Read west central oromo Macaafa Izraa 2 Bible Online

Macaafa Izraa 2 - west central oromo bible

Macaafa Izraa 2

¹Namoonni warri Nebukadnezaar mootiin Baabilon kutaa biyya Yihudaa keessaa booji'ee biyya Baabilonitti geessee turee, amma immoo iddoo itti booji'aman sanaa deebi'an kanatti aananii kan jiranii dha; isaan deebi'anii gara Yerusaalemii fi Yihudaa dhufanii, adduma addaan gara mandara mandara isaaniitti in galan.

²Geggeessitoonni isaanii Zarubaabel, Iyaasuu, Nahimiiyaa, Seraayaa, Re'elaayaa, Mordekaayi, Biilshaan, Miisphaar, Biigwaayi, Rehuumii fi Ba'anaa turan*.[3]

³Lakkoobsi namoota Israa'el kanatti fufee kan jiruu dha; gosi Faarosh kuma lamaa fi dhibba tokkoo fi torbaatamii lama;

⁴gosi Shefaaxiyaa dhibba sadii fi torbaatamii lama;

⁵gosi Araa dhibba torbaa fi torbaatamii shan;

⁶gosi Fahat Mo'aab isaanis gosa Iyaasuu fi Yo'aab keessaa kuma lamaa fi dhibba saddeetii fi kudha lama;

⁷gosi Elaam kuma tokkoo fi dhibba lamaa fi shantamii afur;

⁸gosi Zaatuu dhibba sagalii fi afurtamii shan;

⁹gosi Zakaayi dhibba torbaa fi jaatama;

¹⁰gosi Baanii dhibba ja'aa fi afurtamii lama;

¹¹gosi Bebaayi dhibba ja'aa fi digdamii sadii;

¹²gosi Azigaad kuma tokkoo fi dhibba lamaa fi digdamii lama;

¹³gosi Adoniiqaam dhibba ja'aa fi jaatamii ja'a;

¹⁴gosi Biigwaayi kuma lamaa fi shantamii ja'a;

¹⁵gosi Aadiin dhibba afurii fi shantamii afur;

¹⁶gosi Ateer sanyii Hisqiyaas keessaa sagaltamii saddeet;

¹⁷gosi Bezaayi dhibba sadii fi digdamii sadii;

¹⁸gosi Yoraa dhibba tokkoo fi kudha lama;

¹⁹gosi Hashuum dhibba lamaa fi digdamii sadii;

²⁰gosi Gibaar sagaltamii shan.

²¹Gosi warra Betlihem dhibba tokkoo fi digdamii sadii;

²²warri Netofaa shantamii ja'a;

²³namoonni Anaatot dhibba tokkoo fi digdamii saddeet;

²⁴gosi Azmaawet afurtamii lama;

²⁵gosi Kiriiyat-Ya'ariim Kefiiraa fi Be'erot dhibba torbaa fi afurtamii sadii;

²⁶gosi Raamaa fi Gebaa dhibba ja'aa fi digdamii tokko;

²⁷namoonni Miikmaash dhibba tokkoo fi digdamii lama;

²⁸namoonni Bet'elii fi Aayi dhibba lamaa fi digdamii sadii;

²⁹namoonni Neboo shantamii lama;

³⁰namoonni Magbiish dhibba tokkoo fi shantamii ja'a;

³¹gosi Elaam garri kaan kuma tokkoo fi dhibba lamaa fi shantamii afur;

³²gosi Haariim dhibba sadii fi digdama;

³³gosi Lod, Haadiidii fi Onoo dhibba torbaa fi digdamii shan;

³⁴gosi warra Yerikoo dhibba sadii fi afurtamii shan;

³⁵gosi Senaa kuma sadii fi dhibba ja'aa fi soddoma.

³⁶Luboonni immoo, gosa Yedaa'iyaa keessaa maatiin Iyaasuu dhibba sagaliif torbaatamii sadii;

³⁷gosi Iimer kuma tokkoo fi shantamii lama;

³⁸gosi Phaashhur kuma tokkoo fi dhibba lamaa fi afurtamii torba;

³⁹gosi Haariim kuma tokkoo fi kudha torba.

⁴⁰Lewwoonni immoo, gosi Iyaasuu fi Qadmii'el warri gosa Hodaawiiyaa keessaa torbaatamii afur*.[4]

⁴¹Faarfatoonni immoo, gosi Asaaf dhibba tokkoo fi digdamii saddeet.

⁴²Karra eegdonni immoo, gosi Shaalum, gosi Ateer, gosi Xalmoon, gosi Aquub, gosi Haxiixaa fi gosi Shobaayi walumatti dhibba tokkoo fi soddomii sagal.

