Read west central oromo Macaafa Nahimiiyaa 7 Bible Online

Macaafa Nahimiiyaa 7 - west central oromo bible

Macaafa Nahimiiyaa 7

¹Dallichi deebifamee ijaarame, balballi isaas erga itti kaa'amee booddee, warri karra eegan warri faarfatanii fi warri Lewwootaa in fo'aman.

²Mandara Yerusaalem akka bulchaniif immoo namoota lama nan fo'e; isaanis obboleessa koo Haanaanii fi Haanaaniyaa turan; Haanaaniyaan kun itti gaafatamaa mana mootummaa, nama amanamaa, namoota baay'ee caalaa Waaqayyoon kan sodaatu ture.

³Ani, ?Hamma aduun baatee lafti ho'utti karra Yerusaalem akka hin saaqne, yeroo aduun dhi'u immoo warri karra eegan utuu hin galin dura karra cufanii akka danqaran akkasumas immoo namoota Yerusaalem keessaa garri kaan iddoo barbaachisaa ta'e, garri kaan immoo naannoo mana isaanii akka eeganiif fo'aa!? jedhee isaanitti nan hime.

⁴Mandarichi bal'aa dha, guddaa dhas; haa ta'u iyyuu malee, namoota muraasatu keessa jiraata; manneen baay'eenis amma illee deebi'anii hin ijaaramne turan.

⁵Yommus warra gurguddoota, warra biyya bulchanii fi namoota warra kaanis walitti qabee akka qomoo qomoo isaaniitti akkan caafsisuuf Waaqayyo anatti in mul'ise; anis lakkoobsa namoota warra biyya itti booji'amanii jalqaba deebi'anii akka qomoo qomoo isaaniitti caafamee nan argadhe; caaffaticha irraas kanan argadhe kanatti fufee jira;

⁶warra Nebukadnezaar mootiin Baabilon booji'ee biyyaa isaan baase keessaa, namoonni kutaa biyyichaa warri biyya itti booji'amanii gara Yerusaalemii fi gara Yihudaatti deebi'anii gara mandara mandara isaaniitti galan kanatti aananii kan jiranii dha.

⁷Isaanis Zarubaabel, Iyaasuu, Nahimiiyaa, Azaariyaa, Raa'amiiyaa, Nahamaanii, Mordekaayi, Biilshaan, Miispheret, Biigwaayi, Nehumii fi Ba'anaahii wajjin dhufan.

⁸Gosi Faarosh kuma lamaaf dhibba tokkoo fi torbaatamii lama;

⁹gosi Shefaaxiyaa dhibba sadii fi torbaatamii lama;

¹⁰gosi Araa dhibba ja'aa fi shantamii lama;

¹¹gosi Fahat, Mo'aab, isaanis gosa Iyaasuu fi gosa Yo'aab keessaa kuma lamaa fi dhibba saddeetii fi kudha saddeet;

¹²gosi Elaam kuma tokkoo fi dhibba lamaa fi shantamii afur;

¹³gosi Zaatuu dhibba saddeetii fi afurtamii shan;

¹⁴gosi Zaakaayi dhibba torbaa fi jaatama;

¹⁵gosi Binuu dhibba ja'aa fi afurtamii saddeet;

¹⁶gosi Bebaayi dhibba ja'aa fi digdamii saddeet;

¹⁷gosi Azigaad kuma lamaa fi dhibba sadii fi digdamii lama;

¹⁸gosi Adoniiqaam dhibba ja'aa fi jaatamii torba;

¹⁹gosi Biigwaayi kuma lamaa fi jaatamii torba;

²⁰gosi Aadiin dhibba ja'aa fi shantamii shan;

²¹gosi Ater sanyii Hisqiyaas keessaa sagaltamii saddeet;

²²gosi Hashum dhibba sadii fi digdamii saddeet;

²³gosi Bezaayi dhibba sadii fi digdamii afur;

²⁴gosi Haariif dhibba tokkoo fi kudha lama;

²⁵gosi Giibe'on sagaltamii shan.

²⁶Namoonni Betlihemii fi Netofaa dhibba tokkoo fi saddeettamii saddeet;

²⁷namoonni Anaatot dhibba tokkoo fi digdamii saddeet;

²⁸namoonni Bet-Azmaawet afurtamii lama;

²⁹namoonni Kiriiyat-Ya'ariim, Kefiiraa fi Beroot dhibba torbaa fi afurtamii sadii;

³⁰namoonni Raamaaa fi Gebaa dhibba ja'aa fi digdamii tokko;

³¹namoonni Miikmaash dhibba tokkoo fi digdamii lama;

³²namoonni Bet'elii fi Aayi dhibba tokkoo fi digdamii sadii;

³³namoonni Neboo gara kaanii shantamii lama;

³⁴gosi Elaam garri kaan kuma tokkoo fi dhibba lamaa fi shantamii afur;

³⁵gosi Haariim dhibba sadii fi digdama;

³⁶gosi Yerikoo dhibba sadii fi afurtamii shan;

³⁷gosi Lod, Haadiidii fi Onoo dhibba torbaa fi digdamii tokko;

³⁸gosi Senaa kuma sadii fi dhibba sagalii fi soddoma.

³⁹Luboonni immoo qomoo Yedaa'iyaa keessaa maatiin Iyaasuu dhibba sagalii fi torbaatamii sadii;

⁴⁰gosi Iimer kuma tokkoo fi shantamii lama;

⁴¹gosi Faashhur kuma tokkoo fi dhibba lamaa fi afurtamii torba;

⁴²gosi Haariim kuma tokkoo fi kudha torba.

