Read west central oromo Seera Uumamaa 42 Bible Online

Seera Uumamaa 42 - west central oromo bible

Seera Uumamaa 42

¹Yaaqoob yommus biyya Gibxii midhaan akka jiru baree ilmaan isaatiin, ?Maaliif calluma jettanii wal ilaaltu?

²Biyya Gibxii midhaan akka jiru dhaga'eera, nuyi du'a akka oolluuf, gad bu'aatii achii midhaan nuuf bitaa!? jedhe.

³Obboloonni Yoseef kudhan ta'anii, midhaan bituudhaaf gara biyya Gibxiitti gad bu'an.

⁴Yaaqoob wanti hamaan akka isa irra hin geenyeef jedhee, Benyaamiinin obboleessa Yoseef obboloota isaa warra kaanii wajjin hin ergine*.[195]

⁵Biyya Kana'aan keessa beelli waan tureef, ijoolleen Israa'el warra midhaan bituu dhaqan sana keessa turan.

⁶Biyya Gibxii hundumaa inni bulchu, namoota biyya hundumaattis inni midhaan gurguru Yoseef ture; obboloonni Yoseefis dhufanii isa duratti dhi'aatanii, hamma mataan isaanii lafa ga'utti in qoomma'aniif.

⁷Yoseef yommuu isaan arge, obboloota isaa akka ta'an in bare; garuu akka nama isaan hin beeknetti afaan jabaa isaanitti dubbate; itti fufees, ?Isin eessaa dhuftan?? jedhe; isaan immoo deebisanii, ?Nuyi midhaan bitachuudhaaf biyya Kana'aanii dhufne? jedhan.

⁸Yoseef illee obboloota isaa bareera, isaan garuu isa hin barre.

⁹Yoseef abjuu isa waa'ee isaaniif abju'atee ture yaadatee isaaniin, ?Isin gaadduu dha, biyyichi banamaa ta'uu isaa ilaaluudhaaf dhuftan? jedhe*.

¹⁰Isaan immoo deebisaniifii, ?Lakkii! Yaa gooftaa, nuyi garboonni kee midhaan bituu dhufne;

¹¹nuyi hundumti keenya ilmaan abbaa tokkoo ti; nuyi garboonni kee namoota amanamoo dha malee, gaadduu miti? jedhan.

¹²Inni immoo isaaniin, ?Lakkii! Biyyichi banamaa ta'uu isaa ilaaluudhaaf dhuftan? jedhe.

¹³Isaanis deebisanii, ?Nuyi garboonni kee obbolaan kudha lamaanuu ilmaan nama biyya Kana'aan tokkoo ti. Ilaa! Obbooleessi keenya inni quxisuun amma abbaa keenya bira jira, inni tokko immoo hin jiru? jedhan.

¹⁴Yoseef immoo isaaniin, ?Egaa akkuma ani isinitti dubbadhe ta'e; isin gaadduu dha!

¹⁵Isin amma kanaan qoramtanii in ilaalamtu; obboleessi keessan inni quxisuun hamma as dhufutti, mootiin haa du'u, asii hin baatan!

¹⁶Egaa of keessaa nama tokko ergaa, inni dhaqee obboleessa keessan haa fidu! Isin immoo wanti isin dubbattan dhugaa ta'uun isaa qoramee hamma ilaalamutti in hidhamtu; dubbiin keessan soba yoo ta'e garuu, mootiin haa du'u, isin gaadduu dha? jedhe*.

¹⁷Hundumti isaanii iddoo tokkotti guyyaa sadii fi akka eegaman godhe*.[196]

¹⁸Guyyaa sadaffaattis Yoseef isaaniin, ?Ani Waaqayyoon nan sodaadha, jireenya keessan oolfachuudhaaf wanta ani isinitti himu godhaa!

¹⁹Erga namoota amanamoo taatanii, obboleessi keessan tokko mana isin amma itti eegamtan kanatti haa hidhamu, isin immoo maatii keessan warra manaa beela'aa jiraniif midhaan fuudhaa dhaqaa!

²⁰Obbooleessa keessan isa quxisuu na bira fidaa! Kanaan wanti isin dubbattan kun dhugaa ta'uun isaa in beekama, isinis du'a in ooltu? jedhe; isaanis akkuma inni isaanitti hime in godhan.

