Read west central oromo Seera Ba'uu 13 Bible Online

Seera Ba'uu 13 - west central oromo bible

Seera Ba'uu 13

¹Waaqayyo Museedhaan,

²?Angafa hundumaa addaan anaaf baasi! Israa'eloota keessatti namni, horiinis kara-saaqii kan ta'e hundinuu kan koo ti? jedhe*.[67]

³Museen yommus jaraan, ?Waaqayyo irree jabaadhaan achii waan isin baaseef, guyyaa itti mana garbummaa biyya Gibxii keessaa baatan kana yaadadhaa! Yeroo kana wanti raacitii qabu hin nyaatamin*!

⁴Ji'a Abiib keessaa guyyaa har'aa ba'uu keessan*.

⁵Waaqayyo biyya aannanii fi damma baasu isiniif kennuudhaaf abboota keessan kakuudhaan abdachiiseera; inni biyya Kana'aanotaa, Heetotaa, Amoorotaa, Hiiwotaa, Yibusootaattis yommuu isin galchu, ji'a kana keessa Waaqayyoof hojjechuudhaan ayyaana Maxinoo kana godhadhaa*!

⁶Guyyaa torba maxinoo in nyaattu, guyyaan torbaffaan immoo ulfina Waaqayyootiif ayyaana in ta'a*? jedhe.

⁷Itti fufee saba sanaan, ?Guyyaa torban kana maxinoon haa nyaatamu! Wanti raacitii qabu isin biratti hin argamin; biyya kee keessattis iddoo tokkotti illee raacitiin hin argamin*!

⁸Gaafas, ?Kun wanta Waaqayyo yeroo ani biyya Gibxii keessaa ba'e anaaf godhe sanaaf in hojjetama? jettee ilma keetti in himta.

⁹Waaqayyo irree jabaadhaan biyya Gibxii keessaa waan si baaseef, seerri Waaqayyoo afaan kee keessaa akka hin buunetti, kun harka kee irratti milikkita, ija kee durattis seenaa siif haa ta'u*!

¹⁰Seera ayyaana kanaa wagguma waggaatti guyyaa isaaf dhaabate sanatti eegi!? jedhe.[68]

¹¹Museen itti fufee, ?Waaqayyo biyya siif kennuudhaaf, abboota kee kakuudhaan abdachiise, biyya Kana'aanotaatti si galcha.

¹²Yommus kara-saaqii hundumaa Waaqayyoof in dhi'eessita; horii kee hundumaa keessaa dura kan dhalate kormi hundinuu kan Waaqayyoo ti.

¹³Harree wadala angafa dhalatu hundumaa xobbaallaa korbeessaatiin in furta; yoo furuu dhabaatte immoo saggoo isaa kuti! Sanyii kee keessaa immoo ilma isa angafa in furta.

¹⁴Eger-bor ilmi kee, ?Inni ati akkas gootu kun maali?? jedhee yommuu si gaafatu, ati immoo, ?Waaqayyo irree jabaadhaan mana garbummaa biyya Gibxii keessaa nu baase.

¹⁵Mootiin Gibxii mataa jabaatee yommuu gad nu dhiisu dide, Waaqayyo immoo biyya Gibxii keessaa angafa namaatii jalqabee hamma angafa horiitti, angafa hundumaa in ajjeese; kanaaf ani kara-saaqii korma ta'ee dhalatu hundumaa Waaqayyoof aarsaa nan dhi'eessa; ilmaan koo keessaa isa angafa garuu nan fura? jedhii itti himi!

¹⁶Waaqayyo irree jabaadhaan biyya Gibxii keessaa waan nu baaseef, gochi kun harka kee irratti milikkita, ija kee durattis kan rarra'u haa ta'u!? jedhe*.[69]

¹⁷Mootiin Gibxii jara yommuu gad dhiise, karaan biyya Filiisxiyaa keessa baasu dhi'oo yoo ta'e iyyuu lolli yoo isaanitti ka'e jarri gaabbanii biyya Gibxiitti akka hin deebineef Waaqayyo achi irra isaan hin geessine.

¹⁸Waaqayyo kanaaf akka jarri karaa lafa onaa keessa ba'ee gara galaana diimaa dhaqu irra naanna'anii adeeman godhe; Israa'eloonni mi'a lolaa akkuma hidhatanitti biyya Gibxii keessaa ol ba'an.

¹⁹Yoseef, ?Waaqayyo dhugumaan isin in yaadata; isin immoo yommus lafee koo asii fuudhaa ba'aa!? jedhee, Israa'eloota jabeessee waan kaksiiseef, Museen lafee Yoseef fuudhee ba'e*.[70]

²⁰Jarri Suukootii ka'anii, Etaam qarqara lafa onaa buufatan.

²¹Waaqayyo akka isaan halkanii fi guyyaa adeemuu danda'aniif, guyyaa utubaa duumessaatiin isaan dura adeemee karaa isaanitti argisiise, halkan immoo utubaa ibiddaatiin isaaniif ibse; akkasitti isaan in geggeesse*.

²²Guyyaa utubaan duumessaa, halkan immoo utubaan ibiddaa fuula jaraa duraa hin dhabamne ture.[71]