyuu guyyaa dha, yeroo itti horiin walitti qabamanis miti; bushaayee bishaan obaasaatii dhaqaa dheechisaa!? jedhe.

⁸Isaan immoo, ?Hamma karri hundinuu walitti qabamanii, dhagichis afaan boollichaa irraa gara galfamutti, nuyi kana gochuu hin dandeenyu; isa booddee bushaayee bishaan in obaafna? jedhan.

⁹Utuu inni isaanii wajjin haasa'aa jiruus, Raahel tiksituu waan turteef, bushaayee abbaa isheetii fiddee dhufte;

¹⁰Yaaqoobis Raahelin intala Laabaan obboleessa haadha isaatii, bushaayee Laabaanis yommuu arge, itti dhi'aatee dhagicha afaan boollichaa irraa gara galchee, bushaayee eessuma isaatii sana bishaan obaase;

¹¹Yaaqoob yommus Raahelin dhudhungatee, gammachuu irraa kan ka'es in boo'e.

¹²Yaaqoob aantii abbaa ishee ilma Ribqaas akka ta'e Raahelitti in hime; isheenis fiigdee dhaqxee abbaa isheetti himte.

¹³Laabaan oduu Yaaqoob ilma obboleettii isaatii yeroo dhaga'e, isa simuudhaaf gara isaatti fiigee, morma isaatti marmee, dhudhungate; gara mana isaattis isa in geesse; Yaaqoobis wanta ta'e hundumaa itti in hime.

¹⁴Laabaan immoo, ?Ati dhuguma foon koo ti, dhiiga koo tis!? ittiin jedhe; Yaaqoobis ji'a tokkoof akkasumatti isa bira ture.

¹⁵Laabaan kana booddee Yaaqoobiin, ?Ati sababii aantii koo taateef tola anaaf hojjettaa ree? Gatiin dadhabbii kee maal ta'uutu irra jira? Anatti himi!? jedhe.

¹⁶Laabaan durboota lama qaba ture; maqaan ishee guddoo Liyaa, maqaan ishee xinnoo immoo Raahel ture.

¹⁷Liyaan nama ija lasii turte; Raahel garuu dhaabbii tolti, ija namaattis in miidhagdi turte.

¹⁸Yaaqoob waan Raahelin jaallateef, Laabaaniin, ?Raahel intala kee ishee quxisuuf, ani waggaa torba siif nan hojjedha? jedhe.

¹⁹Laabaan deebisee, ?Ani nama biraatiif kennuu koo irra, ishee siif kennuu in wayya; kanaaf ana bira turi!? jedheen.

²⁰Yaaqoob akkasitti Raaheliif jedhee, waggaa torba in hojjete; inni waan ishee jaallateef, waggoonni kun guyyoota muraasa isatti fakkaatan.

²¹Yaaqoob kana booddees Laabaaniin, ?Egaa yeroon dhaabaa koo waan raawwatameef, ani ishee bira akkan ga'uuf kaadhima koo anaaf kenni!? jedhe.

²²Kana irratti Laabaan namoota iddoo sanaa hundumaa walitti qabee cidha in godhe.

²³Galgala garuu intala isaa Liyaa fuudhee Yaaqoobitti geesse; innis ishee bira dhaqe.

²⁴Laabaan xomboree isaa Zilfaa, xomboree akka taatuufitti, intala isaa Liyaadhaaf in kenne.

²⁵Yeroo bari'es kunoo, isheen Liyaa ta'uun ishee in barame; Yaaqoob yommus Laabaaniin, ?Wanti ati ana irratti hojjette kun maali? Ani Raaheliif jedhee siif hin hojjennee? Yoos ati maaliif haxxummaa ana irratti hojjette ree?? jedhe.

²⁶Laabaan immoo deebisee, ?Biyya keenyatti ishee angafa dura ishee quxisuu hin kennan;

²⁷ishee kanaaf torban misirrummaa raawwadhu, yommus ishee kaanis siif in kennina; ati garuu deebitee waggaa torba anaaf in hojjetta!? jedhe.

²⁸Yaaqoobis akka inni jedhe in godhe; torban misirrummaa ishees in raawwate; Laabaan immoo yeroo sanatti intala isaa Raahelin isatti in heerumsiise.

²⁹Laabaan xomboree isaa Bilhaa, intala isaa Raaheliif xomboree akka taatuuf in kenneef.

³⁰Yaaqoob, Raahel biras in dhaqe; inni Liyaa caalaatti Raahelin in jaallate; kana booddees waggaa torba dabalee Laabaaniif in hojjete*.[135]

³¹Liyaan akka hin leelifamin Waaqayyo yommuu arge, dhala godhachuu ishee in dandeessise; Raahel garuu dhabduu turte*.

³²Liyaan ulfooftee, ilma in deesse; isheen, ?Waaqayyo gad deebi'uu koo waan ilaaleef, amma dhuguma abbaan manaa koo ana in jaallata? jettee, maqaa isaa Ruubenitti[136] in moggaafte.

³³Ammas ulfooftee, ilma deessee, ?Waaqayyo akka ani hin leelifamin dhaga'ee, ilma isa kanas immoo anaaf kenne? jettee, maqaa isaa Shimi'oonitti[137] in moggaafte.

³⁴Ammas ulfooftee, ilmas deesse; isheen, ?Amma ilmaan sadii waanan isaaf godhadheef, abbaan manaa koo alana anatti in maxxana!? jette; kanaafis maqaa isaa ?Lewwii[138]? jette in moggaafte.

³⁵Ammas ulfooftee, ilmas deesse; isheen, ?Alana Waaqayyoon nan jajadha!? jette; kanaafis maqaa isaa ?Yihudaa? jettee moggaafte; [?Yihudaa? jechuun ?Galataa? jechuu dha]; kana booddees da'uu in dhaabde.[139]