Read west central oromo Macaafa Nahimiiyaa 12 Bible Online

Macaafa Nahimiiyaa 12 - west central oromo bible

Macaafa Nahimiiyaa 12

¹Luboonnii fi Lewwoonni warri Zarubaabel ilma She'altii'elii fi Iyaasuu angafa lubootaa wajjin deebi'anii dhufan kanatti fufanii kan jiranii dha; isaanis luboota keessaa Seraayaa, Ermiyaas, Izraa*,

²Amariiyaa, Maluuk, Haxush,

³Shekaaniyaa, Rehuum, Meremoot,

⁴Iddoo, Giinetoo, Abiiyaa,

⁵Miyaamiin, Ma'adiiyaa, Biilgaa,

⁶Shemaa'iyaa, Yoyaariib, Yedaa'iyaa,

⁷Sa'aaluu, Aamoq, Hilqiiyaa fi Yedaa'iyaa dha; isaan kun bara Iyaasuutti dura-buutota lubootaa fi obboloota isaanii turan*.[37]

⁸Lewwoota keessaa immoo, Iyaasuu, Biinuyi, Qadmii'el, Sherebiyaa fi Yihudaa turan; Mataniiyaa hidhata isaa wajjin dura-buutuu warra galata galchanii ture.

⁹Obboloonni isaanii Baqbuqiiyaanii fi Uniiyoon tarree hojichaa keessatti isaanitti aananii in dhaabatu turan.

¹⁰Iyaasuun Yoyaaqiimin dhalche, Yoyaaqiim Eliyaashiibin dhalche, Eliyaashiib Yoyaadaa dhalche;

¹¹Yoyaadaan Yonaataanin dhalche, Yonaataan Yaaduwaa dhalche.

¹²Bara Yoyaaqiimitti maatii lubootaa keessaa akka balbala balbala isaaniitti dura-buutuu kan turan kanatti aananii kan jiranii dha; balbala Seraayaatti, Meraayaa; balbala Ermiyaasitti, Hanaaniyaa;

¹³balbala Izraatti, Meshulaam; balbala Amaariyaatti, Yehohaanaan;

¹⁴balbala Meliikuutti, Yonaataan; balbala Shebanyaatti, Yoseef;

¹⁵balbala Haariimitti, Adnaa; balbala Meraayootitti, Helqaayi;

¹⁶balbala Iddootti, Zakaariyaas; balbala Giinetonitti, Meshulaam;

¹⁷balbala Abiiyaatti, Ziikrii; balbala Miinyaamiinii fi balbala Mo'aadiiyaatti, Phiilxaayi;

¹⁸balbala Biilgaahitti, Shamu'aa; balbala Shemaa'iyaatti, Yehonaataan;

¹⁹balbala Yoyaariibitti, Matenayi; balbala Yedaa'iyaatti, Uzii;

²⁰balbala Saalaayitti, Qalaayi; balbala Aamoqitti, Ebeer;

²¹balbala Hilqiiyaatti, Hashabiiyaa; balbala Yedaa'iyaatti, Nataani'el turan.

²²Bara Eliiyaashaab, Yoyaadaan, Yohaannaanii fi Yaaduwaan angafoota lubootaa turan, Lewwoota keessaa angafoonni abbootaa fi luboonni bara Daariyos mootii Faares keessa caafamanii turan*.

²³Ilmaan Lewwii keessaa angafoonni abbootaa hamma bara Yohaannaan ilma Eliiyaashiibitti macaafa seenaa baraa keessatti caafamaniiru.

²⁴Dura-buutonni Lewwootaa warri hidhata isaanii warra isaanitti aanee dhaabatuu wajjin akka abboommii Daawit nama Waaqayyootti wal harkaa fuudhanii faarfannaadhaan galateeffatan, Hashabiiyaa, Sherebiyaa fi Iyaasuu ilma Qadmii'el turan*.

²⁵Mataniiyaan, Baqbuqiiyaan, Obaadiyaan, Meshulaam, Xalmoonii fi Aquub immoo karra-eegdota mana mi'aa isa gara karraa warra eegan turan*.

²⁶Isaan kun bara Yoyaaqiim ilma Iyaasuu ilma Yozaadaaq akkasumas bara Nahimiiyaa isa biyya bulchuu fi bara lubicha Izraa isa beekaa macaafaa keessa turan.[38]

²⁷Eebbifamuu dallaa Yerusaalem isa haareffame irratti argamanii, sibiila walitti rukutamee sagalee ol kaasuun, kiraaraa fi maseenqoodhaan faarfannaa galataa faarfachaa gammachuudhaan eebbifamuu dallichaa akka ayyaaneffataniif Lewwoonni iddoo jiraatan hundumaatii barbaadamanii Yerusaalemitti in waamaman*.

²⁸Maatii Lewwootaa keessaas faarfatoonni naannoo Yerusaalemii fi gandeen Nefaatotaa keessa jiraatan walitti in qabaman.

²⁹Faarfatoonni sun naannoo Yerusaalemitti gandeen ijaarratanii waan turaniif, Bet-Giilgaalii, bakkee Gebaa keessaa, Bet-Azmaawetiis walitti in qabaman.