⁴³Lewwoonni immoo gosi Iyaasuu maatiiwwan Qadmii'elii fi Hodaawiiyaa torbaatamii afur.

⁴⁴Faarfatoota keessaa immoo, gosi Asaaf dhibbaa fi afurtamii saddeet.

⁴⁵Karra eegdota keessaa immoo gosi Shaalum, gosi Ater, gosi Xalmoon, gosi Aquub, gosi Haxiixaa fi gosi Shobaayi dhibba tokkoo fi soddomii saddeet.

⁴⁶Warra mana qulqullummaa keessaa hojjetan keessaa immoo gosa Siihaa, gosa Hasufaa gosa Xabaa'ot,

⁴⁷gosa Qeros, gosa Sii'aa, gosa Faadon,

⁴⁸gosa Lebaanaa, gosa Hagaabaa, gosa Shaalmaayi,

⁴⁹gosa Hanaan, gosa Giidel, gosa Gahaar,

⁵⁰gosa Re'ayaa, gosa Resiin, gosa Neqodaa,

⁵¹gosa Gaazaam, gosa Uzaa, gosa Faasehaa,

⁵²gosa Besaayi, gosa Me'uniim, gosa Nefushesiim,

⁵³gosa Baqbuq, gosa Haqufaa, gosa Harhur,

⁵⁴gosa Baasliit, gosa Mehiidaa, gosa Haarshaa,

⁵⁵gosa Baarqos, gosa Siiseraa, gosa Tamaa,

⁵⁶gosa Nesiiyaa fi gosa Haxiifaa ti.

⁵⁷Gosa hojjetoota Solomoon keessaa immoo, gosa Soxaayi, gosa Soferet, gosa Firiidaa,

⁵⁸gosa Ya'alaa, gosa Daarqon, gosa Giidel,

⁵⁹gosa Shefaaxiyaa, gosa Haxiil, gosa Fokeret-Hasbaayim, gosa Amoon.

⁶⁰Gosi hojjetoota mana qulqullummaa fi gosi hojjetoota Solomoon walumatti dhibba sadii fi sagaltamii lama.

⁶¹Warri mandara Tel-Melaatii, mandara Tel-Haareshaatii, mandara Keruubii, mandara Adonii fi mandara Iimerii ba'anii dhufanii sanyiin isaanii yookiis qomoon isaanii Israa'el ta'ee isaa fi hin taanee isaa waan ittiin amansiisan dhaban immoo kanatti fufanii kan jiranii dha;

⁶²isaanis gosa Delaayaa, gosa Xobiiyaa fi gosa Neqodaa ti; lakkoobsi isaaniis dhibba ja'aa fi afurtamii lama.

⁶³Luboota keessaa immoo warri gosa Habaayaa, warri gosa Haqozii fi gosa Barziilaayi isa intala Barziilaayi Giil'aadichaa fuudhee maqaa kanaan waamame,

⁶⁴warra akka hidda dhaloota isaaniitti caafaman keessaa maqaan sanyii isaanii waan dhabameef akka xuraa'ootti lakkaa'amanii hojii lubummaa keessaa baafamanii dha.

⁶⁵Kana irratti bulchaan biyyichaa, ?Hamma lubni Uriimii fi Tumiimin fuudhee ittiin gargar baasee gaafatu argamutti nyaata hundumaa irra qullaa'aa ta'e hin nyaatinaa!? jedhee isaan in abboome*.

⁶⁶Lakkoobsi warra biyya itti booji'amanii deebi'anii guutummaatti kuma afurtamii lamaa fi dhibba sadii fi jaatama.

⁶⁷Kana biratti immoo lakkoobsi hojjetoota isaanii dhiironnii fi dubartoonni kuma torbaa fi dhibba sadii fi soddomii torba; akkasumas immoo faarfatoota dhiirotaa fi dubartoota dhibba lamaa fi afurtamii shan qabu turan.

⁶⁸Fardeen isaanii dhibba torbaa fi soddomii ja'a, gaangoliin isaanii dhibba lamaa fi afurtamii shan;

⁶⁹gaalonni isaanii dhibba afurii fi soddomii shan; harroonni isaanii kuma ja'aa fi dhibba torbaa fi digdama.[20]

⁷⁰Dura-buutota qomoo keessaa gar tokko hojichaaf kennaa in kennan; bulchaan biyyaas warqee akka kiilo graamii ja'aa miijanu, caabiiwwan shantamaa fi uffata lubootaa dhibba shanii fi soddoma wanta hojii kanaaf kennametti in dabale.

⁷¹Dura-buutota qomoo keessaa garri kaan immoo warqee akka kiilo graamii dhibbaa fi digdamaa miijanuu fi meetii akka kiilo graamii kuma tokkoo fi dhibba sadii fi digdamaa miijanu wanta hojii kanaaf kennametti in dabalan.

⁷²Namoonni warri hafan immoo walumatti warqee akka kiilo graamii dhibbaa fi digdamaa miijanu, meetii akka kiilo graamii kuma tokkoo fi dhibba lama miijanuu fi uffata lubootaa jaatamii torba wanta hojii kanaaf kennametti in dabalan.

⁷³Luboonni, Lewwoonni, karra eegdonni, faarfatoonni, namoota warra kaan keessaa, warri mana qulqullummaa keessaa hojjetanis mandarattii keessa in taa'an; Israa'eloonni guutummaatti mandaroota ofii isaanii keessa in jiraatan.