Read west central oromo Seera Uumamaa 46 Bible Online

Seera Uumamaa 46 - west central oromo bible

Seera Uumamaa 46

¹Kana irratti Israa'el waan qabu hundumaa fudhatee ka'ee, Bersheebaa dhufee, Waaqayyo isa kan Yisihaq abbaa isaatiif aarsaa qalmaa in dhi'eesse*.

²Waaqayyo mul'ata halkaniitti Israa'elitti, ?Yaaqoob, Yaaqoob!? jedhee dubbate; inni immoo, ?Kunoo asan jira? jedhe.

³Gooftaan, ?Ani Waaqayyo, Waaqayyo isa kan abbaa keetii ti; ani achitti saba guddaa akka ati taatu waanan godhuuf, biyya Gibxiitti gad bu'uu hin sodaatin*!

⁴Ani sii wajjin biyya Gibxiitti gad nan bu'a, deebisees ol sin fida; yommuu ati duutu Yoseef ija kee walitti siif in qaba? jedhe.[212]

⁵Yaaqoob Bersheebaadhaa in ka'e; ilmaan Israa'elis Yaaqoobin abbaa isaanii, ijoollota isaanii, dubartoota isaaniis konkolaattota ittiin akka dhufaniif mootiin Gibxii ergeef in yaabsisan;

⁶Yaaqoobiif sanyiin isaa hundinuu walii wajjin horii horatan, qabeenya biyya Kana'aanitti argatan hundumaas fudhatanii gara biyya Gibxii in dhaqan.

⁷Yaaqoob akkasitti ilmaan isaa, ilmaan ilmaan isaa, intaloota isaa, intaloota ilmaan isaa, sanyii isaa hundumaas fidee biyya Gibxii in dhufe*.[213]

⁸Yaaqoobii fi ijoolleen isaa biyya Gibxii in dhaqan; kanatti aane ijoolleen Israa'el maqaa in dha'amu; ilmi Yaaqoob inni angafni Ruuben ture;

⁹ilmaan Ruuben, Henok, Faluu, Hezronii fi Karmii dha.

¹⁰Ilmaan Shimi'oon, Yimu'el, Yaamiin, Ohad, Yaakiin, Zohaarii fi Shaawul; Shaawulin durba warra Kana'aantu da'e.

¹¹Ilmaan Lewwii, Gershoon, Qehaatii fi, Meraarii dha.

¹²Ilmaan Yihudaa, Eer, Onaan, Shelaa, Faaresii fi Zaaraa turan; Eerii fi Onaan biyya Kana'aanitti du'an; ilmaan Faares, Hezronii fi Hamul.

¹³Ilmaan Yisaakor, Tolaa, Fuwaa, Yobii fi Shimroon.

¹⁴Ilmaan Zebuloon, Sered, Eloonii fi Yaahile'el.

¹⁵Ilmaan Yaaqoob warri Liyaan haati manaa isaa Phaadaan-Aaramitti deesseef, ijoolleen ilmaan isaatiis isaan kana turan; akkasuma immoo Liyaan intala ?Dhinee? jedhamtu tokko isaaf deesseetti; ijoolleen isaa warri kunii fi ijoolleen ijoollee isaa walumatti lubbuu soddomii sadii turan.

¹⁶Ilmaan Gaadi, Ziifiyon, Haagii, Shunii, Esbon, Erii, Arodii, Ar'elis.

¹⁷Ilmaan Asheer, Yiimnaa, Yishwaa, Yishwii fi Berii'aas; obboleettiin isaanii immoo Seraa; ilmaan Berii'aas, Heberii fi Malkii'el.

¹⁸Isaan kun ilmaan Zilfaa fi ijoollee ijoollee isheetii ti; Zilfaan ishee Laabaan intala isaa Liyaadhaaf kenne turte; ijoolleen isheen Yaaqoobiif deesse, ijoollee ijoollee ishee wajjin lubbuu kudha ja'a ta'an.

¹⁹Ilmaan Raahel haadha manaa Yaaqoob immoo Yoseefii fi Benyaamiin turan.

²⁰Biyya Gibxiitti ilmaan lama Yoseefiif in dhalatan; isaanis Minaasee fi Efreem warra Asenaat intalli Phoxii-Feraa luba On deesseef turan.

²¹Ilmaan Benyaamiin, Bel'aa, Beker, Ashbel, Geraa, Na'aamaan, Ehii, Rosh, Mufiim, Hufiimii fi Ardi.

²²Ilmaan Yaaqoob warri Raahel irraa dhalatan kun ijoollee isaanii wajjin walumatti lubbuu kudha afur ta'an.

²³Ilmi Daan immoo Hushiim.

²⁴Ilmaan Niftaalem, Yaahize'el, Gunii, Yezerii fi Shiilem.

²⁵Isaan kun ilmaan Bilhaa fi ijoollee ijollee isheetii ti; Bilhaan ishee Laabaan intala isaa Raaheliif kenne turte; ijoolleen isheen Yaaqoobiif deesse, ijoollee ijoollee ishee wajjin walumatti lubbuu torba turan.

²⁶Namoonni Yaaqoobii wajjin biyya Gibxii dhufan, dubartoota ilmaan isaa iyyuu utuu itti hin dabalin, sanyii isaa kan ta'an duwwaan lubbuu jaatamii ja'a turan.

²⁷Ilmaan biyya Gibxiitti Yoseefiif dhalatan immoo lubbuu lama; walitti qabaan maatiin Yaaqoob warri gara biyya Gibxii dhufan lubbuu torbaatama[214] guutan*.[215]

²⁸Yoseef dhufa isaanii warra Gooshenitti himee akka qopheessuuf, Yaaqoob of dura Yihudaa gara isaatti erge; Yaaqoobii fi maatiin isaa akkasitti gara biyya Gooshen dhufan*.

²⁹Yommus Yoseef konkolaataa isaa fe'atee, Israa'elin abbaa isaa simuudhaaf gara Gooshen dhaqe; inni abbaa isaa yeroo arge, morma isaatti kufee, yeroo dheeraadhaaf in boo'e.

³⁰Israa'el Yoseefiin, ?Ani amma fuula kee argee fayyaatti jiraachuu kees ergan beekee, yoon du'e iyyuu du'e hin jedhu!? jedhee Yoseefitti in dubbate*.[216]

³¹Yoseef yommus obboloota isaatiin, warra mana abbaa isaatiinis, ?Ani ol ba'ee mootichatti nan hima, ?Obboloonni koo fi warri mana abbaa kootti warri biyya Kana'aan turan gara koo dhufaniiru;

³²isaan namoota bushaayee tiksanii dha, duruma iyyuu horii horsiisaa turan; ammas bushaayee isaanii, saawwan isaanii, waanuma qaban hundumaas fidanii dhufaniiru? nan jedha.

³³Mootichi isin waamee, ?Hojiin keessan maali?? jedhee isin in gaafata;

³⁴isin immoo, ?Nuyi garboonni kee warra horii horsiisanii dha; abboonni keenya akkasuma waan turaniif, nus immoo mucummaa keenyaa jalqabnee hamma ammaatti isatti jirra? jedhaa! Warri Gibxii nama bushaayee tiksu hundumaa waan ciiga'aniif, biyya Gooshen taa'uun keessan hin oolu? jedhe*.[217]