²¹Walii isaaniitiin immoo, ?Nuyi dhuguma obboleessa keenyatti balleessineerra; lubbuun isaa isa keessatti dhiphachuu isaa utuma arginuu, utuma inni nu kadhatuus isa dhaga'uu dinne; kanaaf dhiphinni kun nutti dhufe? jedhan*.

²²Ruuben kana irratti isaaniin, ?Ani, ?Mucicha hin yakkinaa!? isiniin hin jennee? Isin garuu dhaga'uu in diddan; ammas kunoo, dhiigni isaa nu irraa in barbaadama? jedhe*.

²³Namni isaan gidduu dhaabatee afaan hiiku waan tureef, Yoseef akka isaan dhaga'u isaan hin barre.

²⁴Yommus Yoseef isaan irraa achi gara galee in boo'e; deebi'ees isaanitti gara galee isaanitti in dubbate; isaan keessaa Shimi'oonin qabsiisee ija isaanii duratti in hiisise.

²⁵Yoseef kana booddee qalqala isaanii midhaan guutanii, horii isaaniis deebisanii adduma addaan qalqala isaanii keessa akka kaa'aniif, karaadhaafis galaa akka kennaniif in abboome; warri abboomamanis kana isaaniif in godhan.[197]

²⁶Obbolaan Yoseef midhaan isaanii harree isaaniitti fe'atanii achii in adeeman.

²⁷Lafa bulanitti isaan keessaa inni tokko harree isaatiif nyaata kennuudhaaf qalqala isaa hiikee, kunoo, horii ittiin midhaan bite afaan qalqala isaa keessatti in arge.

²⁸Inni obboloota isaatiin, ?Horiin koo anaaf deebi'eera; ilaa, inni qalqala keessa jira? jedhe; kana irratti garaan isaanii baqaqe, hollachaas walii isaaniitiin, ?Wanti Waaqayyo nutti fide kun maali?? jedhan.

²⁹Yommus isaan biyya Kana'aan Yaaqoob abbaa isaanii bira dhufanii, wanta isaan irra ga'e hundumaa isatti in himan.

³⁰Isaan, ?Namichi inni biyya sana irratti gooftummaa qabu, warra biyya gaadan nu se'ee, afaan jabaa nutti dubbate.

³¹Nuyi garuu, ?Nuyi namoota amanamoo dha malee gaadduu miti,

³²nuyi obbolaan kudha lama ilmaan abbaa tokkoo ti; kudha lama keessaa inni tokko hin jiru, inni quxisuun immoo amma abbaa keenya bira biyya Kana'aan jira? ittiin jenne.

³³Namichi inni biyya sana irratti gooftummaa qabu sun immoo, ?Amanamoo ta'uu keessan akkan ittiin beekutti, obboleessa keessan tokko ana biratti hambisaatii, isin maatii keessan warra manaa beela'aa jiraniif midhaan fuudhaa dhaqaa!

³⁴Obbooleessa keessan isa quxisuu ana bira fidaa! Ani kana irratti isin namoota amanamoo malee, gaadduu akka hin ta'in, nan beeka; obboleessa keessan isa asitti hafes gad isiniif nan dhiisa, isinis biyyicha keessa asii fi achi adeemtanii in nagaddu? nuun jedhe? jedhan.

³⁵Isaan qalqala isaanii keessaa yommuu gara galchan immoo kunoo, horiin isaanii adduma addaan akka gudunfametti qalqala tokko tokko isaa keessatti argame; isaan, abbaan isaaniis horii isaanii akka gudunfametti yommuu argan in na'an.

³⁶Kana irratti Yaaqoob abbaan isaanii, ?Ijoollee malee na hambiftan, Yoseef hin jiru, Shimi'oon hin jiru, Benyaamiinin immoo fudhachuuf jettu; kun hundinuu anuma irratti in raawwatame? isaaniin jedhe.

³⁷Ruuben yommus abbaa isaatiin, ?Ani mucicha deebisee gara keetti yoon fiduu dhabaadhe, ati ilmaan koo lamaan ajjeesuu in dandeessa; harka isaa qabii anatti kenni, anis harka keetti isa nan deebisa? jedhe.

³⁸Yaaqoob garuu, ?Ilmi koo isinii wajjin gad hin bu'u, obboleessi isaa du'eera, tokkicha kana duwwaatu hafe; karaa isin irra adeemtan iratti wanti hamaan yoo isa irra ga'e, dulluma koo keessa gaddaan gara iddoo lafa jalaatti akkan gad bu'u in gootu? jedhe.