Read west central oromo Macaafa Izraa 10 Bible Online

Macaafa Izraa 10 - west central oromo bible

Macaafa Izraa 10

¹Izraan balbala mana qulqullummaa duratti gad gombifamee, boo'aa, kadhachaa, cubbuus himachaa utuu jiruu, Israa'el keessaa dhiirri, dubartiin, ijoolleenis tuuti sonaan baay'een, isa biratti walitti qabamanii, hirqinfatanii in boo'an.

²Qomoo Elaam keessaa Shekaaniyaan ilmi Yehii'el deebisee Izraadhaan, ?Nuyi saba biyyichaa keessaa intaloota ormaa fuudhuun keenya Waaqayyo keenya duratti cubbuu hojjenneerra; kana keessaa immoo Israa'elootaaf amma iyyuu abdiin jira*.

³Egaa kottaa akka gorsa gooftaa kootii fi akka gorsa warra abboommii Waaqayyo keenyaa sodaataniitti dubartoota kana ijoollee isaan da'anii wajjin of biraa in adeemsifna; kunis seeraan haa ta'u!

⁴Kun si harka jira; nuyis sii wajjin jirra, ka'i, jabaadhuu hojjedhu!? jedhe.

⁵Yommus Izraan ka'ee akka dubbii kanaatti akka hojjetaniif luboota warra geggeessitoota, Lewwootaa fi namoota Israa'el warra kaan guutummaatti in kaksiise; isaanis in kakatan.[39]

⁶Kana booddee Izraan balbala mana qulqullummaa duraa ka'ee, gara kutaa manaa isa Yehohaanaan ilmi Eliyaashiib keessa taa'u in dhaqe; sababii amanamummaa dhabuu warra booji'amanii turaniif gadda irraa kan ka'e midhaan utuu hin nyaatin, bishaanis utuu hin dhugin achi in bule.

⁷Kana booddee warri iddoo itti booji'amanii deebi'an hundinuu Yerusaalemitti akka walitti qabamaniif, kutaa biyya Yihudaa fi Yerusaalem keessatti labsiin in labsame.

⁸Namni guyyaa sadii keessatti achitti hin argamin hafe immoo, murtoo geggeessitoonnii fi jaarsoliin kennaniin, wanti inni qabu hundinuu sarbamee, ofii isaatiis waldaa warra biyya itti booji'amanii deebi'anii keessaa in baafama.

⁹Guyyaa sadan sana keessatti namoonni Yihudaa fi namoonni Benyaamiin Yerusaalemitti walitti in qabaman; ji'a salgaffaatti, ji'ichattiis gaafa guyyaa digdammaffaa namoonni hundinuu dhufanii oobdii mana qulqullummaa keessa in taa'an; dubbiin kunii fi bokkaan yandoon yeroo sana roobee isaan in rom'isiise.

¹⁰Yommus Izraan lubichi ka'ee jaraan, ?Isin hin amanamne, intaloota ormaa fuudhuun keessan yakka Israa'el irratti yakka dabaltaniittu;

¹¹amma Waaqayyo gooftaa abboota keessaniitti cubbuu keessan himadhaa, wanta isatti tolu godhaa! Saba naannoo keessan jiranii fi dubartoota warra ormaa keessaa fuutan ofittii gargar baasaa!? jedhe.

¹²Kana irratti guutummaan waldichaa deebisee sagalee guddaadhaan, ?Dubbiin kun dhugaa dha! Amma immoo wanta ati jette gochuun nuuf in ta'a.

¹³Garuu nuyi namoota baay'ee dha, yeroon isaas yeroo bokkaa yandoo waan ta'eef, ala dhaabachuu hin dandeenyu; kanuma irratti iyyuu immoo nuyi yakka guddaa yakkine; dubbichis guyyaa tokko yookiis guyyaa lamatti kan raawwatu miti.

¹⁴Kanaafis hamma dubbiin kun iddoo ga'utti geggeessitoonni keenya dubbii kana irra haa turan! Dheekkamsi Waaqayyoo inni boba'aan waa'ee dubbichaaf nutti dhufe kun hamma nu irraa deebi'utti, warri intaloota ormaa fuudhan hundinuu jaarsolii fi abboota firdii mandara mandara isaanii wajjin yeroo dhaabataatti haa dhufan!? jedhan.

¹⁵Yonaataan ilma Asaahelii fi Yahaaziiyaa ilma Tiiqiwaa duwwaatu dubbichaan morme; Meshulaamii fi Shaabetaayi Lewwichis immoo yaada isaanii in fudhatan.

