Read west central oromo Macaafa Seenaa Baraa Isa Duraa 26 Bible Online

Macaafa Seenaa Baraa Isa Duraa 26 - west central oromo bible

Macaafa Seenaa Baraa Isa Duraa 26

¹Warri karrawwan mana qulqullummaa eegan immoo akka kanatti fufee jirutti in hirmaman; Qoraahota keessaa, Meshelemiyaa ilma Qoree ti; inni immoo ilmaan Asaaf keessaa tokko ture*.

²Meshelemiyaan ilmaan torba qaba ture; inni duraa Zakaariyaas, inni lammaffaan Yidiiya'el, inni sadaffaan Zabaadiyaa, inni afuraffaan Yatnii'el,

³inni shanaffaan Elaam, inni ja'affaan Yihohaanaan, inni torbaffaan immoo Elyo'enaayi.

⁴Obed-Edoom ilmaan saddeet qaba ture; inni duraa Shemaa'iyaa dha, inni lammaffaan Yihozaabaad, inni sadaffaan Yo'aa, inni afuraffaan Saakaar, inni shanaffaan Netaani'el,

⁵inni ja'affaan Amii'el, inni torbaffaan Yisaakor, inni saddeettaffaan immoo Phe'ultaayi; kanaanis Waaqayyo isa in eebbise*.[85]

⁶Shemaa'iyaan ilmi isaa inni angafni ilmaan ja'a in godhate; ilmaan isaa kun immoo loltoota jajjaboo waan turaniif, mana mana abbaa isaaniitti dura-buutota in ta'an.

⁷Maqaan isaanii kanatti fufee kan jiruu dha; isaanis, Otnii, Refaa'el, Obed, Elzaabaad, Eliihuu fi Semaakiyaa dha; obbolaan Elzaabaad Eliihuunii fi Semaakiyaan jagnoota beekamoo turan.

⁸Isaan kun hundinuu sanyii Obed-Edoom; isaan, ilmaan isaanii fi aantiin isaanii hundinuu beekamoo, hojichaafis humna-qabeeyyii turan; sanyiin isaa walumatti namoota jaatamii lama.

⁹Meshelaam ilmaanii fi aantii beekamoo kudha saddeet qaba ture.

¹⁰Sanyii Meraarii keessaa, Hosaan ilmaan afur qaba ture; isaan keessaa Shiimriin dura-bu'aa dha; inni angafa hin turre, garuu abbaa isaatu dura-buutuu akka inni ta'u godhe.

¹¹Inni lammaffaan Hilqiiyaa dha, inni sadaffaan Xabaliyaa, inni afuraffaan Zakaariyaas; ilmaan Hosaa fi aantiin isaa walumatti namoota kudha sadii turan.

¹²Karra eegdonni kun akkuma Lewwoota warra mana qulqullummaa keessaa hojjetaniitti, hojii ofii isaaniitti gaafatamuudhaaf kutata warra mana mana abbaa isaaniitti dura-buutota ta'aniitti hirmamaniiru.

¹³Jaarsa, ijoollee dha utuu hin jedhin, akka mana mana abbaa isaaniitti karra isa kam akka eegan buufata mukaatiin in fudhatan.

¹⁴Buufanni mukaa sunis Shelemiyaadhaaf karra isa gara ba'a-biiftuu, Zakaariyaas ilma isaa isa nama gorsuudhaaf hubataa ta'e sanaaf immoo karra isa gara bitaa,

¹⁵Obed-Edoomiif karra isa gara mirgaa, ilmaan isaatiif immoo mana mi'aa,

¹⁶Shuphiimii fi Hosaaf karra isa gara lixa-biiftuu fi karra isa karra ?Sheleket? jedhamu in baase; karri Sheleket kun isa karaa ol ba'u bukkeetti argamuu dha; warri eeganis darabee darabeedhaan in eegu turan.

¹⁷Guyyaa guyyaatti kan eegan karaa karra gara ba'a-biiftuu Lewwoota ja'a, karaa karra gara bitaa afur, karaa karra gara mirgaa afur turan; mana mi'aa garuu lama lama ta'anii in eegu turan.

