Read west central oromo Macaafa Asteer 8 Bible Online

Macaafa Asteer 8 - west central oromo bible

Macaafa Asteer 8

¹Gaafuma sana Ahashweros mootichi qabeenya Haamaan isa diina Yihudootaa ture sanaa Asteer mootittiidhaaf in kenne; isheen immoo Mordekaayii wajjin firooma akka qaban mootichatti in himte; yeroo sanaa jalqabee, Mordekaayi fuula mootichaa dura in dhaqa ture*.

²Mootichi amartii qubaa isaa isa mallattoo qabu Haamaanittii isa baase sana ofittii baasee Mordekaayiif in kenne; Asteer immoo qabeenya Haamaan irratti Mordekaayiif aboo in kennite*.[20]

³Ammas Asteer miilla mootichaatti kuftee, Haamaan namni biyya Agaag Yihudoota irratti kan qopheesse akeeki isaa inni hamaan sun isaan irraa akka ka'uuf boossee in kadhatte*.

⁴Achumaan mootichi siiqqee isaa isa warqee irraa hojjetame isheetti waan qabeef, isheenis kaatee isa dura dhaabattee*,

⁵?Yaa mootii, jaalala kee yoo ta'e, ani si duratti ayyaana argadhee yoon jiraadhe, kana gochuun qajeelaa yoo sitti fakkaate, yoo na jaallattes, caaffanni Haamaan ilmi Hamedaataa namni biyya Agaag, Yihudoota kutaa biyya mootummaa keetii keessa jiran hundumaa balleessuudhaaf akeekee caafee ture sun akka ka'uuf, abboommiin kee caaffataan anaaf haa darbu!

⁶Wanta hamaa qomoo koo irra ga'u, dhumiisa aantii kootiis ani attamittan taa'ee ilaaluu danda'a?? jette.[21]

⁷Yommus Ahashweros mootichi, Asteer mootittii fi Mordekaayi Yihudichaan, ?Kunoo, sababii Haamaan Yihudoota ficisiisuudhaaf abboommii irratti dabarseef, ani mukatti isa rarraasiseera, qabeenya isaa immoo Asteeriif kenneera;

⁸caaffanni maqaa mootiitiin caafamee amartii mallattoo isaatiin mallateeffame gara gala waan hin qabneef, isinis waa'ee Yihudootaatiif wanta gaarii isinitti fakkaate maqaa kootiin caafaatii amartii mallattoo kootiin mallateessaa!? jedhe*.

⁹Ji'a sadaffaa isa ?Siiwaa? jedhamutti, ji'ichattiis gaafa guyyaa digdamii sadaffaa caaftonni mootummaa in waamaman; isaan abboommii Mordekaayi akka caaffata kutaa biyya garaa garaatii fi afaan saba garaa garaatti waa'ee Yihudootaa fi biyya bulchitoota, abboota kutaa biyyaa fi gurguddoota saba garaa garaa warra biyya Hindiitii hamma biyya Itiyoophiyaatti kutaawwan biyya dhibbaa fi digdamii torbaa geggeessaniif akkasumas Yihudootaaf in caafan*.

¹⁰Mordekaayi caaffata kana maqaa Ahashweros mootichaatiin caafsisee amartii mallattoo mootichaatiinis in mallateesse; caaffaticha immoo harka namoota fardeen cocollee dhimma ariifachiisaadhaaf iddoo garaa garaatti argamaniin dha'ataniitti kennee, iddoo hundumaatti in erge.[22]

¹¹Yihudoonni mandara garaa garaa keessa jiraatan walitti gamtatanii, jireenya isaanii akka eeggatan, humna saba garaa garaa kutaawwan biyyaa hundumaa keessaa isaanitti dhufu immoo akka balleessaniif, dubartoota isaanii fi ijoollee isaanii wajjin akka fixaniif, akka isaan barbadeessanii qabeenya isaanii immoo saamaniif, caaffata kana keessatti mootichi aboo isaaniif in kenne*.

¹²Kanas warri Yihudootaa guutummaa kutaa biyyaa mootummaa Ahashweros keessatti guyyaa tokkicha, innis ji'a kudha lammaffaa isa ji'a ?Adaar? jedhamu, gaafa guyyaa kudha sadaffaa akka godhaniif in murame.

¹³Gaafas Yihudoonni diinota isaanii irratti ijaa baafachuudhaaf akka qophaa'aniif caaffanni labsii sanaa irraa gara galfamee, saba garaa garaa kutaa biyyaa hundumaa keessa jiranitti in beeksifame.

¹⁴Labsichi mana mootummaa isa mandara Susaan keessa jiruttis immoo in in dhageessifame; namoonni fardeen coccollee dhimma mootichaa isa ariifachiisaadhaaf qophaa'aniin dha'atanis abboommii mootichaatiin jarjarfamanii caaffaticha fuudhanii kara-karaa in ba'an.[23]

¹⁵Mordekaayi uffata bildiimaa quncee talbaa ba'eessa irraa dha'ame uffatee, irratti immoo wayyaa mootummaa isa bifa adii fi bifa waaqaa qabu dabalatee, gonfoo warqee guddaa mataatti kaa'atee, mooticha biraa gad in ba'e; yommus warri mandara Susaan gammadanii in ililchan*.

¹⁶Kun Yihudootaaf yeroo ifaa, yeroo gammachuu, yeroo ilillee fi yeroo ulfinaa ture.

¹⁷Kutaa biyya sanaa fi mandaroota biyya sanaa, lafuma labsiin mootichaa fi abboommiin isaa itti dhaga'ame hundumaatti, Yihudoonni gammachuudhaan, ililleedhaan, nyaataa fi dhugaatiidhaanis in ayyaaneffatan; namoota biyya sanaa keessaa baay'een Yihudoota waan sodaataniif, qomoo isaanii Yihudiitti in geddaratan.[24]