Read west central oromo Macaafa Moototaa Isa Lammaffaa 1 Bible Online

Macaafa Moototaa Isa Lammaffaa 1 - west central oromo bible

Macaafa Moototaa Isa Lammaffaa 1

¹Ahaab mootiin Israa'el erga du'ee booddee, biyyi Mo'aab Israa'el irratti in ka'e*.

²Yeroo sanatti Ahaaziyaan mana isaa isa Samaariyaa keessaa hulaa kutaa manichaa isa ol aanu keessa ba'ee waan kufeef, miidhamee in ciisa ture; inni kana irratti, ?Dhaqaatii dhukkuba kanattii nan fayya yoon ta'e, Ba'aal Zebub Waaqayyo warra Eqroon anaaf gaafadhaa!? jedhee namoota in erge*.

³Ergamaan Waaqayyoo garuu, Eliyaas Tishbeetichaan, ?Ka'ii gara namoota mootiin Samaariyaa ergatetti ol ba'iitii, ?Biyya Israa'el keessa Waaqayyo hin jiru iyyuu Ba'aal Zebub Waaqayyo warra Eqroon gaafachuufii dhuftanii?? jedhiin*!

⁴Kanaaf Waaqayyo, ?Yaa Ahaaziyaa, ati dhugumaan in duuta malee, siree irra ciifte kana irraa hin kaatu!? jedha? jedhe; Eliyaasis in dhaqe.

⁵Namoonni ergaman sun gara mootichaatti in deebi'an; inni immoo, ?Maaliif deebitanii dhuftan?? jedhee isaan in gaafate.

⁶Yommus isaan deebisanii, ?Nama tokkotu karaatti nutti dhufee gara kee gara mooticha isa nu ergetti deebinee, Waaqayyo, ?Ba'aal Zebub Waaqayyo warra Eqroon gaafatachuuf kan ati ergitu ana Waaqayyotu Israa'el keessa hin jiru moo? Egaa ati dhugumaan in duuta malee, siree irra ciifte kana irraa hin kaatu? siin jechuu isaa akka nuyi sitti himnuuf nu deebise? jedhan.

⁷Mootichis, ?Namichi karaatti isinitti dhufee, kana isinitti dubbate nama attamii ture?? jedhee isaan gaafate.

⁸Isaan immoo deebisaniifii, ?Nama uffata rifensa'aa uffate, mudhii isaas teephaan hidhate tokko ture? jedhan; mootichis, ?Innoo, Eliyaas Tishbeeticha!? jedhe*.

⁹Achumaan mootichi, angafa shantamaa loltoota isaa shantammanii wajjin Eliyaasitti in erge; Eliyaas roggee tulluu irra taa'ee utuu jiruu angafichi gara isaa dhaqee, ?Yaa nama Waaqayyo! Mootiin, ?Kottu gad bu'i!? siin jedha? jedheen.

¹⁰Eliyaas garuu angafa shantamaa sanaaf deebisee, ?Yoo ani nama Waaqayyo ta'eef, ibiddi waaqa irraa gad bu'ee, sii fi loltoota kee shantamman xaph haa godhu!? jedhe; kana irratti ibiddi waaqa irraa gad bu'ee, isa, loltoota isaa shantammanis xaph in godhe*.

¹¹Ammas mootichi, angafa shantamaa kan biraa loltoota isaa shantammanii wajjin Eliyaasitti in erge; innis ol ba'ee Eliyaasiin, ?Yaa nama Waaqayyo! Mootiin, ?Dafii kottuu gad bu'i!? siin jedha? jedheen.

¹²Eliyaas garuu deebiseefii, ?Yoo ani nama Waaqayyoo ta'eef, ibiddi waaqa irraa gad bu'ee, sii fi loltoota kee shantamman xaph haa godhu!? jedhe; yommusuma ibiddi Waaqayyoo waaqa irraa gad bu'ee, isa, loltoota isaa shantammanis xaph in godhe*.

¹³Ammas mootichi, angafa shantamaa isa sadaffaa loltoota isaa shantammanii wajjin in erge; angafni shantamaa inni sadaffaan kun ol ba'ee, Eliyaas duratti jilba isaatiin jilbeenfatee, ?Yaa nama Waaqayyo! Lubbuun koo fi lubbuun garboota kee shantamman kanaa si duratti gati-jabeessa akka ta'uuf sin kadhadha.

¹⁴Kunoo, ibiddi waaqa irraa bu'ee angafoota shantamaa warra duraa lamaan loltoota isaanii hundumaa wajjin xaph godheera; amma garuu lubbuun koo si duratti gati-jabeessa haa ta'u!? jedhe.

¹⁵Yommus ergamaan Waaqayyoo Eliyaasiin, ?Hin sodaatiniitii isaa wajjin gad bu'i!? jedhe; Eliyaasis ka'ee isaa wajjin gad bu'ee gara mootichaa dhaqee,

¹⁶?Waaqayyo, ?Akka ana gaafatattuuf ana Waaqayyotu Israa'el keessa hin jiru iyyuu, Ba'aal Zebub Waaqayyo warra Eqroon gaafatachuuf namoota ergitee? Ati kana waan gooteef dhugumaan in duuta malee, siree irra ciifte kana irraa hin kaatu!? siin jedha? jedheen.

¹⁷Akkuma dubbii Waaqayyoo isa Eliyaas dubbatetti, Ahaaziyaan mootichi in du'e; mootichi ilma hin qabu waan tureef, Yoraam obboleessi isaa mootii ta'ee iddoo isaa in bu'e; kunis Yoraam ilmi Yoshaafaax mootii Yihudaa mo'ee waggaa lammaffaa isaatti ta'e*.

¹⁸Waa'een Ahaaziyaa inni hafe, wanti inni hojjetes macaafa seenaa mootota Israa'el keessatti caafameera mitii ree?