Read west central oromo Seera Ba'uu 11 Bible Online

Seera Ba'uu 11 - west central oromo bible

Seera Ba'uu 11

¹Ergasii Waaqayyo Museedhaan, ?Ani amma dha'icha tokko duwwaa mooticha irratti, biyya isaa irrattis dabalee nan fida, mootichis kana booddee gad isin in dhiisa; gara dhumaatti yommuu asii gad isin dhiisu, ari'ee gad isin in baasa*.

²Dhiirri, dubartiinis ollaa ollaa isaanii mi'a meetii, mi'a warqees gaafatanii akka fudhataniif saba Israa'el gurra buusi!? jedhe*.

³Waaqayyo yommus warri Gibxi saba sanaaf akka faara tolan godhe; Museen immoo biyya Gibxiitti hojjetoota mootichaa fi warra Gibxii duratti baay'ee nama guddaa ta'e.[55]

⁴Ergasii Museen, ?Waaqayyo, ?Ani gara halkan walakkaatti biyya Gibxii keessa nan ba'a;

⁵biyya Gibxii keessaa, dhala mootichaa isa angafa isa teessoo isaa dhaalu jalqabee hamma dhala hojjettuu ishee daakuu daaktu isa angafaatti, angafni hundinuu in du'a; horii keessaas angafni hundinuu in du'a*.

⁶Guutummaa biyya Gibxii keessatti boo'ichi guddaan in ta'a; boo'ichi akkasii kun takkaa ta'ee hin beeku, kan akkasiis deebi'ee hin ta'u.

⁷Namaa fi horii Israa'elootaatti garuu sareen illee hin duutu; Waaqayyo warra Gibxii fi warra Israa'el gidduutti garaagarummaa akka godhu kanaan in beektu? jedhe? jedhe*.

⁸Museen itti dabalee, ?Hojjetoonni kee kun hundinuu gara kootti gad bu'anii, anaaf qoomma'anii, ?Ati warra si faana adeeman hundumaa wajjin hadaraa ba'i!? naan jedhu; anis kana booddee nan ba'a? jedhe; Museen kana booddee aaree boba'ee mooticha biraa in adeeme.[56]

⁹Dura iyyuu Waaqayyo Museedhaan, ?Dinqiin koo biyya Gibxiitti akka baay'atuuf, mootichi isiniif hin dhaga'u? jedhee ture.

¹⁰Museenii fi Aaron fuula mootichaa duratti dinqii kana hundumaa godhaniiru; Waaqayyo immoo mooticha garaa waan jabeesseef, Israa'eloonni biyya isaa keessaa akka ba'aniif gad hin dhiifne*.[57]