Read west central oromo Seera Uumamaa 41 Bible Online

Seera Uumamaa 41 - west central oromo bible

Seera Uumamaa 41

¹Waggaan lama erga darbee booddee, mootiin Gibxii abjuu abju'ate; abjuu isaatiinis qarqara laga Abbayyaa dhaabatee ture;

²kunoo, saawwan cululuqoo fi gabbatoonni torba laga Abbayyaa keessaa ol ba'anii, jajjaba keessa in dheedu turan.

³Ammas kunoo, saawwan kan biraa jibbisiisonnii fi huqatoonni torba isaan booddeedhaan laga Abbayyaa keessaa ol ba'anii, saawwan warra duraa bira qarqara lagichaa dhaabatan.

⁴Saawwan warri jibbisiisonnii fi huqatoonni sun, warra cululuqoo fi gabbatoo torban sana in liqimsan; kana booddee mootiin Gibxii hirribaa in dammaqe.

⁵Mootiin Gibxii ammas deebi'ee rafee, lammaffaa abjuu abju'ate; kunoo, mataan midhaanii torba iji isaa gugguute, tolees somaa tokko irratti guddatee ture;

⁶isaan booddeedhaan immoo kunoo, mataan midhaanii iji isaa xooxaree qilleensi ba'a-biiftuu gube torba ol ba'an.

⁷Mataan midhaanii warri xooxaran, warra gugguutuu gurguddaa sana torban in liqimsan; mootiin Gibxiis in dammaqe; kunis abjuu ture.

⁸Yommuu bari'es mootiin Gibxii yaadni isaa waan raafameef, warra ayyaana heddanii fi beektota Gibxii ofitti waamsisee, abjuu isaa isaanitti in hime; garuu isaan keessaa namni abjuu sana hiikuu danda'e hin turre*.[191]

⁹Yommus eegduun warra dhugaatii dhi'eessanii mootichaan, ?Ani balleessaa koo har'a nan yaadadhe;

¹⁰al tokko ati dheekkamtee anaa fi eegduu warra buddeena tolchanii sana, eegdota mana hidhaatti kennitee nu hiisiftee turte.

¹¹Nuyi halkanuma tokkicha abjuu abju'anne; inni, anis abjuu hiikaa adda addaa qabu mata mataatti abju'anne.

¹²Achi Ibrichi dargaggeessi garbichi ajajjuu warra eegdotaa tokko nu bira ture; abjuu keenya yeroo isatti himanne inni adduma addaan akkuma abjuu keenyaatti hiikaa isaa nuuf kenne;

¹³akkuma inni abjuu keenya nuuf hiike ta'e, ani lafa hojii kootti nan deebi'e, eegduun warra buddeena tolchanii immoo in rarraafame? jedhe.

¹⁴Kana irratti mootiin Gibxii ergee Yoseefin in waamsise; isaan boolla mana hidhaa sana keessaa ariifachiisanii isa fidan; inni haadatee, uffata isaas erga diddiiratee, gara mootii Gibxiitti in dhi'aate*.

¹⁵Mootiin Gibxii yommus Yoseefiin, ?Ani abjuu abjodheen ture, garuu namni tokko illee anaaf hiikuu hin dandeenye; ati garuu abjuu yoo sitti himan hiikuu in dandeessa jechuu nan dhaga'e? jedhe.

¹⁶Yoseef deebisee, mootii Gibxiin, ?Waaqayyotu deebii nagaa isa siif ta'u kenna malee, ana miti? jedhe*.[192]

¹⁷Yommus mootiin Gibxii, ?Kunoo, ani abjuu kootiin qarqara laga Abbayyaa dhaabadheen ture;

¹⁸saawwan gabbatoo fi cululuqoonni torba laga Abbayyaa keessaa ol ba'anii, jajjaba keessa dheedu turan.

¹⁹Isaan booddeedhaan immoo saawwan jooroo, baay'ee jibbisiisoo fi huqatoonni torba ol ba'an; ani saawwan saakachaa'oo akka isaanii takkaa guutummaa biyya Gibxii keessatti argee hin beeku.

