Read west central oromo Seera Uumamaa 9 Bible Online

Seera Uumamaa 9 - west central oromo bible

Seera Uumamaa 9

¹Waaqayyo Nohii fi ilmaan isaa in eebbise; inni isaaniin, ?Horaa, baay'adhaa, lafas guutaa*!

²Surraan keessan bineensa lafaa hundumaa, warra qilleensa keessa balali'an, waanuma lafa irra munyuuqu, qurxummii galaanaas hundumaa haa sodaachisu, haa naasisus! Isaan harka keessanitti kennamaniiru.

³Wanti jiraatee socho'u hundinuu nyaata isiniif haa ta'u! Akkuman biqila lalisaa isiniif kenne, isaan kana hundumaas isiniif kenneera*.

⁴Garuu foon lubbuun keessa jiru, kana jechuunis dhiigni isaa utuu keessa jiruu hin nyaatinaa*!

⁵Ani lubbuu keessan eeguudhaaf dhiiga keessan bineensa harkaa, nama harkaas nan barbaada; lubbuu namaa, harka nama akka isaatii keessaa nan barbaada*.

⁶Ani Waaqayyo nama akka bifa kootti waanan uumeef, namni dhiiga namaa dhangalaasu, dhiigni isaa harka namaatiin in dhangalaafama*.

⁷Isin immoo horaa, baay'adhaa, lafa guutaa, irratti baay'adhaas!? jedhe.[45]

⁸Waaqayyo kana booddees Nohiin, isaa wajjin kan turan, ilmaan isaatiinis,

⁹?Kunoo, ani isinii fi sanyii keessan warra isin booddee wajjin kakuu nan gala*;

¹⁰akkasumas uumama lubbuu qabaatee jiraatee isinii wajjin argamu hundumaa, simbira, allaattii, horii qe'ee, bineensa caakkaa isinii wajjin jiru hundumaa, hamma markabicha keessaa ba'an hundumaa wajjin kakuu nan gala*.

¹¹Si'achi deebi'ee foon kan uffate hundinuu bishaan badiisaatiin lafa irraa akka hin balleeffamneef, ani isinii wajjin kakuu galeera; si'achis lafa balleessuudhaaf lolaan akkasii deebi'ee hin lola'u? jedhe.[46]

¹²Waaqayyo, ?Kakuu ani ofii kootii isinii fi, uumama lubbuu qabaatee jiraatee isinii wajjin argamuuf, dhaloota dhufu hundumaafis dhaabe kanaaf milikkita nan kenna;

¹³ani sabbata koo duumessa keessa nan kaa'a, innis milikkita kakuu anaa fi biyya lafaa gidduutti ta'ee ti;

¹⁴yeroo ani, duumessi lafa irratti akka duumessaa'u godhee, sabbatichi immoo duumessoota keessaan mul'atu,

¹⁵yommus ani kakuu isa ani isinii fi, uumama lubbuu qabaatee foon uffatee jiraatu hundumaa wajjin gale nan yaadadha; waan foon uffate hundumaa balleessuudhaafis bishaan badiisaa deebi'ee hin ta'u*.

¹⁶Yeroo sabbatichi duumessoota keessa jirutti, ani isa ilaalee, kakuu bara baraa isa ana Waaqayyoo fi uumama lubbuu qabaatee, foon uffatee lafa irra jiraatu hundumaa gidduutti dhaabate nan yaadadha? jedhe.

¹⁷Waaqayyo yommus Nohiin, ?Milikkinni kakuu ani ofii koo fi waan foon uffatee lafa irra jiraatu hundumaa gidduutti dhaabe isa kana? jedhe.[47]

¹⁸Ilmaan Nohi warri markabicha keessaa ba'an, Seem, Kaamii fi Yaafet turan; Kaam abbaa Kana'aan ture*;

¹⁹isaan kun sadan ilmaan Nohi turan; namoonni isaan kana irraa argamanii guutummaa lafaa irra in tamsa'an.[48]

²⁰Nohi inni qottuun iddoo dhaabaa waynii hojjetachuuf isa jalqabaa ta'e;

²¹inni daadhii waynichaa irraa dhugee machaa'ee, qullaa isaa dunkaana isaa keessa in ciise;

²²Kaam abbaan Kana'aan immoo qullaa abbaa isaa argee, obboloota isaa lamaan warra bakkee turanitti in hime*.

²³Seemii fi Yaafet wayyaa fuudhanii gatiittii isaanii lamaan irra buufatanii, dugda duubaan adeemanii qullaa abbaa isaanii in dhoksan; fuulli isaanii irraa gara galee waan tureef, qullaa abbaa isaanii hin argine.

²⁴Nohi irraa machiin daadhii waynii isaatii erga galee booddee, waan ilmi isaa inni xinnaan isa irratti hojjete in bare;

²⁵kana irratti, ?Kana'aan abaaramaa haa ta'u, obboloota isaatiifis garba garbootaa haa ta'u!? jedhe.

²⁶Akkasumas, ?Waaqayyo gooftichi inni kan Seem haa jajamu! Kana'aan immoo garbicha Seem haa ta'u*!

²⁷Waaqayyo daarii Yaafet[49] haa bal'isu! Yaafet godoowwan Seem keessa haa jiraatu, Kana'aan immoo garbicha isaa haa ta'u!? jedhe.[50]

²⁸Bishaan badiisaa sun erga darbee booddee, Nohi waggaa dhibba sadii fi shantama jiraate;

²⁹barri Nohi jiraate hundinuu waggaa dhibba sagalii fi shantama ture, kana booddees in du'e.