Read west central oromo Seera Uumamaa 5 Bible Online

Seera Uumamaa 5 - west central oromo bible

Seera Uumamaa 5

¹Caaffanni waa'ee warra Addaam irraa dhalatanii kanatti fufee jira; Waaqayyo gaafa nama uume, akka fakkaattii ofii isaatiitti isa in tolche*;

²yeroo isaan uumes ?Nama? jedhee isaan in moggaase; inni dhiiraa fi dubartii isaan uumee isaan in eebbise.[29]

³Addaam waggaa dhibbaa fi soddoma jiraatee, ilma fakkaattii isaa ta'e bifa isaas qabu tokko dhalche; maqaa isaas ?Sheet? jedhee in moggaase.

⁴Sheet erga dhalatee booddee, Addaam waggaa dhibba saddeet jiraatee, ilmaanii fi intaloota biraas in godhate.

⁵Barri Addaam jiraate hundinuu waggaa dhibba sagalii fi soddoma ture, kana booddees in du'e.

⁶Sheet dhalatee waggaa dhibbaa fi shanitti Enoshin in dhalche.

⁷Enosh erga dhalatee booddee, Sheet waggaa dhibba saddeetii fi torba jiraatee, ilmaanii fi intaloota biraas in godhate;

⁸barri Sheet jiraate hundinuu waggaa dhibba sagalii fi kudha lama ture, kana booddees in du'e.

⁹Enosh dhalatee waggaa sagaltamatti Qayinaanin dhalche.

¹⁰Qayinaan erga dhalatee booddee, Enosh waggaa dhibba saddeetii fi kudha shan jiraatee, ilmaanii fi intaloota biraas in godhate.

¹¹Barri Enosh jiraate hundinuu waggaa dhibba sagalii fi shan ture, kana booddees in du'e.

¹²Qayinaan dhalatee waggaa torbaatamatti Mahalalelin dhalche;

¹³Mahalalelin erga dhalchee booddee, Qayinaan waggaa dhibba saddeetii fi afurtama jiraatee, ilmaanii fi intaloota biraas in godhate.

¹⁴Barri Qayinaan jiraate hundinuu waggaa dhibba sagalii fi kudhan ture, kana booddees in du'e.

¹⁵Mahalalel dhalatee waggaa jaatamii shanitti Yaaredin dhalche;

¹⁶Yaared erga dhalatee booddee, Mahalalel waggaa dhibba saddeetii fi soddoma jiraatee, ilmaanii fi intaloota biraas in godhate.

¹⁷Barri Mahalalel jiraate hundinuu waggaa dhibba saddeetii fi sagaltamii shan ture, kana booddees in du'e.

¹⁸Yaared dhalatee waggaa dhibba tokkoo fi jaatamii lamatti Henokin dhalche;

¹⁹Henok erga dhalatee booddee, Yaared waggaa dhibba saddeet jiraatee, ilmaanii fi intaloota biraas in godhate.

²⁰Barri Yaared jiraate hundinuu waggaa dhibba sagalii fi jaatamii lama ture, kana booddees in du'e.

²¹Henok dhalatee waggaa jaatamii shanitti Matusaalaa dhalche;

²²Matusaalaan erga dhalatee booddee, Henok karaa Waaqayyo irra deddeebi'uudhaan waggaa dhibba sadii Waaqayyoo wajjin in jiraate; ilmaanii fi intaloota biraas in godhate*.

²³Barri Henok jiraate hundinuu waggaa dhibba sadii fi jaatamii shan ture.

²⁴Henok karaa isaa irra deddeebi'uudhaan Waaqayyoo wajjin jiraate; Waaqayyo waan isa fudhateef deebi'ee achitti hin argamne*.[30]

²⁵Matusaalaan dhalatee waggaa dhibbaa fi saddeettamii torbatti Laamekin dhalche;

²⁶Laamek erga dhalatee booddee, Matusaalaan waggaa dhibba torbaa fi saddeettamii lama jiraatee, ilmaanii fi intaloota biraas in godhate.

²⁷Barri Matusaalaan jiraate hundinuu waggaa dhibba sagalii fi jaatamii sagal ture, kana booddees in du'e.

²⁸Laamek dhalatee waggaa dhibbaa fi saddeettamii lamatti ilma dhalche;

²⁹Laamekis, ?Inni kun hojii isa nuyi lafa Waaqayyo abaare kana irratti hojjennu, isa nuyi harkaan itti dadhabnu kana keessatti nu jajjabeessa? jedhee, maqaa isaa ?Nohitti? moggaase; (?Nohi? jechuun; ?Jajjabeessaa? jechuu dha)*.

³⁰Nohi erga dhalatee booddee, Laamek waggaa dhibba shanii fi sagaltamii shan jiraatee, ilmaanii fi intaloota biraas in godhate;

³¹barri Laamek jiraate hundinuu waggaa dhibba torbaa fi torbaatamii torba ture, kana booddees in du'e.

³²Nohi dhalatee waggaa dhibba shanitti Seem, Kaamii fi Yaafetin dhalche.[31]