²⁰Saawwan huqatoo fi jibbisiisoonni sun, saawwan gabatoo torban duraa sana in liqimsan.

²¹Erga isaan liqimsanii booddee garuu, amma iyyuu akkuma isaanii duraa jibbisiisoo waan ta'aniif, saawwan sana liqimsuu isaanii namni tokko illee beekuu hin danda'u ture; kana booddee ani hirribaa nan dammaqe.

²²?Akkasumas ani abjuu koo isa kaan keessatti mataan midhaan torbaa iji isaa gurgudatee kan tole, somaa tokko irratti utuu guddatuu nan arge.

²³Isaan booddeedhaan immoo kunoo, mataan midhaanii iji isaa colligee, xooxaree, qilleensi ba'a-biiftuu gube torba ol ba'an.

²⁴Mataan midhaanii warri xooxaran sun immoo mataa midhaanii warra iji isaanii tole torban sana in liqimsan; ani kana warra ayyaana heddanitti nan hime; garuu tokko illee kana kan anaaf ibsu hin argamne? jedhe.

²⁵Yoseef yommus mootii Gibxiin, ?Abjuun kee tokkichuma, Waaqayyo wanta gochuudhaaf jedhu sitti mul'iseera;

²⁶saawwan nama mararan torban, waggoota torba; mataan midhaanii tolan torbanis waggootuma torban sana; abjuun kee lachanuu tokkichumatti in hiikama.

²⁷Saawwan huqatoo fi jibbisiisoonni isaan sana booddeedhaan ol ba'an torban, akkasumas mataan midhaanii ija hin qabne qilleensi ba'a-biiftuu isaan gube torban waggoota torba; waggoonni kun torban waggoota beelaa ta'uuf jiru.

²⁸Dubbichi akkuma ani sitti himee dha yaa mootii! Waaqayyo wanta gochuudhaaf jedhu sitti argisiiseera.

²⁹Yeroon itti guutummaa biyya Gibxii irratti quufni guddaan isaa ta'u, kunoo, waggoonni torba dhufuuf jiru.

³⁰Isaan booddeedhaan garuu waggoonni beelaa torba in dhufu; quufni biyya Gibxiitti ta'e sun hundinuu in irraanfatama; beelichis biyyicha in fixa.

³¹Beelichi inni isatti aanu baay'ee cimaa waan ta'uuf, waggoonni quufaa sun biyyicha keessatti deebi'anii hin yaadataman.

³²Abjuun kee lama ta'uun isaa dubbichi Waaqayyo biraa akka cite, Waaqayyo yeroo gabaabaa keessatti kana gochuuf akka jiru in argisiisa.

³³?Ammas ati nama hubataa, nama ogeessas ilaalii, biyya Gibxii irratti aboo irra kaa'i!

³⁴Itti dabaltees namoota dubbicha duukaa bu'anii ilaalan, waggoota quufaa torban keessas wanta biyya Gibxii irraa galu keessaa harka shan keessaa harka tokko fuudhan, biyyicha irra kaasii, aboos kenniif!

³⁵Isaan midhaanicha hundumaa waggoota gaarii dhufuuf jiran kana keessa walitti haa qaban! Nyaataafis mandaroota keessa tuulanii, harka kee jalatti haa eegan!

³⁶Biyyichi beelaan akka hin badnetti, midhaan kun biyyaaf akka ta'utti, waggoota torban yeroo itti beelli biyya Gibxii irra bu'uuf jiru sanaaf haa kaa'amu!? jedhe.

³⁷Yaadni dhi'aate kun mootii Gibxii fi hojjetoota isaa biratti gaarii ta'ee mul'ate*.

³⁸Mootiin Gibxii ergasii hojjetoota isaatiin, ?Nuyi nama hafuurri Waaqayyoo keessa jiru akkasii kana argachuu in dandeenyaa?? jedhe*.

³⁹Mootiin Gibxii yommus Yoseefiin, ?Erga Waaqayyo kana hundumaa akka ati beektu godhee, namni hubataanii fi ogeessi akka keetii hin jiru;

⁴⁰ati mana koo irratti gooftummaa in fudhatta, sabni hundinuu akka ati ajajjutti in abboomamu, ani immoo teessoo mootummaa koo duwwaadhaanan si gara irraa jira? jedhe*.

