Read west central oromo Seera Uumamaa 33 Bible Online

Seera Uumamaa 33 - west central oromo bible

Seera Uumamaa 33

¹Yommus Yaaqoob ol ilaalee, kunoo, Esaawuun namoota dhibba afurii wajjin utuu dhufuutti jiruu arge; kanaaf ijoollee Liyaa, Raahelii fi xomboreewwan lamaan gidduutti gargar hire*.

²Xomboreewwan lamaan ijoollee isaanii wajjin fuula dura buusee, Liyaa fi ijoollee ishee itti aansee, Raahelii fi Yoseefin immoo hundumaa booddee buuse.

³Ofii isaatii immoo hunduma isaanii dura bu'ee, itti adeemee hamma obboleessa isaatti dhi'aatutti si'a torba lafa ga'ee qoomma'e.[160]

⁴Esaawuun garuu isa simachuutti fiigee, morma isaa irratti kufee ammatee in dhudhungate; isaan lachuu walitti boo'an.

⁵Esaawuun ol ilaalee dubartootaa fi ijoollee yommuu argee, ?Isaan kun maal kee ti?? jedhe; Yaaqoobis, ?Isaan ijoollee Waaqayyo ayyaana isaatiin ana garbicha keetiif kennee dha? jedheen.

⁶Yommus xomboreewwan itti dhi'aatan; isaanis, ijoolleen isaaniis in qoomma'aniif.

⁷Liyaanis akkasuma ijoolleen ishees itti dhi'aatanii in qoomma'aniif; dhuma irratti Yoseefii fi Raahel itti dhi'aatanii isaanis in qoomma'aniif.

⁸Esaawuun immoo, ?Kutata buufate ani arge sana hundumaa immoo maaliif yaadde?? jedhe; Yaaqoobis deebisee, ?Faara gooftaa koo ittiin argachuudhaaf nan yaade? jedhe*.

⁹Esaawuun garuu, ?Ani baay'een qaba, yaa obboleessa ko, kan kee si'umaaf haa ta'u!? jedhe.

¹⁰Yaaqoob immoo, ?Hin ta'u, ani akka nama fuula Waaqayyoo arguutti fuula kee argeera, ati immoo fuula ifaadhaan na simatteetta; ammas ani fuula kee duratti faara ergan argadhee, kennaa koo kana ana harkaa fudhadhu*!

¹¹Ammas sin kadhadha, Waaqayyo gaarummaa anatti argisiisee, anis wanta na ga'u waanan argadheef, harka-fuudhaa isa siif dhi'aate kana fudhadhu!? jedhee isa giddisiise; Esaawuunis in fudhate.[161]

¹²Yommus Esaawuun, ?Kottaa kaanee karaa keenya itti fufnaa, ani si dura nan adeema? jedhe.

¹³Yaaqoob garuu deebisee, ?Ijoolleen akka dadhaban, bushaayee fi saawwan warri hoosisanis akka na yaadeessan, gooftaan koo in beeka; isaan guyyuma tokkoof illee sardama yoo oofaman, bushaayeen hundinuu in dhumu;

¹⁴gooftaan koo darbee garbicha isaa dura haa adeemu; anis suutuma jedhee, adeemsa horii warra na dura jiraniif, adeemsa ijoolleef akka ta'utti, hamman Se'iiritti si gooftaa koo bira dhufutti nan adeema? jedhe.

¹⁵Kana booddee Esaawuun, ?Namoota anaa wajjin jiran keessaa kaan si biratti dhiisee nan adeema? jedhe; inni garuu, ?Fuula gooftaa koo duratti faara argachuu malee, kun maaliif barbaachisa?? jedhe.

¹⁶Gaafas Esaawuun karaa isaa irra gara Se'iiritti deebi'e;

¹⁷Yaaqoob garuu gara iddoo isa ?Suukoot? jedhamee moggaafametti adeeme, ofii isaatiif godoo, horii isaatiifis gaaddisa ijaare; kanaafis maqaa iddoo sanaa ?Suukoot? jedhee moggaase [?Suukoot? jechuun ?Gaaddisa? jechuu dha].

¹⁸Yaaqoobis Phaadaan-Aaramii yommuu deebi'e, nagaadhaan gara mandara Sheekem ishee biyya Kana'aan keessaa dhufe; mandarattii fuula duras in buufate.

¹⁹Ijoollee Hamoor abbaa Sheekemis irraa laficha isa godoo isaa irra dhaabbate sana akka meetii dhibbaan in bite*.

²⁰Achitti iddoo aarsaa tokkos ijaaree, isas ?Waaqayyo, Waaqayyo isa kan Israa'el? jedhee moggaase*.[162]