⁴³Warra mana qulqullummaa keessaa hojjetan keessaa immoo, gosa Siihaa, gosa Hasufaa, gosa Xabaa'ot*,

⁴⁴gosa Qeros, gosa Sii'ehaa, gosa Faadon,

⁴⁵gosa Lebaanaa, gosa Hagaabaa, gosa Aquub,

⁴⁶gosa Hagaab, gosa Shamlaayi, gosa Haanaan,

⁴⁷gosa Giidel, gosa Gahar, gosa Re'aayaa,

⁴⁸gosa Resiin, gosa Neqodaa, gosa Gazaam,

⁴⁹gosa Uzaa, gosa Faasehaa, gosa Besaayi,

⁵⁰gosa Asinaa, gosa Me'unootaa, gosa Nefusiim,

⁵¹gosa Baqbuq, gosa Haqufaa, gosa Harhur,

⁵²gosa Baslut, gosa Mehiidaa, gosa Harishaa,

⁵³gosa Barqos, gosa Siiseraa, gosa Taamaa,

⁵⁴gosa Nesiiyaa fi gosa Haxiifaat.[5]

⁵⁵Gosa hojjetoota Solomoon keessaa immoo, gosa Soxaayi, gosa Hasoferet, gosa Farudaa*,

⁵⁶gosa Ya'alaa, gosa Daarqon, gosa Giidel,

⁵⁷gosa Shefaaxiyaa, gosa Haxiil, gosa Fokeret, gosa Hasbaayimii fi gosa Amiit;

⁵⁸hojjetoonni mana qulqullummaa fi gosi hojjetoota Solomoon walumatti dhibba sadii fi sagaltamii lama.

⁵⁹Warri mandara Tel-Melaatii, mandara Tel-Haareshaatii, mandara Keruubii, mandara Adaanii fi mandara Iimerii ba'anii dhufanii sanyiin isaanii yookiis qomoon isaanii Israa'el ta'ee fi hin taanee isaa waan ittiin amansiisan dhaban, kanatti fufanii kan jiranii dha.

⁶⁰Isaanis gosa Delaayaa, gosa Xobiiyaa fi gosa Neqodaa ti; lakkoobsi isaaniis dhibba ja'aa fi shantamii lama.[6]

⁶¹Luboota keessaa immoo, gosa Habaayaa, gosa Haqozii fi gosa Barziilaayi isa intala Barziilaayi Giil'aadichaa fuudhee maqaa kanaan waamamee dha.

⁶²Isaan kun warra akka hidda dhaloota isaaniitti caafaman keessaa maqaan sanyii isaanii waan dhabameef akka xuraa'ootti lakkaa'amanii hojii lubummaa keessaa in baafaman*.

⁶³Kana irratti bulchaan biyyichaa, ?Hamma lubni Uriimii fi Tumiimin fuudhee ittiin gargar baasee gaafatu argamutti, nyaata hundumaa caalaa qullaa'aa ta'e hin nyaatinaa!? jedhee isaan in abboome*.[7]

⁶⁴Lakkoobsi warra biyya itti booji'amanii deebi'anii guutummaatti kuma afurtamii lamaa fi dhibba sadii fi jaatama.

⁶⁵Kana biratti immoo lakkoobsi hojjetoota isaanii dhiironnii fi dubartoonni kuma torbaa fi dhibba sadii fi soddomii torba; akkasumas faarfatoota dhiirotaa fi dubartoota dhibba lama qabu turan.

⁶⁶Fardeen isaanii dhibba torbaa fi soddomii ja'a, gaangoliin isaanii dhibba lamaa fi afurtamii shan;

⁶⁷gaalonni isaanii dhibba afurii fi soddomii shan, harroonni isaanii kuma ja'aa fi dhibba torbaa fi digdama.

⁶⁸Jarri iddoo mana qulqullummaa isa Yerusaalem keessa jiru yommuu ga'an, angafoota qomoo keessaa kaan manichi iddoo isaatti deebi'ee akka ijaaramuuf fedha isaaniitiin kennaa in dhi'eessan;

⁶⁹isaan akka akka humna isaaniitti buusanii walumatti warqee akka kiilo graamii dhibba shan, meetii akka kiilo graamii kuma sadii miijanuu fi uffata luboonni uffatan dhibba tokko, nama wanta hojichaaf walitti qabamu baatutti in kennan.

⁷⁰Warri lubootaa, warri Lewwootaa, namoonni warri kaanis, warri faarfatootaa, warri karra eegan, hojjetoonni mana qulqullummaa, Israa'eloonni warri kaanis mandara mandara isaanii keessa in jiraatan*.[8]