⁴¹Mootiin Gibxii ammoo Yoseefiin, ?Kunoo, ani guutummaa biyya Gibxii irratti aboo siif kenneera? jedhe*.[193]

⁴²Kana booddee mootiin Gibxii amartii mallattoo isaa harka isaattii baasee, harka Yoseefitti in kaa'e; uffata quncee talbaa ba'eessa irraa hojjetames itti in uffise; dirata warqees morma isaatti kaa'eef*.

⁴³Konkolaataa isa kan isaatti aanu irras isa teessise; warri fuula isaa duraa labsanis, ?Gad jedhaa, qoomma'aa!? in jedhu turan; mootichi akkasitti Yoseefin guutummaa biyya Gibxii irra kaa'ee, aboos kenneef*.

⁴⁴Inni Yoseefiin, ?Ani mootiin Gibxii mootummaa koo hin dhiisu! Garuu fedha kee malee, namni tokko illee guutummaa biyya Gibxii keessatti harka isaa yookiis miilla isaa hin sokoksiisu!? jedhe.

⁴⁵Mootiin Gibxii, ?Zaafenaat-Phane'aa? jedhee Yoseefiif maqaa in kenne; Asenaat intala Phoxii-Feraa luba On immoo isatti in heerumsiise; kana booddee Yoseef biyya Gibxii irra in naanna'e.[194]

⁴⁶Yoseef fuula Fara'oon mootii Gibxii duratti dhi'aatee yommuu hojii irra dhaabame, nama waggaa soddomaa ture; Yoseef fuula mootichaa duraa ba'ee guutummaa biyya Gibxii keessa naanna'e.

⁴⁷Waggoota quufaa torban sana keessa lafti midhaan baay'ee hammas hin jedhamne in kenne.

⁴⁸Yoseef midhaan waggoota sana biyya Gibxiitti argame keessaa isa walitti sassaabame hundumaa mandaroota keessatti galche; midhaan inni mandara tokkotti galche isa maasii naannoo isaa jiru irraa walitti sassaabame ture.

⁴⁹Yoseef midhaan akka cirracha galaanaa guddaa baay'atu in tuule; safaruun isaa waan hin danda'amneef, isa safaruu dhiise.

⁵⁰Waggoonni beelaa utuu hin dhufin dura Yoseef ilmaan lama godhate; isaanis Asenaat intala Phoxii-Feraa luba On sanatu da'eef.

⁵¹Yommus Yoseef, ?Waaqayyo rakkina koo hundumaa, mana abbaa koo hundumaas na irraanfachiiseera? jedhee, ilma isaa isa angafa Minaaseetti moggaase [?Minaasee? jechuun ?Irraanfachiisuu? jechuu dha];

⁵²isa lammaffaa immoo, ?Waaqayyo biyya ani itti gad deebi'e keessatti akkan horu godhe? jechuudhaan, ?Efreem? jedhee moggaase; [?Efreem? jechuun ?Horuu? jechuu dha].

⁵³Waggoonni biyyi Gibxii quufa itti argattee turte torban in raawwataman;

⁵⁴akkuma Yoseef dubbatee ture waggoonni beelaa torban dhufuu jalqaban; biyya kan biraa hundumaatti beelli in bu'e, guutummaa biyya Gibxii keessa garuu nyaanni jira ture.

⁵⁵Ergasii guutummaan biyya Gibxii beela'uu jalqabnaan, sabni nyaataaf mootii Gibxiitti iyyate; mootichi immoo warra Gibxii hundumaan, ?Gara Yoseef dhaqaatii, waan inni isiniin jedhu godhaa!? jedhe.

⁵⁶Beelli jabaatee guutummaa biyya Gibxii irra yeroo ga'etti, Yoseef gombisaa hundumaa banee warra Gibxiitti midhaan in gurgure.

⁵⁷Beelichi biyya lafaa hundumaa irratti waan jabaateef, namoonni biyya hundumaattii midhaan bitachuudhaaf Yoseef bira gara biyya Gibxii in dhufan.