¹⁸Cinaacha gara lixa-biiftuutiin karaa isa ijaarsa akka gardaafoo bukkeedhaan ol ba'u irra nama afur, ijaarsicha immoo nama lama ta'anii in eegu turan.

¹⁹Sanyii Qoraahii fi Meraarii keessaa kutanni karra eegdotaa isaan kana turan.

²⁰Lewwoota warra hafan keessaa namoonni qabeenya mana qulqullummaaf kennaa addaan baafamee Waaqayyoof dhi'eeffametti gaafataman jiru turan.

²¹Sanyii Gershoon keessaa, ilmaan La'adaan warri maatii qomoo La'adaan Gershoonichaa keessatti dura-buutota ta'an kanatti fufanii jiru; isaanis, Yehii'elii fi ilmaan isaa ti.

²²Ilmaan Yehii'elii, Zetaamii fi Yo'el obboleessa isaa warra qabeenya mana qulqullummaatti gaafatamoo turanii dha*.[86]

²³Sanyii Amraam, sanyii Yizhaar, sanyii Kebroonii fi sanyii Uzii'el keessaa namoonni hojii kana irra dhaabamaniiru.

²⁴Sanyii Gershoom ilma Musee keessaa Shubaa'el itti gaafatamaa qabeenya mana qulqullummaa ture.

²⁵Karaa Elii'ezer aantii isaatii Shelomiit Ziikrii, Ziikrii Yoraam, Yoraam Yishaa'iyaa, Yishaa'iyaa Rehaabiyaa, Rehaabiyaa Elii'ezer aantii isaa ture.

²⁶Shelomiit kunii fi aantiiwwan isaa mi'a Daawit mootichi, dura-buutuun qomoo, ajajjuuwwan kumaa, ajajjuuwwan dhibbaa fi abboonni humna waraanaa Waaqayyoof addaan baasan hundumaatti gaafatamoo turan.

²⁷Isaan mi'a yeroo duulaa saamame irraa, mana qulqullummaa ittiin haaressuudhaaf addaan in baasan.

²⁸Kanaaf mi'i garaa garaa hundinuu, mi'a Saamu'el ilaaltichi, Saa'ol ilmi Qiish, Abneer ilmi Neerii fi Yo'aab inni Zeruyaan deesse hojii mana qulqullummaatiif addaan baasan eegumsa Shelomiitii fi aantii isaa jala turan.

²⁹Sanyii Yizhaar keessaa, Kenaanyaa fi ilmaan isaa immoo hojii mana qulqullummaa keessaa utuu hin ta'in, namoota Israa'el akka gamteessaniif, firdiis akka kennaniif hojii irra in dhaabaman.

³⁰Sanyii Kebroon keessaa, Hashabiiyaa fi aantiin isaa namoonni kumni tokkoo fi dhibbi torba hojii Waaqayyoo hundumaa fi hojii mootii hojjechuu kan danda'an, kutaa biyya Israa'el isa laga Yordaanos irraa gara lixa-biiftuu jiru irratti aboo in argatan.

³¹Akka hidda dhaloota maatii isaaniitti sanyii Kebroon keessaa, Yeriiyaan dura-buutuu ture; Daawit mo'ee waggaa afurtammaffaa isaatti qorannaan yommuu godhame sanyii Kebroon keessaa loltoonni jajjaboonni biyya Giil'aad mandara Yaazer keessatti in argaman.

³²Daawit mootichi hojii isaanitti kenname hojjechuu kan danda'an, mana mana abbaa isaaniitti dura-bu'oo kan ta'an, aantii Yeriiyaa keessaa namoota kuma lamaa fi dhibba torba hojii irra in dhaabe; jarreen kun kutaa biyya Ruuben, kutaa biyya Gaadii fi walakkaa gosa Minaasee keessatti hojii Waaqayyoof hojii mootii akka hojjetaniif aboo in argatan.