³⁰Luboonnii fi Lewwoonni akka seeraatti erga of qulleessanii booddee, namoota, karrawwanii fi dallicha in qulleessan*.[39]

³¹Ani Nahimiiyaan dura-buutota namoota Yihudaa dallicha irratti walitti nan qabe; faarfatoota kutata gurguddaa lamatti hiramanii Waaqayyoof galata galchaa mandaricha naanna'anis tarree nan dhaabe; kutanni inni tokko karaa harka mirgaa dallicha irra gara karra isa ?Karra kosii? jedhamuutti in adeeme.

³²Hoshaa'iyaanii fi dura-buutota namoota Yihudaa keessaa walakkaan kutata sana booddeedhaan in adeeman;

³³Azaariyaan, Izraan, Meshulaam,

³⁴Yihudaan, Benyaamiin, Shemaa'iyaanii fi Ermiyaas immoo booddee isaanii in adeemu turan.

³⁵Luboota keessaa baay'een isaanii fiingee of harkaa qabu turan; Zakaariyaas ilmi Yonaataan Shemaa'iyaa, ilmi Mataniiyaa Miikaayaa, ilmi Zaakur Asaaf,

³⁶obboloonni isaa Shemaa'iyaan, Azaari'el, Miilalaayi, Giilalaayi, Nataani'el, Yihudaanii fi Hanaaniin mi'a ittiin weeddisan isa kan Daawit nama Waaqayyoo of harkaa qabu turan; Izraa inni macaafa beekaan isaan dura bu'ee in adeeme.

³⁷Karaa karra burqaa bishaanii buusaa mandara Daawit irra kallattiidhaan ol ba'anii, karaa ittiin dallichatti ol ba'aniin mana Daawit gara irraadhaan gara karra bishaanii isa ba'a-biiftuutti in adeeman.

³⁸Kutanni faarfatootaa inni lammaffaan immoo karaa harka bitaa tarreedhaan in adeeme; anii fi namoonni warri walakkaan hafan immoo isaan booddeedhaan dallicha irra adeemnee, gimbii iddoo ibiddaa bira darbinee gara dallaa isa bal'aa in dhaqne.

³⁹Karra Efreem gara irraa, karaa karra moofaa, karaa karra qurxummii, karaa gimbii Hanaani'el, karaa masaraa dhibbaa, hamma karra hoolaatti dhufnee, karra mana hidhaa bira geenyee in dhaabanne*.

⁴⁰Faarfatoonni warri Waaqayyoof galata galchan kutanni lamaanuu mana Waaqayyoo keessa iddoo iddoo isaanii in dhaabatan; anii fi bulchitoonni warri anaa wajjin turanis immoo akkasuma in goone.

⁴¹Kutata warra anaa wajjin turan keessa luboonni warri fiingee of harkaa qaban Eliiyaaqiim, Ma'aseyaa, Minyaamiin, Miikaayaa, Elyo'enaayi, Zakaariyaasii fi Haanaaniiyaa,

⁴²akkasumas immoo Ma'aseyaa, Shemaa'iyaa, Ele'azaar, Uzii, Yehohaanaan, Malkiiyaa, Elaamii fi Azer turan; geggeessaa Yizraayaatiin faarfatoonni sagalee guddaadhaan in faarfatan.

⁴³Waaqayyo, baay'ee waan isaan gammachiiseef, gaafas qalma baay'ee dhi'eessanii in gammadan; dubartoonnii fi ijoollonnis immoo in gammadan, sagaleen gammachuu Yerusaalem keessatti ta'e kunis fagootti in dhaga'ame.[40]

⁴⁴Yeroo sanatti namoonni tokko mana mi'aa isa kennaan dhi'aatu, iji midhaanii inni jalqabaaf kudhan keessaa tokko itti walitti qabamuu irratti gaafatamoo ta'anii in fo'aman; akkasumas ga'aa akka seeraatti lubootaa fi Lewwootaa kennamuun ta'u maasii mandaroota naannoo isaanii jiranii irraa manicha mi'aatti walitti qabuun hojii isaanii ture; namoonni Yihudaas hojii lubootaa fi Lewwootaatti in gammadan.

⁴⁵Akka abboommii Daawitii fi Solomoon ilma isaatti luboonnii fi Lewwoonni akkasumas faarfatoonnii fi karra-eegdonni itti gaafatama hojii isaanii in raawwatan*.

⁴⁶Bara durii bara Daawitii fi Asaaf, geggeessitootatu faarfatoota warra faarfannaadhaan Waaqayyoon jajatanii isa galateeffatan geggeessaa ture*.

⁴⁷Bara Zarubaabelii fi Nahimiiyaa Israa'eloonni hundinuu faarfatootaa fi karra-eegdotaaf ga'aa isaanii guyyaa guyyaatti in kennan; kennaa qulqullaa'aa irraas Lewwootaaf ga'aa isaanii in kennan; Lewwoonni immoo lubootaaf qooda isaanii in kennan*.[41]