Read west central oromo Macaafa Nahimiiyaa 11 Bible Online

Macaafa Nahimiiyaa 11 - west central oromo bible

Macaafa Nahimiiyaa 11

¹Warri saba geggeessan mandara Yerusaalem keessa in jiraatan; sabni warri hafan immoo muka buufatanii nama kudhan keessaa tokko Yerusaalem mandara qulqullooftuu keessa, kudhan keessaa salgan warri hafan immoo mandaroota warra kaan keessa akka jiraatan in godhan.

²Sabnis namoota warra fedha isaaniitiin mandara Yerusaalem keessa jiraachuudhaaf of kennan in eebbisan.

³Angafoonni kutaa biyyaa warri Yerusaalem keessa jiraatan kanatti fufanii kan jiranii dha; saba Israa'el keessaa kaan, luboonni, Lewwoonni, hojjetoonni mana qulqullummaa fi ilmaan hojjetoota Solomoon garuu kutaa Yihudaa mandaroota garaa garaa keessa adduma addaan iddoo qabeenyi isaanii jiru in jiraatan.

⁴Ijoollee Yihudaa fi ijoollee Benyaamiin keessaa gar-tokko Yerusaalem keessa in jiraatan; ilmaan Yihudaa keessaa Ataayaa ilma Uziyaa, ilma Zakaariyaas, ilma Amaariyaa, ilma Shefaaxiyaa, ilma Mahalali'el sanyii Faares;

⁵akkasumas Ma'aseyaa ilma Baaruk, ilma Kolhozee, ilma Hazaayaa, ilma Adaayaa, ilma Yoyaariib, ilma Zakaariyaas sanyii Shelaa turan.

⁶Ilmaan Faares warri Yerusaalem keessa jiraatan hundinuu lola kan danda'an namoota dhibba afurii fi jaatamii saddeet turan.

⁷Ilmaan Benyaamiin warra kanatti fufanii jiranii dha; Sa'aaluu ilma Meshulaam, ilma Yo'ed, ilma Phedaayaa, ilma Qolaayaa, ilma Ma'aseyaa, ilma Itii'el, ilma Yeshaa'iyaa ti.

⁸Isa booddees immoo Gabaayii fi Silaayi, walumatti [namoonni lola danda'an] dhibba sagalii fi digdamii saddeet turan.

⁹Yo'el ilmi Ziikrii geggeessituu isaanii ture; Yihudaan ilmi Senu'aa immoo mandarattii irratti geggeessituu isa itti aanu ture.

¹⁰Luboota keessaa immoo Yedaa'iyaa ilma Yoyaariib, Yaakiin,

¹¹Seraayaa ilma Hilqiiyaa ilma Meshulaam, ilma Zaadoq, ilma Meraayotii fi ilma Ahiixub isa mana Waaqayyoo keessatti angafa turee dha.

¹²Obboloonni isaa warri hojii manichaa hojjetan namoota dhibba saddeetii fi digdamii lama turan; isaanis Adaayaa, ilma Yerohaam, ilma Phelaaliyaa, ilma Amzii, ilma Zakaariyaas, ilma Phashhur, ilma Malkiiyaa turan.

¹³Akkasumas obboloonni isaa abboonni qomoo dhibba lamaa fi afurtamii lama turan; isaanis Amashsaayi ilma Azaari'el, ilma Ahazaayi, ilma Mashilemoot, ilma Iimer.

¹⁴Obboloonni isaanii warri lola danda'an namoota dhibba tokkoo fi digdamii saddeet turan; geggeessituun isaanii immoo Zabdii'el ilma nama guddaa tokkoo ture.

¹⁵Lewwoota keessaa immoo Shemaa'iyaa ilma Hashub, ilma Azriiqaam, ilma Hashabiiyaa, ilma Bunii turan.

¹⁶Dura-buutota lubootaa keessaa Shibetaayii fi Yozaabaad karaa bakkee irra adeemanii hojii mana qulqullummaa in ilaalu turan.

¹⁷Kadhataan galata galchuuf Mataniiyaan ilmi Miikaa, ilmi Zabdii, ilmi Asaaf geggeessituu isa jalqabaa, Baqbuqiiyaan obboloota isaa keessaa isa lammaffaa, Abdaan ilmi Shamu'aa, ilmi Gaalaal, ilmi Yidutuun isa itti aanu ture.

¹⁸Lewwoonni warri mandarattii ishee qulqullooftuu keessa jiraatan guutummaatti dhibba lamaa fi saddeettamii afur turan.

¹⁹Akubii fi Xalmoon warri karra eegan obboloota isaanii warra akkuma isaanii karra eeganii wajjin namoota dhibbaa fi torbaatamii lama turan.

²⁰Saba Israa'el keessaa kaan, luboonnii fi Lewwoonni warri hafan, mandaroota Yihudaa hundumaa keessa adduma addaan iddoo dhaalli isaanii jiru in jiraatan.

²¹Hojjetoonni mana qulqullummaa garuu gaara Ofeel gubbaa in jiraatan; Ziikaanii fi Giishphaan hojjetoota mana qulqullummaa sana in hojjechiisu turan*.[35]

²²Uzii ilmi Baanii, ilmi Hashabiiyaa, ilmi Mataniiyaa, ilmi Miikaa Yerusaalem keessatti geggeessituu Lewwootaa ture; ilmaan Asaaf keessaa warri faarfatoonni hojii mana qulqullummaa keessaa hojjechiisaa turan.

²³Qoodni guyyaa guyyaatti warra faarfatootaaf kennamuun ta'u akka kennamuuf mooticha biraa abboommiin ba'ee ture.

²⁴Mootichi saba sana wanta ilaalu hundumaa karaa Fetaahiyaa ilma Meshezaabi'el isa qomoo Zeraa ilma Yihudaa sanaa in hojjeta ture.

²⁵Karaa gandeenii fi lafa naannoo isaanii jiranii immoo, ilmaan Yihudaa keessaa gar tokko Kiriiyat-Arbaa fi gandeen isaa, Dhiibonii fi gandeen isaa, Yiqaabzii'elii fi gandeen isaa,

²⁶Yeshu'aa, Molaadaa, Bet-Phaalex,

²⁷Hazarshu'aal, Bersheebaa fi gandeen isaa,

²⁸Siiqlaag, Mekonaa fi gandeen isaa*,

²⁹En-Rimoon, Zaarii'aa, Yaarmut,

³⁰Zaano'aa, Adulaamii fi gandeen isaa, Laakiishii fi lafa naannoo isaa jiru, Azeqaa fi gandeen isaa keessa in jiraatan; isaan biyya Bersheebaadhaa fi dachaa Hiinom gidduu jiru keessa in jiraatan.

³¹Ilmaan Benyaamiin warri Gebaadhaa dhufan immoo, Miikmaash, Ayyaa, Bet'elii fi gandeen isaa,

³²Anaatot, Nob, Anaaniiyaa,

³³Hazoor, Raamaa, Giitaayim,

³⁴Haadiid, Zebo'iim, Nebaalaax,

³⁵Lod, Onoo dachaa warra waan adda addaa bifa itti baasanii tolchanii keessa in jiraatan.

³⁶Lewwoota keessaa hirmaanni Yihudaa gar-tokko kutaa isa kan Benyaamiin keessa in jiraatan.[36]