¹⁶Yeroo sanatti warri biyya itti booji'amanii deebi'anis akkuma yaada dhi'aatetti in raawwatan; Izraan lubichi akka mana mana abbaa isaaniitti dura-buutota qomoo in fo'ate; addaan isaan baasees maqaa maqaa isaanii in caafate; isaan immoo ji'a kurnafaatti, ji'ichattiis guyyaa duraatti taa'anii dubbicha qorachuu in jalqaban.

¹⁷Ji'a jalqabaatti, ji'ichattiis guyyaa tokkoffaatti waa'ee namoota warra intaloota ormaa fuudhanii qoratanii in raawwatan.

¹⁸Gosa lubootaa keessaa intaloota ormaa kan fuudhan kanatti aananii jiru; ilmaan Iyaasuu ilma Yozaadaaqii fi obboloota isaa keessaa Ma'aseyaa, Elii'ezer, Yaariibii fi Gedaaliyaa dha.

¹⁹Isaan hundinuu dubartoota isaanii kana akka gad dhiisaniif kakatanii waliif in galan; sababii yakka isaaniif tokkon tokkon isaanii aarsaa sababii yakkaatiif dhi'aatuuf bushaayee keessaa korbeessa hoolaa tokko tokko in dhi'eessan.

²⁰Ilmaan Iimer keessaa, Haanaanii fi Zebaadiyaa dha.

²¹Ilmaan Haariim keessaa, Ma'aseyaa, Eliyaas, Shemaa'iyaa, Yehii'elii fi Uziyaa dha.

²²Ilmaan Phaashhur keessaa, Elyo'enaayi, Ma'aseyaa, Ishmaa'el, Nataani'el, Yozaabaadii fi El'aasaa dha.

²³Lewwoota keessaa immoo, Yozaabaad, Shime'ii, Qelaayaa innis Qeliixaa dha, Phetaahiyaa, Yihudaa fi Elii'ezer.

²⁴Faarfatoota keessaa, Eliyaashiib, karra eegdota keessaa, Shaalum, Xelemii fi Urii dha.

²⁵Israa'eloonni warri kaan kanatti fufanii jiru; isaanis immoo ilmaan Faarosh keessaa, Ramiiyaa, Yiziiyaa, Malkiiyaa, Miiyaamiin, El'aazaar, Malkiiyaa fi Benaayaa dha.

²⁶Ilmaan Elaam keessaa, Mataniyaa, Zakaariyaas, Yehii'el, Abdii, Yeremootii fi Eliyaas.

²⁷Ilmaan Zaatuu keessaa, Elyo'enaayi, Eliyaashiib, Mataniyaa, Yeremoot, Zaabaadii fi Aziizaa dha.

²⁸Ilmaan Bebaayi keessaa, Yehohaanaan, Haanaaniyaa, Zaabayii fi Aatilaayi.

²⁹Ilmaan Baanii keessaa, Meshulaam, Maluuk, Adaayaa, Yaashub, Shi'eelii fi Yiremoot.

³⁰Ilmaan Fa'aat Mo'aab keessaa, Adnaayi, Kilaal, Benaayaa, Ma'aseyaa, Mataniyaa, Bezaali'el, Binuyii fi Minaasee dha.

³¹Ilmaan Haariim keessaa, Elii'ezer, Yishiiyaa, Malkiiyaa, Shemaa'iyaa, Shimi'oon,

³²Benyaamiin, Maluukii fi Shemaariyaa dha.

³³Ilmaan Hashum keessaa, Matenayi, Mataataa, Zaabaad, Eliifelex, Yeremaayi, Minaasee fi Shime'ii dha.

³⁴Ilmaan Baanii keessaa, Ma'aadaayi, Amraamii, U'el,

³⁵Benaayaa, Bedeyaa, Keluhii,

³⁶Waanyaa, Meremoot, Eliyaashiib,

³⁷Mataniyaa, Matenayii fi Yaa'asaawuu dha.

³⁸Ilmaan Binuyi keessaa, Shime'ii,

³⁹Shelemiyaa, Naataan, Adaayaa,

⁴⁰Maknadebaayi, Shaashaayi, Shaaraayi,

⁴¹Azaari'el, Shelemiyaa, Shemaariyaa,

⁴²Shaalum, Amaariyaa fi Yoseef.

⁴³Ilmaan Neboo keessaa, Yi'ii'el, Matiitiyaa, Zaabaad, Zebiinaa, Yaadaayi, Yo'elii fi Benaayaa dha.

⁴⁴Namoonni kun hundinuu warra intaloota ormaa fuudhanii dha; dubartoota kana keessaas kaan ilmaan horaniiruuf.