Read west central oromo Macaafa Seenaa Baraa Isa Duraa 9 Bible Online

Macaafa Seenaa Baraa Isa Duraa 9 - west central oromo bible

Macaafa Seenaa Baraa Isa Duraa 9

¹Israa'eloonni hundinuu akka toora hidda dhaloota isaaniitti macaafa mootota Israa'el keessatti in caafaman; namoonni Yihudaa sababii irra-daddarbaa isaaniitiif booji'amanii biyya Baabilonitti in geeffaman*.

²Warri jalqaba lafa dhaala isaaniitti, mandaroota isaaniittis deebi'anii galan, Israa'eloota warra kaan, luboota, Lewwootaa fi hojjetoota mana qulqullummaa keessaa turan.

³Sanyii Yihudaa keessaa, sanyii Benyaamiin keessaa, sanyii Efreem keessaa fi sanyii Minaasee keessaa warri Yerusaalem keessa jiraatan immoo kanatti aananii jiru;

⁴Utaayi ilma Amiihud, ilma Omrii, ilma Iimrii, ilma Baanii sanyii Faares ilma Yihudaa ti.

⁵Sanyii Shiiloon keessaa immoo Asaayaa ilma isaa isa angafaa fi ilmaan isaa ti.

⁶Sanyii ilmaan Zeraa keessaa, Yeu'elii fi obboloonni isaanii namoota dhibba ja'aa fi sagaltama turan.[39]

⁷Sanyii Benyaamiin keessaa, Sa'aaluu ilma Meshulaam, ilma Hodaawiyaa, ilma Hasenu'aa,

⁸Yiibneyaa ilma Yerohaam, Elaa ilma Uzii, ilma Miikrii, Meshulaam ilma Shefaaxiyaa, ilma Reu'el, ilma Yiibniyaa ti.

⁹Obboloonni isaaniis akka caaffata hidda dhaloota isaaniitti dhibba sagalii fi shantamii ja'a; isaan kun hundinuu mana mana abbaa isaaniitti dura-buutota qomoo turan.

¹⁰Luboota keessaa immoo Yedaa'iyaa, Yoyaariib, Yaakiin,

¹¹Azaariyaa ilma Hiilqiiyaa, ilma Meshulaam, ilma Zaadoq, ilma Meraayoot, ilma Ahiixub isa itti gaafatamaa hojii mana qulqullummaa keessaa*,

¹²Adaayaa ilma Yerohaam, ilma Phashhur, ilma Malkiiyaa akkasumas Ma'asaayi ilma Adii'el, ilma Yaahizeraa, ilma Meshulaam, ilma Meshiilemiit, ilma Iimer turan.

¹³Obboloonni isaaniis mana mana abbaa isaaniitti dura-buutota kan ta'an, namoota kuma tokkoo fi dhibba torbaa fi jaatama; isaan kun hojii mana qulqullummaa keessaa hojjechuu kan danda'an turan.[40]

¹⁴Lewwoota keessaa, Shemaa'iyaa ilma Hashub, ilma Azriiqaam, ilma Hashabiyaa isa Meraarichaa ti;

¹⁵Baqbaqar, Heresh, Gaalaal, Mataaniyaa ilma Miikaa, ilma Ziikrii, ilma Asaaf,

¹⁶Obaadiyaa ilma Shemaa'iyaa, ilma Gaalaal, ilma Yedutuun, Berekiiyaa ilma Aasaa, ilma Elqaanaa isa gandeen Netofaatotaa keessa jiraate turan.

¹⁷Warri karra-eegdonni, Shaalum, Aquub, Talmoon, Ahimaanii fi obboloota isaanii tis; Shaalum dura-butuu isaanii ture.

¹⁸Isaan kun hamma har'aatti iyyuu eegdota karra isa mootiin ittiin ol galu isa gara ba'a-biiftuu ti; buufata ilmaan Lewwii keessaa karra-eegdonni isaan kana turan.

¹⁹Akkuma abboonni isaanii balbala dunkaana wal ga'ii eeguutti gaafatamoo turan, Shaalum ilmi Qoree, ilmi Ebiyaasaaf, ilmi Qoraahii fi obboloonni isaa Qoraahonni mana abbaa isaatii keessaa, hojii mana qulqullummaa keessatti hojjetamuutti gaafatamoo turan.

²⁰Fiinehaas ilmi Ele'azaar dur bulchaa karra-eegdotaa ti, Waaqayyos isaa wajjin ture.

²¹Zakaariyaas ilmi Meshelemiyaa balbala dunkaana itti wal ga'anii in eega ture.

