Read west central oromo Seera Ba'uu 17 Bible Online

Seera Ba'uu 17 - west central oromo bible

Seera Ba'uu 17

¹Waldaan Israa'el guutummaatti akka Waaqayyo isaanitti himetti, Siin lafa onaadhaa ka'anii iddoodhaa gara iddootti darbaa dhufanii iddoo ?Refiidiim? jedhamu in buufatan; garuu sabni sun bishaan dhugan hin arganne*.

²Kanaaf jarri, ?Bishaan dhugnu nuuf kenni!? jedhanii Musee lolan; Museen immoo jaraan, ?Maaliif ana loltu? Waaqayyoonis maaliif qortu?? jedhe*.

³Jarri bishaan dhabanii waan dheebotaniif, Musee irratti guungumanii, ?Nuun, ijoollee keenya, horii keenyas dheebuudhaan fixuudhaaf biyya Gibxii nu baaftee?? jedhan*.

⁴Yommus Museen gara Waaqayyootti iyyee, ?Jarri kunoo, dhagaadhaan na rukutuudhaaf xinnoo isheetu isaan hafe, maal godhu?? jedhe*.

⁵Waaqayyo immoo deebisee Museedhaan, ?Maanguddoota Israa'el keessaa muraasa fudhadhuutii, ulee kee isa ittiin bishaan Abbayyaa rukuttes qabadhuutii, jara dura darbii adeemi!

⁶Kunoo! Ani achi Siinaatti kattaa tokko irra si dura nan dhaabadha; ati immoo kattaa sana in rukutta, bishaan isa keessaa in burqa, jarris isa in dhugu? jedhe; Museenis ija maanguddoota Israa'el duratti akkasuma in godhe*.

⁷Namoonni Israa'el waan morkataniif gooftichaan immoo, ?Waaqayyo nu gidduu jira moo hin jiru?? jedhanii waan qoraniif, maqaan iddoo sanaa ?Maasaa fi Mariibaat[89]? moggaafame*.[90]

⁸Warri Amaaleq Refiidiimin dhufanii warra Israa'el in lolan.

⁹Museen yommus Iyaasuudhaan, ?Namoota fo'adhuutii dhaqii warra Amaaleq loli! Anis bor ulee Waaqayyoo qabadhee gaara gubbaa nan dhaabadha? jedhe.

¹⁰Iyaasuun akkuma Museen isatti hime godhe, warra Amaaleq loluudhaaf ba'e; Museen, Aaronii fi Huur garuu gaara gubbaatti ol ba'an.

¹¹Yeroo Museen harka isaa ol qabu warra Israa'eltu humna caala ture; yeroo inni harka isaa gad deebisu immoo warra Amaaleqtu humna caala ture.

¹²Harki Musee in dadhabe; yommus isaan dhagaa fidanii achi keenyaaniif, inni irra taa'e; Aaronii fi Huur immoo, inni tokko garanaan, inni kaan immoo garasiin goranii, hamma aduun lixutti harki isaa akka gad hin deebineef ol qabaniif.

¹³Yommus Iyaasuun loltoota warra Amaaleq billaadhaan in mo'e.

¹⁴Ergasii Waaqayyo Museedhaan, ?Seenaa kana akka macaafaatti caafi! Ani immoo seenaa warra Amaaleq raawwadhee bantii waaqaa jalaa haxaa'ee akkan balleessu Iyaasuutti himi!? jedhe*.

¹⁵Museenis iddoo aarsaa ijaaree, maqaa isaas ?Waaqayyo faajjii koo ti? jedhee moggaase*.

¹⁶Itti dabalees, ?Harki gara teessoo Waaqayyootti ol fuudhameera! Waaqayyo immoo dhalootaa hamma dhalootaatti warra Amaaleq in lola? jedhe.[91]