²²Warri balbala duraan karra eeguudhaaf fo'aman walumatti dhibba lamaa fi kudha lama; isaan akka akka hidda dhaloota isaaniitti gandeen isaanii keessatti in caafaman; isaan kun warra Daawitiif Saamu'el ilaaltichi hojii hojii isaanii irra dhaabanii dha.

²³Akkuma dur sanyiin isaanii karra dunkaana isa qulqullaa'aa eeguutti gaafatamoo turan, warri hojii irra dhaabaman kunis karra mana qulqullummaa eeguutti gaafatamoo dha.

²⁴Karaa qixa arfanuutiin karaa ba'a-biiftuu, karaa lixa-biiftuu, karaa bitaa fi karaa mirgaatiin namoonni karra eegan itti godhamanii turan.

²⁵Aantiin isaanii warri gandeen keessa jiraatanis yeroo yerootti dhufanii guyyaa torbaaf isaanii wajjin in eegu turan.

²⁶Lewwoonni warri angafoonni karra-eegdotaa arfan, kutaawwan mana qulqullummaa fi iddoo mi'i mana qulqullummaa kaa'amu amanamummaadhaan eeguudhaaf itti gaafatamu turan.

²⁷Isaan kun mana qulqullummaa eeguun, ganama ganamas karra isaa banuun itti gaafatama isaanii waan ta'eef, naannoo manichaa in jiraatu turan.

²⁸Isaan keessaa kaan mi'a mana qulqullummaa keessatti ittiin hojjetamu lakkaa'anii baasuu fi lakkaa'anii galchuutti kan gaafataman turan.

²⁹Isaan keessaa warri kaan immoo qodaa, mi'a qulqullaa'aa hundumaa irratti, daakuu qamadii isa ba'eessa, daadhii waynii, dhadhaa ejersaa, ixaanaa fi urgooftuuwwan irratti gaafatamoo turan.

³⁰Ilmaan lubootaa keessaa kaan urgooftuuwwan sana waliin makanii kan qopheessanii dha.

³¹Lewwoota keessaa ?Matiitiyaa? kan jedhamu ilmi Shaalum Qoraahichaa inni angafni, amanamaa waan ta'eef, buddeena aarsaadhaaf dhi'aatu tolchisiisuu irratti gaafatamaa ture.

³²Lammii isaanii Qehaatota keessaa immoo kaan buddeena ilaalchaa Sanbatuma Sanbatatti qopheessuudhaaf itti gaafatamoo dha.

³³Faarfatoonni qomoo Lewwii keessaa mana mana abbaa isaaniitti dura-buutota ta'an immoo, kutaawwan mana qulqullummaa keessa kan taa'an, hojjicha irratti halkanii fi guyyaa in gaafatamu waan turaniif, hojii biraatti hin waamaman.

³⁴Isaan kun hundinuu qomoo Lewwii keessaa dura-buutota mana mana abbaa isaanii warra hidda dhaloota isaanii keessatti caafamanii, Yerusaalem keessa jiraatan turan.

³⁵Yei'el mandara Giibe'on ijaaree achuma in jiraate; maqaan haadha manaa isaa Ma'akaa dha.

³⁶Ilmaan isaa immoo inni angafni Abdoon, itti aane immoo Zuur, Qiish, Ba'aal, Neer, Naadaab,

³⁷Gedoor, Ahiiyoo, Zakaariyaas, Miiklot;

³⁸Miiklot, Shime'aamin dhalche; isaan kunis lammii isaanii wajjin Yerusaalem keessa in jiraatan.

³⁹Neer, Qiishin dhalche; Qiish, Saa'olin dhalche; Saa'ol, Yonaataanin, Malkiishuwaa, Abinaadaabii fi Esh-Ba'aalin in dhalche.

⁴⁰Ilmi Yonaataan Meriib-Ba'aal; Meriib-Ba'aal immoo Miikaa dhalche.

⁴¹Ilmaan Miikaa Phiiton, Melek, Taare'aa fi Ahaaz.

⁴²Ahaaz, Yaaraa dhalche; Yaaraan Alemet, Azmaawetii fi Ziimrii dhalche; Ziimriin immoo Mozaa dhalche.

⁴³Mozaan, Biine'aa dhalche; Biine'aan, Refaayaa dhalche; Refaayaan, El'aasaa dhalche; El'aasaan, Azeelin dhalche;

⁴⁴Azeel ilmaan ja'a in godhate; maqaan isaaniis Azriiqaam, Bokeruu, Ishmaa'el, She'ariyaa, Obaadiyaa fi Haanaan ture; ilmaan Azeel isaan kana turan.